અમદાવાદ / ચૂંટણી પહેલાં કોંગ્રેસને મોટો ઝટકો, આ કારણથી નારાજ થઈ ધારાસભ્ય ખેડાવાલાએ ધર્યુ રાજીનામું

• MLA ઇમરાન ખેડાવાલાએ રાજીનામું આપ્યું 
• કોંગ્રેસ પ્રમુખને ખેડાવાલાએ આપ્યું રાજીનામું
• MLA ગ્યાસુદ્દીન શેખે ખેડાવાલાનું કર્યું સમર્થન

ખાડિયાથી ધારાસભ્ય ઇમરાન ખેડાવાલાએ કોંગ્રેસ પ્રદેશ પ્રમુખ અમિત ચાવડાને રાજીનામું સોંપી દીધુ છે. ઈમરાન ખેડાવાલાએ કહ્યું કે, ધારાસભ્ય તરીકેનું રાજીનામું પક્ષ પ્રમુખને આપ્યું છે. પક્ષના જવાબ બાદ રાજીનામું વિધાનસભા અધ્યક્ષને આપીશ. તો પક્ષમાંથી રાજીનામું આપવા બાબતે કહ્યું કે, હું પક્ષમાંથી રાજીનામું આપીશ નહીં. હું પક્ષ સાથે વફાદાર રહીશ. હું પક્ષનો સનિષ્ઠ કાર્યકર છું. પરંતુ ધારાસભ્ય પદ પરથી મને રાજીનામું આપવાનો અધિકાર છે. હું. દબાણની રાજનીતિ કરતો નથી. ટિકિટ વિવાદને લઈ ખેડાવાલાએ રાજીનામું આપ્યું છે. ઈમરાન ખેડાવાલા 2017માં જમાલપુર-ખાડીયા બેઠક પરથી ચૂંટણી જીત્યા હતા. 

ઈમરાન ખેડાવાલાએ કહ્યું કોંગ્રેસના ધારાસભ્યપદેથી રાજીનામું આપું છું પરંતુ પક્ષને વફાદાર રહીશ. ખેડાવાલાએ કહ્યું 4 ઉમેદવારોના મેન્ડેટ મને આપી ચૂકાયા હતા ત્યારે વધુ 2 ઉમેદવારોને કેમ આપ્યા તેનાથી હું નારાજ છું.@INCGujarat @Imran_khedawala #LocalBodyElection2021 pic.twitter.com/ncGyUMVksv

— VTV Gujarati News and Beyond (@VtvGujarati) February 8, 2021

શું હતો વિવાદ?

કોંગ્રેસના ધારાસભ્ય ઈમરાન ખેડાવાલા નારાજ થયા હતા. ઉમેદવારની પસંદગીના મુદ્દે વિવાદ થતા રાજીનામાની ચીમકી આપી દીધી છે. બહેરામપુરા વોર્ડમાં ઉમેદવાર પસંદગીને લઈને નારાજગી દર્શાવવામાં આવી રહી છે. અમિત ચાવડાએ ખેડાવાલાને આશ્વાસન આપ્યુ હતુ. કોંગ્રેસે બહેરામપુરામાં 6 ઉમેદવારોને મેન્ડેટ આપ્યા હતા. 

ખેડાવાલાએ કહ્યું હતું કે પહેલાં મને 4 ઉમેદવારોને મેન્ડેટ આપ્યું હતું તો વધારાના 2 ઉમેદવારોને મેન્ડેટ કેમ આપવામાં આવ્યાં તેનાથી હું નારાજ છું.

ઈમરાન ખેડાવાલાની પસંદગી મુજબના ઉમેદવારોને ટિકિટ અપાઈ નહતી જેને પગલે અમિત ચાવડાએ મુદ્દાનો ઉકેલ લાવવાની ખાતરી આપી હતી. પરંતુ આ પહેલાં જ ધારાસભ્ય ઈમરાન ખેડાવાલાએ રાજીનામું ધરી દીધું હતું.