BIG BREAKING / UPના સંભલમાં મોટી દુર્ઘટના: કોલ્ડ સ્ટોરેજની છત ધરાશાયી થતા 8ના મોત, 11નું રેસ્ક્યુ, 7 ઘાયલ

• ઉત્તર પ્રદેશના સંભલમાં કોલ્ડ સ્ટોરના એક ભાગની છત ધરાશાઈ
• અત્યાર સુધી આ ઘટનામાં પાંચ મજૂરો દટાઈ જવાથી મૃત્યુ
• NDRFએ અત્યાર સુધીમાં 11 લોકોને બચાવીને સુરક્ષિત બહાર કાઢ્યા

ઉત્તર પ્રદેશના સંભલ જિલ્લામાં કોલ્ડ સ્ટોરના એક ભાગની છત ધરાશાઈ થતાં મોટી દુર્ઘટના સામે આવી છે. વિગતો મુજબ અત્યારસુધી આ ઘટનામાં 8 મજૂરો દટાઈ જવાથી મૃત્યુ પામ્યા છે. મહત્વનું છે કે, અકસ્માત થયો તે સમયે કોલ્ડ સ્ટોરની અંદર 25 જેટલા મજૂરો હતા. જોકે કલાકોની મહેનત બાદ NDRFએ અત્યાર સુધીમાં 11 લોકોને બચાવીને સુરક્ષિત બહાર કાઢ્યા છે. જ્યારે 8 લોકોના મોત થયા છે. 

ઉત્તર પ્રદેશના સંભલ જિલ્લામાં કોલ્ડ સ્ટોરમાં મોટી દુર્ઘટના સામે આવી છે. જેને લઈ એનડીઆરએફ તેના સ્નિફર ડોગ્સની મદદથી અન્ય ફસાયેલા લોકોને શોધી રહી છે. સંભલ કલેક્ટર મનીષ બંસલે કહ્યું કે, અમે સવાર માટે અમારી ફોર્સ વધારી દીધી છે. NDRF અને SDRFની અન્ય ટીમો પણ સવાર સુધીમાં આવી જશે. અમારો પ્રયાસ છે કે, શક્ય તેટલી વહેલી તકે આનો અંત આવે અને દરેકને સુરક્ષિત રીતે બહાર કાઢવામાં આવે.

ઘટનામાં 12 લોકોની હાલત ગંભીર 
નોંધનીય છે કે, આ દુર્ઘટનામાં 12 લોકોની હાલત ગંભીર છે. અંદર 15 થી 20 લોકો દટાયા હોવાની આશંકા છે. કહેવામાં આવી રહ્યું છે કે, કોલ્ડ સ્ટોરેજ માલિકે લાયસન્સ વગર ગેરકાયદે બાંધકામ કર્યું હતું. કોલ્ડ સ્ટોરેજ સમાન 6 માળની ગેરકાયદે બિલ્ડીંગ બનાવી દેવામાં આવી છે. આ સાથે સલામતીના ધોરણોને સંપૂર્ણપણે અવગણવામાં આવ્યા હતા. હાલમાં આ અકસ્માત બાદ 2 કોલ્ડ સ્ટોરેજ માલિકો સામે દોષિત હત્યાનો કેસ નોંધવામાં આવ્યો છે.

अब तक हमने 11 लोगों को बचाया है और 5 लोगों की मृत्यु हुई है। NDRF अपने खोजी कुत्तों की मदद से फंसे लोगों को ढूंढ रहे हैं। हमने सुबह के लिए अपने बल को बढ़ाया है। NDRF और SDRF की दूसरी टीमें भी सुबह तक आएंगी। हमारी कोशिश इसको जल्द से जल्द खत्म करने का है: ज़िलाधिकारी मनीष बंसल,संभल https://t.co/f8X66GWRov pic.twitter.com/j7I5ukcLxp

— ANI_HindiNews (@AHindinews) March 17, 2023

શું હતી સમગ્ર ઘટના ? 
વાત જાણે એમ છે કે, કોલ્ડ સ્ટોરેજ બિલ્ડિંગનો એક ભાગ ધરાશાયી થયો હતો. ચેમ્બર પડી જવાને કારણે ચારેબાજુ અરાજકતા ફેલાઈ ગઈ હતી. જે બાદ ડીઆઈજી, એસપી અને એસડીએમ તમામ ઉતાવળમાં ઘટનાસ્થળે પહોંચી ગયા હતા. બચાવ કામગીરી સતત ચાલુ છે. ડીઆઈજી શલભ માથુરની સૂચના પર એનડીઆરએફ અને એસડીઆરએફની ટીમો મોડી રાત સુધી બચાવ કામગીરીમાં રોકાયેલી હતી. જ્યારે એમોનિયા લીકેજની આશંકાથી સમગ્ર વિસ્તારને દિવસ દરમિયાન ખાલી કરાવવામાં આવ્યો હતો.

यहां के मालिक, 2 नामजद लोगों के ख़िलाफ़ FIR दर्ज़ कर ली गई है। हमने 4 लोगों को पूछताछ के लिए हिरासत में लिया है। मुख्य आरोपी फरार हैं जिनकी तलाश की जा रही है। मलबा हटने के बाद ही इस बिल्डिंग के गिरने का असल कारण बता पाएंगे: SP चक्रेश मिश्रा, संभल, उत्तर प्रदेश pic.twitter.com/f5MZnokz79

— ANI_HindiNews (@AHindinews) March 17, 2023

શું કહ્યું ડીઆઇજીએ ? 
ડીઆઈજીએ કહ્યું કે, એનડીઆરએસ અને એસડીઆરએફની ટીમ સાથે સમગ્ર સ્થાનિક પોલીસ પ્રશાસન સંપૂર્ણ સમર્પણ સાથે બચાવ કાર્યમાં લાગેલું છે. તેમણે કહ્યું કે, બચાવ કાર્ય હજુ પણ ચાલુ છે અને કાટમાળ નીચે દટાયેલા તમામ લોકોને વહેલી તકે બહાર કાઢવા માટે પૂરા બળ સાથે કામ કરવામાં આવી રહ્યું છે. નોંધનીય છે કે, બચાવ કામગીરી માટે 50થી વધુ જેસીબી અને બુલડોઝર લગાવવામાં આવ્યા છે. સંભલ, અમરોહા, બદાઉન, પોલીસ અને બુલડોઝર, ફાયર બ્રિગેડ, નજીકના જિલ્લાઓની નગરપાલિકાની ટીમ આખી રાત કામ કરી રહી છે. બચાવ ચાલુ છે.

નોંધનીય છે કે, આ અકસ્માત કોતવાલી ચંદૌસી વિસ્તારના ઈસ્લામનગર રોડ પર સ્થિત ઓરછી ચોકડીનો છે. આ વિસ્તાર બદાયુન અને સંભલ જિલ્લાની સરહદ માનવામાં આવે છે. એઆર કોલ્ડ સ્ટોર સંભલ બદાઉન જિલ્લાની સરહદ પર સ્થિત છે. આ સ્ટોરમાં બંને જિલ્લાના બટાકા આવે છે. જણાવવામાં આવી રહ્યું છે કે, ગોડાઉનમાં 30 થી 40 લોકો કામ કરે છે.