ગત દિવસોમાં બોલિવુડ સિંગર મીકા સિંહનો કરાચીમાં પૂર્વ રાષ્ટ્રપતિ જનરલ પરવેઝ મુશર્રફના સંબંધીના લગ્મમાં કોન્સર્ટ કરતા વીડિયો વાયરલ થયો હતો.
ભારત-પાકિસ્તાનના તણાવની વચ્ચે મીકા સિંહે ત્યાં જઇને પરફોર્મ કર્યુ તે લોકોને પસંદ ના આવ્યો. પછી ઑલ ઇન્ડિયા સિન વર્કર એસોસિએશન (AICWA) અને ફેડરેશન ઑફ વેસ્ટર્ન ઇન્ડિયા સિને એમ્પ્લોઝ (FWICE)એ મીકા પર પ્રતિબંધ લગાવી દીધો હતો, જોકે પછી મીકાએ માફી માંગી તે પછી તેના પર લાગેલો પ્રતિબંધ હટાવી દેવામાં આવ્યો.
જોકે મીકા સિંહના સપોર્ટમાં બિગ બૉસ 11ની વિનર શિલ્પા શિંદે આવી છે. શિલ્પાના ફેન પેજ પર એક વીડિયો વાયરલ થયો છે, જેમાં એક્ટ્રેસ મીકાને સપોર્ટ કરી રહી છે. શિલ્પા શિંદે એ કહ્યુ કે, ''પાજી તમે કોઇ ભૂલ કરી નથી, ન તો તમારા પર કોઇ પ્રતિબંધ લગાવી શકે. આ પ્રતિબંધ શબ્દ જ ખોટો છે. CINE ને બોલો કે પોતાના આર્ટિસ્ટ પર તથા શોષણને રોકે, ન તો તમારા પર પ્રતિબંધ લગાવે. તમારો હક છે. કોઇ પણ કોઇના પર પ્રતિબંધ ના લગાવી શકે. આ ઇન્ડસ્ટ્રીમાં જે પ્રતિબંધ શબ્દ છે તે બકવાસ છે. પાકિસ્તાન અને ઇન્ડિયાની વચ્ચે જે ચાલી રહ્યુ છે અને અમને વીઝા મળ્યા. આપણી મિત્રતા આપણે ચોક્કસથી નીભાવીશું. આપણા હિન્દુસ્તાનીઓનું દિલ ખૂબ મોટુ છે. હિન્દુસ્તાન-પાકિસ્તાનના નામે ઝઘડાનો કોઇ મતલબ નથી. ખોટી વાતનુ સમર્થન ના કરો. હું તમારી સાથે છું અને તમારા સાથે કામ કરીશ. ઘણા આર્ટિસ્ટ છે જેઓ તમારી સાથે કામ કરશે, જોઇએ આપણને કોણ રોકે છે અને રોકીને બતાવે.''
મીકા સિંહે માફી માંગી પછી હટાવવામાં આવ્યો પ્રતિબંધ:
મીકા સિંહે પ્રેસ કોન્ફરન્સમાં મીડિયા સાથે વાત કરતા કહ્યુ કે,''હું તમામની માફી માંગું છું અને આગળથી આવી ભૂલ નહી થાય. '' તેણે આગળ કહ્યુ કે, ''જો કોઇને વીઝા મળશે, તો તે જશે. તમને મળશે તો તમે પણ જશો. મને મળ્યા અને હું ગયો. હું બહુ પહેલા મારા ક્લાયન્ટ પ્રોમિસ આપી ચૂક્યો હતો. જોકે મારો ટાઇમિંગ ખોટો હતો કેમકે આર્ટિકલ 370ને લઇને સરકારનો નિર્ણય આવી ગયો.''
શું હતો વિવાદ:
થોડાં દિવસ પહેલાં મીકા સિંહનો એક વીડિયો સામે આવ્યો હતો. વીડિયોમાં સિંગર પૂર્વ રાષ્ટ્રપતિ જનરલ પરવેઝ મુશર્રફના સંબંધીના લગ્નમાં પર્ફોર્મ કરતો જોવા મળ્યો હતો. આ વીડિયો સામે આવ્યા બાદ યુઝર્સે મીકાના પર્ફોર્મન્સ પર ગુસ્સો વ્યક્ત કર્યો હતો અને તેને ટ્રોલ પણ કર્યો હતો. આટલું જ નહીં ફિલ્મ ઈન્ડસ્ટ્રીઝમાંથી મીકાને બૅન કરી દેવામાં આવ્યો હતો.