Mirzapur 3 Story Leak / મિર્ઝાપુર-3ના શુટિંગ પહેલા જ કાલીન ભૈયાએ ખોલ્યા મોટા રાઝ, જાણો શું

• એમેઝોન ની મિર્ઝાપુર 3 નું શુટિંગ ચાલુ 
• લોકોમાં ત્રીજી સિઝનને લઈને ઉત્સાહ 
• કાલીન ભૈયાનું પાત્ર ભજવ્યું છે પંકજ ત્રિપાઠીએ

ત્રીજી સિઝનની લોકોને રાહ 
એમેઝોન એપમાં હાલ 'મિર્ઝાપુર'ની બે સીઝન છે ત્યારે લોકો ત્રીજી સિઝનની રાહ જોઈ રહ્યા છે. પહેલી સિઝનની જેમ જ બીજી સીઝન પણ સુપરહિટ રહી હતી. ત્રીજી સિઝનની પણ જાહેરાત થઇ ચૂકી છે અને લોકો ત્રીજી સિઝનની વાર્તા શું હશે તેનું અનુમાન લગાવતા દિવસ પસાર કરી રહ્યા છે. સાથે જ લોકોના મનમાં સવાલ એ પણ છે કે શું ત્રીજી સિઝનમાં કાલીન ભૈયા અને મુન્ના ભૈયા જીવતા હશે ? આ સવાલ લોકોના મનમાં એટલા માટે છે કારણ કે બીજી સીઝનમાં મુન્ના ભૈયા અને કાલીન ભૈયાનું શૂટિંગ થયું હતું. આવી સ્થિતિમાં ટૂંક સમયમાં જ 'મિર્ઝાપુર 3'નું શૂટિંગ શરૂ કરવા જઈ રહેલા કાલીન ભૈયા આ સવાલનો જવાબ આપતા એવી વાત કહી દીધી કે લોકોને આ સિરીઝની આખી કહાની ખબર પડી ગઈ હતી.

વાતો વાતોમાં કરી દીધો ખુલાસો 
'મિર્ઝાપુર સીઝન 3' માટે ફેન્સનો ઉત્સાહ ચરમ પર છે. તાજેતરમાં જ કાલીન ભૈયાનું પાત્ર ભજવનાર પંકજ ત્રિપાઠીએ ન્યૂઝ એજન્સી સાથે એવી વાત કરી હતી, જે દરમિયાન અભિનેતાએ એવું કહ્યું હતું કે, લોકોને ત્રીજી સિઝનની વાર્તાનો સંકેત મળી ગયો. પંકજ ત્રિપાઠીએ વાતચીતમાં જણાવ્યું હતું કે "તે ટૂંક સમયમાં જ કોસ્ચ્યુમની ટ્રાયલ કરવા જઈ રહ્યો છે. ત્યાર બાદ એક અઠવાડિયામાં શૂટિંગ શરૂ થઇ જશે. હું હવે આખી સ્ક્રિપ્ટ સાંભળીશ. હું ફરીથી કાલીન ભૈયા બનવા માટે ઉત્સાહિત છું."

પાત્ર નિભાવવામાં મજા આવે છે
કાલીન ભૈયાનું પાત્ર ભજવવા અંગે વાત કરતા પંકજ ત્રિપાઠીએ જણાવ્યું હતું કે, "મને આ શોમાં કાલીન ભૈયાનું પાત્ર નિભાવવામાં મજા આવે છે. હું વાસ્તવિક જીવનમાં ખૂબ જ શક્તિહીન વ્યક્તિ છું. હું આ ભૂમિકા દ્વારા શક્તિનો અનુભવ કરું છું. સત્તાની ભૂખ, જે બધામાં હોય છે અને મિર્ઝાપુર દ્વારા પણ પૂર્ણ થઇ જાય છે. "

બન્ને સિઝને મચાવી ધમાલ
'મિર્ઝાપુર' વેબ સિરીઝની બંને સિઝને ધમાલ મચાવી દીધી હતી. આ વેબ સિરિઝમાં સત્તાની ભૂખ, ફાઇટ અને લવ એંગલ પણ જબરજસ્ત બતાવવામાં આવ્યા છે. આ સાથે ઈન્ટીમેટ સીન્સ પણ જોરદાર લેવામાં આવ્યા છે. બીજી સિઝનનો છેલ્લો એપિસોડ જે મોડ પર બાકી રહ્યો હતો તેનાથી ત્રીજી સિઝનને લઈને ચાહકોનો ઉત્સાહ વધ્યો છે.