IPLIN
 

બોલીવુડ / Oh My God 2 ની રીલીઝ પર મોટા અપડેટ: અક્ષય કુમારે આપી ચોંકાવનારી જાણકારી

Team VTV 03:41 PM, 21 Aug 22
Follow us
Big update on Oh My God 2 release: Akshay Kumar gives shocking information

ફિલ્મ કટપુતલીના ટ્રેલર લોન્ચ ઇવેન્ટમાં અક્ષય કુમારે તેની આવનારી ફિલ્મ 'ઓહ માય ગોડ 2'  ફિલ્મ રીલીઝ વિશે એક ચોંકાવનારો ખુલાસો કર્યો હતો.

  • અક્ષય કુમારની આવનારી ફિલ્મ કટપુતલીનું ટ્રેલર રીલીઝ થઇ ગયું
  • અક્ષય કુમારને રીપોર્ટર દ્વારા 'ઓહ માય ગોડ 2' ફિલ્મ રીલીઝ વિશે પૂછવામાં આવ્યું હતું
  • કટપુતલી વર્ષ 2018માં રીલીઝ થયેલ તમિલ ફિલ્મ રતનસન ફિલ્મની રીમેક છે

અક્ષય કુમારની આવનારી ફિલ્મ કટપુતલીનું ટ્રેલર રીલીઝ થઇ ગયું છે. એ ટ્રેલરમાં અક્ષય કુમાર કોઈ એક સીરીયલ કિલરને પકડવા માટે સંઘર્ષ કરતો નજર આવે છે. આ ટ્રેલર લોન્ચ ઇવેન્ટમાં અક્ષય કુમારે તેની આવનારી ફિલ્મ 'ઓહ માય ગોડ 2'  ફિલ્મ રીલીઝ વિશે એક ચોંકાવનારો ખુલાસો કર્યો હતો. આ પહેલાં સોશ્યલ મીડિયા પર એ વાત ચાલી રહી હતી કે અક્ષય કુમારની એ ફિલ્મ આ વર્ષે જ ઓક્ટોબરમાં રીલીઝ થવાની હતી. 

અક્ષય કરવાના છે બદલાવ 
અક્ષય કુમારની છેલ્લી ત્રણ ફિલ્મ 'બચ્ચન પાંડે' 'સમ્રાટ પૃથ્વીરાજ' અને 'રક્ષા બંધન' બોક્સ ઓફિસ પર કોઈ કમાલ બતાવી શકી નથી. એ વિશે વિચારણા કરતાં અક્ષય કુમારે કહ્યું હતું કે, 'હું હવે બદલાવ કરવા માંગુ છું, હું મારી કામ કરવાની રીત બદલીશ, જે રીતે હું વિચારું છું એ રીત પણ બદલીશ, જેવી ફિલ્મો હું કરું છું એમાં પણ ફેરફાર કરીશ. હું કોઈને દોષ નથી આપતો પણ હવે હું બદલીશ.' શનિવારે અક્ષયે તેની આવનારી ફિલ્મ 'કઠપૂતલી' ના ટ્રેલર લોન્ચ સમયે આ વાત કહી હતી. એ ટ્રેલર લોન્ચમાં અક્ષય સાથે રકુલ પ્રીત સિંહ, સરગુન મહેતા, ચંદ્રચૂર સિંહ, જેકી ભાગનાની જેવા ઘણા લોકો શામેલ થયા હતા. 

'ઓહ માય ગોડ 2' ફિલ્મ રીલીઝ
ફિલ્મ કટપુતલીનાં ટ્રેલર લોન્ચ ઇવેન્ટમાં જયારે અક્ષય કુમારને રીપોર્ટર દ્વારા 'ઓહ માય ગોડ 2' ફિલ્મ રીલીઝ વિશે પૂછવામાં આવ્યું હતું કે કે, 'શું એમની ફિલ્મ ઓક્ટોબરમાં રીલીઝ થવાની છે?' એ સમયે અક્ષયકુમારે જવાબ આપ્યો હતો કે 'તમારા સુત્રોએ તમને ખોટી માહિતી આપી છે, આવું કશું નથી.' 

અક્ષય કુમારના જવાબ ઉપરથી લાગી રહ્યું છે કે તે 'ઓહ માય ગોડ 2' ફિલ્મ આ વર્ષે નહીં પણ આવતા વર્ષે રીલીઝ કરશે. જો કે હજુ નવી રીલીઝ ડેટ વિશે અક્ષય કુમારે કોઈ માહિતી આપી નથી. લાગી રહ્યું છે કે બોયકોટ બોલીવુડ ટ્રેન્ડને કારણે અક્ષય કુમારે રીલીઝને પાછળ ધકેલી હશે. 

તમિલ ફિલ્મની રીમેક કટપુતલી
અક્ષય કુમારની આવનારી ફિલ્મ કટપુતલી વર્ષ 2018માં રીલીઝ થયેલ તમિલ ફિલ્મ રતનસન ફિલ્મની રીમેક છે. નિર્માતા જેકી ભગનાનીએ કહ્યું હતું કે,  "ફિલ્મની શરૂઆતથી અમે જાણતા હતા અને અમે આ વાર્તાને શક્ય તેટલી શ્રેષ્ઠ રીતે રજૂ કરવા માગીએ છીએ અને ડિઝની આ ફિલ્મ માટે બેસ્ટ પ્લેટફોર્મ છે. આ ફિલ્મની રિલીઝ અંગે અમને કોઈ મૂંઝવણ ન હતી. આ ફિલ્મ થિયેટરોમાં રિલીઝ થવાની નહતી. અમે તેને OTT રિલીઝ માટે પ્લાન કરી હતી અને બનાવી હતી, અમારે માત્ર એ શોધવાનું હતું કે કયા પ્લેટફોર્મ પર રિલીઝ કરવી અને અમને એ મળી ગયું." આ ફિલ્મ ડિઝની પ્લસ હોટસ્ટાર પર 2 સપ્ટેમ્બરે પ્રીમિયર થશે.

કટપુતલી ઓહ માય ગોડ 2 અક્ષય કુમાર Oh My God 2 Akshay Kumar cuttputlli trailer Cuttputlli
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