સુરત રેલવે સ્ટેશનથી ટ્રેનમાં બેસતી યુવતીના CCTV મળી આવ્યા છે સુરતથી વલસાડ ગયા બાદ યુવતીનો મૃતદેહ મળ્યો સુરતથી વલસાડ વચ્ચે શું ઘટનાક્રમ બન્યો એ અંગે પોલીસ તપાસનો ધમધમાટ શરુ કર્યો છે
ગુજરાત ક્વિન એક્સપ્રેસ ટ્રેનમાં ચઢતા યુવતીના CCTV ફુટેજ
વડોદરામાં યુવતી પર ગેંગરેપની ઘટના સામે આવી જે બાદ પોલીસે તપાસનો ધમધમાટ શરૂ કર્યો છે, વલસાડમાં ટ્રેનના ડબ્બામાં દુપટ્ટા વડે ગળાફાંસો ખાઈને નવસારીની વિદ્યાર્થીની એ કરેલી આત્મહત્યા કેસમાં તેણીની ડાયરીની નોંધ બોલી રહી છે.વડોદારમાં ભણતી અને એક ખાનગી સંસ્થામાં કામ કરતી નવસારીની યુવતી પર વડોદરાના વેક્સીન ગ્રાઉન્ડમાં રિક્ષા ચાલકે અન્યો સાથે મળીને સામૂહિક દુષ્કર્મ આચર્યું હતું.
આ ઘટનામાં પોલીસે એક બસ ડ્રાઈવરને શોધી તેનું નિવેદન નોંધ્યું છે, જો કે ઘટના મામલે પોલીસ વધુ તપાસ હાથ ધરી રહી છે જેમાં પોલીસને મહત્વના સીસીટીવી ફુટેજ હાથ લાગ્યા છે. આ ઘટનામાં તપાસ એજન્સીઓએ સુરત રેલવે સ્ટેશનના CCTV મેળવ્યા છે. સુરત રેલવે સ્ટેશનથી ટ્રેનમાં બેસતી યુવતીના CCTV મળી આવ્યા છે. સુરતથી વલસાડ ગયા બાદ યુવતીનો મૃતદેહ મળ્યો હતો. સુરતથી વલસાડ વચ્ચે શું ઘટનાક્રમ બન્યો એ અંગે પોલીસ તપાસ કરી રહી છે.
મારા ફોનથી જ મિત્રને ફોન : બસ ચાલક
દુષ્કર્મ પીડિત યુવતીને મદદ કરનાર બસ ચાલકની પોલીસે પૂછપરછ હાથ ધરી હતી બસ ચાલકે યુવતીને તેના મિત્ર સુધી પહોંચાડી હતી. જો કે ગઈ કાલે બસ ચાલકે કહ્યું કે, હું બસ પાર્ક કરવા જતો હતો ત્યારે,ઝાડીમાંથી બૂમ સંભળાઈ શરીર પર અર્ધા કપડા પહેરેલી યુવતીએ તેની સાથે બનેલી આપવીતી સંભળાવી, જે બાદ એક પશુપાલકની મદદથી મોબાઈલ બેટરીની ટોર્ચના આધારે તેના કપડા,ચપ્પલ આપ્યા અને બાદ ચકલી સર્કલ સુધી બસ ચાલક મુકવા ગયો હતો. મહત્વનું છે કે બસ ચાલક ડ્રાઈવરે કેફિયત આપતા પોલીસને જણાવ્યું કે,સમી સાંજે સાત વાગ્યા આસપાસ જયારે તે બસ પાર્ક કરી રહ્યા હતો ત્યારે ઝાડીમાંથી બૂમ સંભળાઈ શરીર પર અર્ધા કપડા પહેરેલી યુવતીએ કહ્યું કે, મારી સાથે બે પુરુષોએ બળાત્કાર કર્યો છે. બંને યુવાનો મારા હાથ બાંધીને અને મોંઢા ઉપર ડૂચા મારી રિક્ષામાં લઇ આવ્યા હતા અને મારા ઉપર બળાત્કાર કર્યો છે તે સમયે બે છોકરા પણ ઉભા હતા છોકરાઓને ફટકારવા માટે હું બસમાં ટોમી લેવા ગયો તે દરમિયાન બંને છોકરાઓ ફરાર થઇ ગયા હતા. ઘટના સ્થળેથી પીડિતાને દિવાળી પૂરા વેકસીન ગ્રાઉન્ડથી રિક્ષા કે ગાડીમાં લઇ જવા અંગે જ્યારે વાત કરી ત્યારે તેણીએ સ્પષ્ટ ના પાડી અને મારા ફોનથી જ યુવતીએ તેની મિત્રને ફોન કરી નિયત જગ્યાએ બોલાવી હતી પીડિતાને તેની બહેનપણીને સોંપી જતો રહ્યો હતો. વેક્સીન ગ્રાઉન્ડમાં અંધારું હોવાથી મને હવસ ખોરોના ચહેરા નથી દેખાયા કે નથી રિક્ષા નંબર દેખાયો.
