અમેરિકાના રાષ્ટ્રપતિ જો બાઈડને કહ્યું કે અફઘાનિસ્તાનમાં ફસાયેલા અમેરિકાના નાગરીકોને 31 ઓગસ્ટ સુધીમાં બહાર કાઢી લેવામાં આવશે, જોકે તાલિબાન કેટલો સહકાર આપે છે તે પણ મહત્વનું છે.
અમેરિકાના રાષ્ટ્રપતિનું મોટુ નિવેદન
31 ઓગસ્ટ સુધીમાં ફસાયેલા લોકોને બહાર કાઢીશું
તાલિબાન કેટલો સહકાર આપશે તે મહત્વની વાત
અફઘાનિસ્તાન પર તાલિબાને કબ્જો મેળવી લીધા બાદ અહીયાના લોકોમાં ભયનો માહોલ ફેલાયેલો છે. બધાજ દેશ તેમના નાગરીકોને ત્યાથી બહાર કાઢી રહ્યા છે. ત્યારે આવા સમયે વિશ્વની 7 મોટી અર્થવ્યવસ્થા(G7) વાળા દેશોએ તાલિબાનને સ્પષ્ટ શબ્દોમાં જણાવી દીધું કે આગામી 31 ઓગસ્ટ સુઘી તેઓ તેમના દેશના નાગરીકોને ત્યાથી બહાર કાઢવાનું કામ યથાવત રાખશે.
We're currently on a pace to finish (evacuation) by Aug 31. The sooner we finish the better. But completion by Aug 31 depends on Taliban continuing to cooperate & allow access to airport to those who're transporting out & no disruptions to our operation: US President Joe Biden pic.twitter.com/eIdsRyvfML
અમેરિકાના રાષ્ટ્રપતિ જો બાઈડને કહ્યું કે અમેરિકાની સેના પણ તેમના દેશના નાગરીકોને ઝડપથી અફઘાનમાંથી બહાર કાઢી રહી છે. સાથેજ તેમણે કહ્યું કે સેનાને વિશ્વાસ છે કે 31 ઓગસ્ટ સુધીમાં તે બધાજ નાગરીકોને પરત લઈ આવશે. આપને જણાવી દીએ કે G7માં અમેરિકા, બ્રિટેન, કેનેડા, ફ્રાંસ, જર્મની, ઈટલી અને જાપાન જેવા દેશો શામેલ છે.
તાલીબાન કેટલો સહકાર આપશે તે મહત્વનું
જો બાઈડને કહ્યું કે 31 ઓગસ્ટ સુધીમાં દેશના બધાજ નાગરીકોને પરત લાવવામાં આવશે. જોકે તાલિબાન ક્યા સુધી સહયોગ આપે છે તે પણ મહત્વની વાત છે તેવું પણ તેમણે કહ્યું હતું. ઉપરાંત તેમણે એવું પણ કીધુ કે તાલીબાને એ વાતનો વિશ્વાસ આપવો પડશે કે તેઓ અમારી કોઈ પણ પ્રક્રિયામાં વચ્ચે ન આવે.
70 હજારથી વધું લોકો પરત આવ્યા
વધુમાં બાઈડને કહ્યું કે અફઘાનિસ્તાનથી અત્યાર સુધીમાં તેમના દેશના 70,700 જેટલા લોકોને નિકાળવામાં આવ્યા છે. તે સિવાય જુલાઈના અંત સુધીમાંજ અમેરિકા દ્વારા 75.900 લોકોને પહેલાજ સ્થાનાંતરિક કરી દેવામાં આવ્યા હતા.
કાબુલ એરપોર્ટ પર અમેરિકાની સેનાનો કબ્જો
ઉલ્લેખનીય છે કે અફઘાનિસ્તાનની રાજધાની કાબુલ એરપોર્ટ પર અમેરિકા રોજના હજારો લોકોને ત્યાથી બહાર કાઢી રહ્યું છે. તાલિબાને અફઘાનિસ્તાન પર કબ્જો કર્યો ત્યારબાદ અમેરિકાની સેનાએ તેમના નાગરિકોને નિકાળવા માટે કાબુલ એરપોર્ટ પર કબ્જો જમાવી લીધો હતો.