સની લિયોની અવારનવાર કોઈને કોઈ કારણોસર ચર્ચામાં રહે છે ત્યારે હવે તેની અપકમિંગ વેબ સીરિઝના સેટ પર જોરદાર બબાલ થઈ છે.
સની લિયોની અવારનવાર કોઈને કોઈ કારણોસર ચર્ચામાં રહે છે
હવે સનીની અપકમિંગ વેબ સીરિઝના સેટ પર પહોંચી ગયા ગુંડા
સની લિયોનીને સુરક્ષિત જગ્યાએ મોકલી દેવાઈ
વિક્રમ ભટ્ટની અપકમિંગ વેબ સીરિઝ અનામિકાના સેટ પર જોરદાર બબાલ થઈ છે. આ વેબ સીરિઝમાં સની લિયોની પણ છે. રિપોર્ટ મુજબ શૂટિંગ દરમ્યાન કેટલાક ગુંડાઓ સેટ પર આવી પહોંચ્યા અને 38 લાખ રૂપિયાની માંગ કરવા લાગ્યા. આ ઘટના બાદ વિક્રમે સૌથી પહેલાં સની લિયોનીને સુરક્ષિત જગ્યાએ મોકલી અને પછી શૂટિંગ લોકેશન પણ બદલવું પડ્યું. કહેવાય છે કે આ મામલો એક્શન ડિરેકટર અબ્બાસ અલી મોઘુલ સાથે લેવડ-દેવડનો હતો.
રિપોર્ટ મુજબ આ ગુંડા ફાઇટર્સ એસોસિએશનના હતા. તેઓ જબરદસ્તી શૂટિંગ લોકેશન પર ઘૂસ્યા અને વિક્રમ ભટ્ટ પાસેથી 38 લાખ રૂપિયાની માંગણી કરવા લાગ્યા. તેમનું કહેવું હતું કે જાણીતા એકશન ડાયરેકટર-સ્ટંટ કોઓર્ડિનેટર અબ્બાસ અલી મોઘુલને તેમના અગાઉ કરેલાં કામ માટે આ એમાઉન્ટ આપવામાં આવે.
વિક્રમ ભટ્ટે કહ્યું કે હું હેરાન થઇ ગયો હતો. મને એ સમજાતું નહોતું કે શું કરું પરંતુ મારું પહેલું રિએકશન એ સુનિશ્ચિત કરવાનું હતું કે સની લિયોની સુરક્ષિત રહે. મારી પાસે જબરદસ્તીથી ચેકના સ્નેપશોટ્સ પણ માંગવામાં આવ્યા, જે હું અબ્બાસને આપીશ. બાદમાં તેમની ટીમમાંથી કોઇ આવ્યું અને ચેક લઇ ગયું. વિક્રમે કહ્યું કે ત્યાં સુધીમાં તો સૂરજ ડૂબી ગયો હતો અને મેં જે સીનનું પ્લાનિંગ કર્યું હતું તે થઇ શકયું નહીં. એક અગ્રણી અખબારે અબ્બાસ સાથે વાત કરવાની કોશિષ કરી તો તેણે કહ્યું કે હું શું બોલું? ફાઇટર્સ એસોસીએશન આ કેસને જોઇ રહ્યું છે, મને આશા છે કે તેઓ આ કેસને ઉકેલી દેશે.
સની સાથે પહેલી વખત કામ કરી રહ્યાં છે વિક્રમ
અબ્બાસની આ વાત પર વિક્રમે નારાજગી વ્યકત કરી. તેમણે કહ્યું કે તેઓ શું વાત કરી રહ્યા છે? શું ઉકેલી દેશે? જો હું અબ્બાસના 2 ફોન ઉઠાવી ના શક્યો તો શું તેઓ બીજી રીતે મારા સુધી વાત નહોતા કરી શકતા? અને મારે તેમને 38 લાખ રૂપિયા પણ આપવાના નથી. તેમણે કોઇ એગ્રીમેન્ટ કે કોન્ટ્રાક્ટ કર્યો નહોતો. તેમની પસે કોઇ ઇનવોઇસ પણ નહોતી. અનામિકામાં વિક્રમ ભટ્ટ અને સની લિયોની પહેલી વખત સાથે કામ કરી રહ્યા છે.