જેઠાલાલનું સમાનાર્થી એટલે તકલીફો. હાલમાં જ જેઠાલાલે એક નવી તકલીફ ગળે લગાવી દીધી છે.
જેઠાલાલ ફસાયા ફરી મુશ્કેલીમાં
ભોગીલાલ નહોતો કરી રહ્યો પેમેન્ટ
હવે જેઠાલાલે સામે આપ્યા પૈસા
ટીવીનો સૌથી ફેમસ શો તારક મહેતા કા ઉલ્ટા ચશ્મા છેલ્લા 12 વર્ષથી દર્શકોનું મનોરંજન કરી રહ્યું છે. હાલ ચાલી રહેલા એપિસોડમાં જેઠાલાલ ભોગીલાલ પાસેથી પોતાના પૈસા વસુલવા માટેની પરેશાની બતાવવામાં આવી રહી છે. ભોગીલાલ પાસેથી જેઠાલાલનું અટકેલુ લાખોનું પેમેન્ટ કઢાવવા માટે સોઢી અને ભીડે એક નાટક કરે છે અને ભોગીલાલ તેમા ફસાય જાય છે.
તારક મહેતા કા ઉલ્ટા ચશ્માના આજના એપિસોડમાં સોઢી અને ભિડે જેઠાલાલ સાથે એનઆરઆઇ બિઝનેસમેન બનીને ભોગીલાલના ઓફીસ પહોંચે છે. ભોગીલાલ સામે પ્રસ્તાવ મુકે છે અને ભોગીલાલને પોતાના ઝાંસામાં લઇ લે છે. સોઢી પોતાના ગેરેજના સાથી કે જે બોડી ગાર્ડ બન્યા છે તેમને કહીને ભોગીલાલ પર કબ્જો કરી લે છે અને તક જોઇને જેઠાલાલને પણ અંદર બોલાવી લે છે.
જેઠાલાલ ભોગીલાલને કહે છે કે તે તેનુ પેમેન્ટ કરી લે પરંતુ ભોગીલાલ કંઇક એવી કહાની કહે છે કે જેને સાંભળીને જેઠાલાલ પોતાના પૈસા પણ તેને આપી દે છે.
આવનારા એપિસોડમાં દર્શકો જોશે કે કેમ જેઠાલાલ ભોગીલાલને પૈસા આપે છે અને તે એવુ શું કહે છે કે જેઠાલાલ આ પગલુ કેમ ઉઠાવે છે. શું જેઠાલાલ પોતાના પૈસા પરત મેળવી શકશે. ભોગીલાલે કહેલી વાર્તા સાચી હશે.
જેઠાલાલના અતરંગી શર્ટ
તારક મહેતા કા ઉલ્ટા ચશ્મા શોના કલાકારોને પણ ફેન્સનો ખુબ પ્રેમ મળે છે. એમાં પણ જેઠાલાલનું કેરેક્ટર દર્શોકોનું ફેવરિટ છે. જેઠાલાલની કોમિક ટાઈમિંગ શાનદાર છે. તેની સાથે જ જેઠાલાલની જે વસ્તુ ચર્ચામાં રહે છે એ છે તેના ડિઝાઈનર શર્ટ્સ.
છેલ્લા 13 વર્ષથી જેઠાલાલના શર્ટ મુંબઈના જીતુ ભાઈ લાખાણી બનાવે છે. એક ઇન્ટરવ્યૂમાં તેમણે કહ્યું કે શોની શરૂઆતથી જ તેઓ જેઠાલાલના શર્ટ બનાવે છે. જયારે શોમાં કોઈ નવો સેગ્મેન્ટ હોય છે અથવા સ્પેશિયલ અરેન્જમેન્ટ કરવાના હોય છે. એમના મુજબ, જેઠાલાલની શર્ટને ડિઝાઇન કરવામાં 3 કલાક અને બનાવવામાં 2 કલાક લાગે છે.
જીતુ ભાઈએ એ પણ જણાવ્યું કે દિલીપ જોશી અને અસિત મોદીથી જે પણ પ્રશંસા મળે છે તેનાથી તેઓ ઘણાં મોટીવેટ ફીલ કરે છે . શર્ટ બનાવવામાં જીતુ ભાઈ ડિઝાઇન જોવે છે. એમના નાના ભાઈ બ્રાન્ડ પ્રમોટનું કામ કરે છે. એ ઉપરાંત તેમણે જણાવ્યું કે લોકો તેમની પાસે જેઠાલાલ સ્ટાઇલની શર્ટ માંગે છે.