ડાયરીમાંથી ખૂલ્યું રહસ્ય
વલસાડ રેલવે સ્ટેશન પર દિવાળીના દિવસે વહેલી સવારે ગુજરાત કવીનના D12 નંબરના કોચમાં ફાંસો ખાધેલી હાલતમાં યુવતીનો મૃતદેહ મળી આવ્યો હતો. એ મામલે નવો ચોંકાવનારો ઘટસ્ફોટ થયો છે. યુવતીની બાજુમાં મળી આવેલા ફોનના આધારે તેની ઓળખ થઈ હતી. યુવતી અંગે તપાસ કરતાં GRPની ટીમને તેણે લખેલી એક ડાયરી હાથ લાગી છે, જેમાં સામે આવ્યું હતું કે આપઘાતના 2 દિવસ પૂર્વે વડોદરાના 2 રિક્ષાચાલક યુવકે તેનું અપહરણ કર્યું હતું. એ બાદ વેક્સિન ગ્રાઉન્ડમાં યુવતી સાથે સામૂહિક દુષ્કર્મ આચર્યું હતું.
કોઈ પીછો કરતું હોવાનો કર્યો હતો મેસેજ
ધનતેરસના દિવસે યુવતી OASIS સંસ્થામાં ફેલોશિપ કરીને રૂમ પર પરત ફરી રહી હતી ત્યારે 2 રિક્ષાચાલકે તેનું અપહરણ કરી લીધી હતું. એ બાદ તેને વડોદરા વેક્સિન કોલેજ ગ્રાઉન્ડમાં અવાવરૂ જગ્યામાં લઈ જઈ તેના પર દુષ્કર્મ આચર્યું હોવાનું ડાયરીમાં નોંધ હતી. OASIS સંસ્થાના માધ્યમથી લોકોને જીવન જીવવાની પ્રેરણા આપનારી યુવતી સાથે સામૂહિક દુષ્કર્મ ગુજારવામાં આવતાં તેની હિંમત ચકનાચૂર થઈ ગઈ હતી. યુવતીએ તેના મોબાઈલથી OASIS સંસ્થાને કોઈ તેનો પીછો કરી રહ્યો હોવાનો મેસેજ સોશિયલ મીડિયા પર કર્યો હતો. સંસ્થાના આગેવાનોએ સવારે મોડો મેસેજ જોયો હતો. યુવતીનો કોણ પીછો કરતું હતું, કયાં કારણોથી પીછો કરતું હતું એ તમામ બાબત પરથી પડદો ઉઠ્યો નથી. મહત્વનું છે કે વડોદરામાં યુવતી પર ગેંગરેપ ઘટના મામલે તપાસ એજન્સીઓએ સુરત રેલ્વે સ્ટેશનના CCTV ફૂટેજ મેળવ્યા છે, ફુટેજમાં સુરત રેલ્વે સ્ટેશનથી ગુજરાત ક્વિન એક્સપ્રેસ ટ્રેનમાં ચઢતા યુવતી CCTVમાં દેખાઈ રહી છે, સુરતથી વલસાડ ગયા બાદ યુવતીનો મૃતદેહ મળ્યો હતો, જોકે સુરત-વલસાડ વચ્ચે શુ બન્યો ઘટનાક્રમ તે બાબતે પોલીસ તપાસ કરી રહી છે.