રાકેશ ઝુનઝુનવાલાની એરલાઈન કંપની અકાસા એર આવતા મહિને ઓગસ્ટથી ઉડાન ભરવા જઈ રહી છે, મુંબઇ-અમદાવાદ રૂટ પર તેની પ્રથમ કોમર્શિયલ ફ્લાઇટ ભરશે પહેલી ઉડાન
અકાસા એરની 7 ઓગસ્ટે મુંબઇ-અમદાવાદ રૂટ પર પ્રથમ કોમર્શિયલ ફ્લાઇટ શરૂ
કંપની બે 737 MAX એરક્રાફ્ટ સાથે કોમર્શિયલ ફ્લાઈટ્સ શરૂ કરશે
મુસાફરો કંપનીની સત્તાવાર વેબસાઇટથી ફ્લાઇટ ટિકિટ બુક કરી કરશે
એરલાઈન ઈન્ડસ્ટ્રી સાથે જોડાયેલા એક મોટા સમાચાર આવી રહ્યા છે. રાકેશ ઝુનઝુનવાલાની એરલાઈન કંપની અકાસા એર આવતા મહિને ઓગસ્ટથી ઉડાન ભરવા જઈ રહી છે. જેની માટે બુકિંગ પણ શરૂ થઈ ગયું છે. કંપનીએ આ જાણકારી આજે એટલે કે શુક્રવારે આપી છે. નવી એરલાઇન Akasa Airએ શુક્રવારે જણાવ્યું હતું કે, તે બોઇંગ 737 MAX એરક્રાફ્ટનો ઉપયોગ કરીને 7 ઓગસ્ટે મુંબઇ-અમદાવાદ રૂટ પર તેની પ્રથમ કોમર્શિયલ ફ્લાઇટ શરૂ કરશે.
અકાસા એરની ટિકિટનું વેચાણ શરૂ
કંપનીએ કહ્યું કે, તેણે 28 સાપ્તાહિક ફ્લાઈટ્સ પર ટિકિટનું વેચાણ શરૂ કરી દીધું છે. તે 7 ઓગસ્ટથી મુંબઈ-અમદાવાદ રૂટ પર ઓપરેટ થશે. આ સાથે 13 ઓગસ્ટથી બેંગલુરુ-કોચી રૂટ પર 28 સાપ્તાહિક ફ્લાઈટ્સ પર ઓપરેટ કરશે.
#ItsYourSky We are progressively expanding our network and connecting more cities. ✈️
કંપની બે 737 MAX એરક્રાફ્ટ સાથે કોમર્શિયલ ફ્લાઈટ્સ શરૂ કરશે. બોઇંગે એક MAX એરક્રાફ્ટની ડિલિવરી કરી છે અને બીજું આ મહિનાના અંતમાં ડિલિવરી થવાની છે. અકાસા એરના સહ-સ્થાપક અને સીઈઓ પ્રવીણ અય્યરે જણાવ્યું હતું કે, "અમે મુંબઈ અને અમદાવાદ વચ્ચેની ફ્લાઈટ્સ સાથે નવા બોઈંગ 737 MAX એરક્રાફ્ટ સાથે કામગીરી શરૂ કરીએ છીએ." તેમણે કહ્યું, “અમે અમારા નેટવર્કને તબક્કાવાર વિસ્તારીશું. અમે વધુ શહેરોને જોડીશું.
મુસાફરો ક્યાંથી બુકિંગ કરાવી શકે ?
કંપનીએ કહ્યું કે, મુસાફરો કંપનીની સત્તાવાર વેબસાઇટ akasaair.com પર અથવા Google Play Store પરથી Akasa Air એપ્લિકેશન ડાઉનલોડ કરીને તેમની ફ્લાઇટ ટિકિટ બુક કરી શકે છે. તમને જણાવી દઈએ કે, Akasa Air એ એરલાઈન ઈન્ડસ્ટ્રીમાં પ્રવેશવા માટે સૌથી ઓછી કિંમતની એરલાઈન્સમાંથી એક છે. આ મહિનાની શરૂઆતમાં ડિરેક્ટોરેટ જનરલ ઓફ સિવિલ એવિએશન રેગ્યુલેટરી (DGCA) તરફથી ઓપરેટર સર્ટિફિકેટ મેળવનાર એરલાઈને વિવિધ પોસ્ટ માટે ભરતી પ્રક્રિયા શરૂ કરી દીધી છે.