રાજકોટમાં એક્સપાયરી ડેટની દવાઓ વેચી લોકોના સ્વાસ્થ્ય સાથે ચેડા થતાં હોવાની ઘટના બહાર આવી છે. શ્રમજીવી સોસાયટીમાં SOGએ ગુરુવારે પટેલ ક્લિનિક અને તેના ગોડાઉનમાં દરોડા પાડયા હતા.
ઈમ્યુનિટી બુસ્ટરના નામે લોકોના આરોગ્ય સાથે કરતાં હતાં ચેડાં
પત્નીના નામે દવાખાનું શરૂ કરી, પગાર પર ડોક્ટર પણ રાખ્યો
ડિગ્રી વગર જ પોતાના નામ આગળ ડોક્ટર લખાવ્યું
રાજકોટમાં એક્સપાયરી ડેટની દવાઓ રીપેક કરીને લોકોના સ્વાસ્થ્ય સાથે ચેડા થતાં હોવાની ઘટના બહાર આવી છે.રાજકોટ શ્રમજીવી સોસાયટીમાં SOGએ ગુરુવારે પટેલ ક્લિનિક અને તેના ગોડાઉનમાં દરોડા પાડયા હતા. ત્યાં શંકાસ્પદ દવાનો જથ્થો મળી આવ્યો હતો.
રાજકોટમાં એક્સપાયરી ડેટની દવાઓને આર્યુવેદિક દવાના લેબલ ઈમ્યુનિટી બુસ્ટર તરીકે વેચવાનું કૌભાંડ રાજકોટ એસઓજી પોલીસે ઝડપી પાડયું છે. જેમાં
પોલીસે દુકાન અને ગોડાઉન પર પાડ્યાં દરોડા
રાજકોટ એસઓજીને બાતમી મળી હતી કે, રાજકોટ શહેરના શ્રમજીવી સોસાયટીમાં પરેશ પટેલ નામનો શખ્સ એક્સાપાયર થયેલી દવાઓ ખરીદીને તેને એક ડ્રમમાં મિક્સ કરી આયુર્વેદિક ઈમ્યુનિટી બુસ્ટર તેમજ સ્ટેમિના વધારવાની દવા તરીકે લોકોના આરોગ્યની સાથે ચેડાં કરી નુક્સાન પહોંચાડી રહ્યો છે. જેથી એસઓજી પોલીસે ગુરુવારે બપોરે 2 વાગ્યે એસઓજી પી.આઈ. આર.વાય.રાવલ સહિતની ટીમે ગોડાઉન પર રેડ કરી હતી. અને ગોડાઉન માલિક પરેશ પટેલને પણ તેના રામનગર સ્થિત ઘરથી ઝડપી લીધો હતો. સ્થળ પરથી મિક્સ થયેલી દવાનો ડ્રમ, લેબલ તેમજ એક્સપાયર થયેલી દવા પણ મળી આવી હતી.
એક્સપાયર ડેટ વાળી દવા આર્યુવેદિક દવા કહીને વેચતો હતો
પરેશ પટેલે પોલીસની તપાસમાં કબૂલ્યું હતું કે, તે અલગ અલગ જગ્યાઓ એક્સપાયરી ડેટ વાળી દવા અને સીરપ તેમજ વિટામિનની દવાઓ લઈ આવતો હતો.અને તમામ દવાઓ અને સીરપને એક ડ્રમમાં નાંખી તેમાં ચૂર્ણ તેમજ ચ્યવનપ્રાશમાં નાખી આર્યુવેદિક દવાનું લેબલ લગાવી ઈમ્યુનિટી બુસ્ટર, મધુમેહ નાશકના નામનથી વેચતો હતો.
પોલીસે શંકાસ્પદ દવાના જથ્થાને તપાસાર્થે લેબમાં મોકલ્યા
રાજકોટ શહેરના શ્રમજીવી સોસાયટીમાં SOG પોલીસે પાડેલા દરોડમાં પટેલ ક્લિનિકમાંથી શંકાસ્પદ દવાઓના નમૂના લઈને તપાસાર્થે લેબમાં મોકલ્યા છે. આ ઉપરાંત દવાઓ વેચવા માટે તેની પાસે લાઇસન્સ છે કે નહિ તેમજ તે લાઇસન્સ પણ બનાવટી છે કે કેમ તે અંગે પણ તપાસ શરૂ કરી છે. હાલ તે ગોડાઉનમાંથી અંદાજીત એક કરોડથી વધુની કિંમતનો દવાનો જથ્થો જપ્ત કરાયો છે. બે દિવસ સુધી દવાના શોર્ટિંગની કામગીરી થશે.
એક્સપાયરી ડેટ વાળી દવાના સ્ટિકર બદલાતા
ફૂડ એન્ડ ડ્રગ ડિપાર્ટમેન્ટના અધિકારીએ જણાવ્યું હતું કે, એક્સપાયરી ડેટવાળી દવાના સ્ટિકર બદલાવી નવી ડેટ નાખી દવા વેચતા હોવાની માહિતી સામે આવી રહી છે. કિડનીના રોગ માટેની દવા ઉપરાંત અન્ય દવા જથ્થો પણ ઉપલબ્ધ છે, જેના સેમ્પલ મેળવી પરીક્ષણ અર્થે મોકલી કાર્યવાહી કરવામાં આવશે.
પત્નીના નામે દવાખાનું શરૂ કરી પગાર ડોક્ટર પણ રાખ્યો
રાજકોટના આસિ. કમિશનર જણાવ્યું હતું કે, પરેશે પોતાની પત્નીના નામે દવાખાનું શરૂ કર્યું હતું અને એક પગારદાર આયુર્વેદ ડોક્ટર પણ રાખ્યો હતો. દવાખાને આવતા તમામ દર્દીઓને આવી જ દવાઓ આપતો હતો. તેના પત્ની પાસે શું ડિગ્રી છે તેમજ કઈ રીતે દવાખાનાની મંજૂરી મેળવી છે તે તપાસ હવે કરાશે.
ડિગ્રી વગર જ પોતાના નામ આગળ ડોક્ટર લખાવ્યું
પોલીસે વધુમાં જણાવ્યું હતું કે, પરેશ પોતાની જાતને ડો.પરેશ પટેલ તરીકે ઓળખાવતો હતો. તેની પાસે ક્યા પ્રકારની ડિગ્રી છે તેની તપાસ કરતા એકપણ ડિગ્રી નીકળી ન હતી. આમ છતાં શા માટે ડોક્ટર તરીકે ઓળખાવે છે તે પૂછતા પરેશે જણાવ્યું કે તેની પાસે કોઇ ડિગ્રી ન હોવાથી એફિડેવિટ કરાવી પોતાનું નામ બદલીને ડોક્ટર પરેશ પટેલ કર્યું છે. એફિડેવિટથી ડોક્ટર બન્યાની કબૂલાતથી સમગ્ર સ્ટાફ ચોંકી ગયો હતો.