Pegasus કેસમાં whats App પૈરૈટ કંપની Meta ની મોટી જીત થઈ છે. હવે પેગાસસ બનાવવા વાળી ઈઝરાયેલની કંપની NSO Grup પર કેસ ચાલશે. જેની મંજૂરી અમેરિકાની સુપ્રિમ કોર્ટે આપી દીધી છે.
Pegasus કેસમાં Meta ની મોટી જીત થઈ
પેગાસસ બનાવવા વાળી ઈઝરાયેલની કંપની પર કેસ ચાલશે
કેસ ચલાવવા અમેરિકાની સુપ્રિમ કોર્ટે આપી મંજૂરી
કેટલાક સમય પહેલા Pegasus સ્પાયવેર ઘણા વિવાદોમાં રહ્યો છે. હવે તેને બનાવનાર ઈઝરાયેલની જાસૂસી કંપની NSO ગ્રુપની મુશ્કેલી વધવા જઈ રહી છે. આના પર Meta ના ઇન્સ્ટન્ટ મેસેજિંગ પ્લેટફોર્મ WhatsApp દ્વારા કેસ દાખલ કરવામાં આવ્યો હતો. જેને યુએસ સુપ્રીમ કોર્ટે મંજૂરી આપી દીધી છે.
WhatsApp નો આરોપ છે કે પેગાસસે એપની ખામીનો ફાયદો ઉઠાવીને લોકોના ફોનમાં જાસૂસી અથવા જાસૂસી સોફ્ટવેર ઇન્સ્ટોલ કર્યું હતું. જેના કારણે 1400 લોકોની જાસૂસી કરવામાં આવી હતી. આમાં પત્રકારો અન્યોનો સમાવેશ થાય છે.
ત્યારે ન્યાયાધીશોએ નીચલી કોર્ટના નિર્ણય પર NSO ગ્રૂપની અપીલ ફગાવી દીધી અને કહ્યું કે ટ્રાયલ આગળ વધી શકે છે. ઈઝરાયેલની કંપનીએ પોતાને વિદેશી સરકારની એજન્ટ ગણાવી હતી અને તેના કારણે કેસ આગળ વધી શકે તેમ ન હોવાનું કહેવાય છે. પરંતુ હવે આ નિર્ણયને સુપ્રીમ કોર્ટે રદ કરી દીધો છે.
1400 લોકો પર જાસૂસીનો આરોપ
મેટાનું વોટ્સએપ ઈઝરાયેલની ફર્મ સામે કાયદેસરની કાર્યવાહી કરતી કંપનીઓમાંની એક છે. NSO ગ્રુપ પર આરોપ છે કે તેણે મેસેજિંગ પ્લેટફોર્મ દ્વારા પેગાસસ ઇન્સ્ટોલ કરીને 1400 લોકોની જાસૂસી કરી હતી.
વર્ષ 2019ના કેસ અનુસાર, કંપની ઈચ્છે છે કે NSO ગ્રુપને મેટા પ્લેટફોર્મ અને સર્વરથી બ્લોક કરવામાં આવે જેથી ભવિષ્યમાં આવું કંઈ ન થાય. આ સિવાય કંપની અનિશ્ચિત નુકસાનની ભરપાઈ પણ કરવા માંગે છે.
Meta એ આ નિર્ણયને આવકાર્યો હતો
Meta એ યુએસ સુપ્રીમ કોર્ટના આ નિર્ણયને આવકાર્યો છે. Meta એ WhatsApp અને Facebook બંનેની પેરેન્ટ કંપની છે. NSO ગ્રુપ છેલ્લા ઘણા સમયથી વિવાદોમાં છે. તે સાયબર હુમલા માટે જાણીતું છે. Meta એ એક નિવેદનમાં કહ્યું છે કે જાસૂસી સોફ્ટવેરના ઓપરેશનથી યુએસના કાયદાનું ઉલ્લંઘન થયું છે અને આ ગેરકાયદેસર ઓપરેશન માટે તેમને જવાબદાર ઠેરવવા પડશે.
તમને જણાવી દઈએ કે Pegasus નો મામલો ભારતમાં પણ ખૂબ ચર્ચામાં રહ્યો છે. વિપક્ષ આ મુદ્દે સરકારને સતત ઘેરી રહ્યો છે. એવો આરોપ છે કે ભારત સરકારે આના દ્વારા ઘણા વિપક્ષી નેતાઓની જાસૂસી કરાવી છે. જો કે સરકારે આ તમામ આરોપોને પાયાવિહોણા ગણાવ્યા છે.