જ્યારે પુતિને અચાનક યુક્રેન પર હુમલો કરવાની જાહેરાત કરી દીધી ત્યારે આખા વિશ્વમાં કોઈ પણ માણસની પહેલી પ્રતિક્રિયા હતી 'કેમ'. રશિયાની સેના યુક્રેનમાં આગળ વધીને વધુ શહેરોને ખંડેર બનાવી રહી છે. રશિયા અને યુક્રેન વચ્ચે ચાલી રહેલા લોહીયાળ યુદ્ધનો આજે 9મો દિવસ છે.
ખેર્સોન કાલા સાગર બંદર હવે રશિયાના નિયંત્રણમાં
વ્લાદિમીર પુતિન રચી રહ્યાં છે ખતરનાક ષડયંત્ર
આખા યુક્રેનને બે ભાગમાં વહેંચવા માંગે છે
આખરે પુતિનનો આગામી પ્લાન શું છે?
પુતિનના સતત વધી રહેલા પગલાને જોઈને કોઈ પણ વ્યક્તિ જાણવા માગે છે કે આખરે પુતિન શું ઈચ્છે છે? તેનો આગામી પ્લાન શું છે? આ સવાલનો જવાબ ખરેખર પુતિનનું એક ખતરનાક ષડયંત્ર છે. યુક્રેનના વિરોધ છતાં તેના પહેલા શહેર પર પ્રભુત્વ જમાવી દીધુ છે. દેશના દક્ષિણ ભાગમાં આવેલુ ખેર્સોન કાલા સાગર બંદર હવે રશિયાના નિયંત્રણમાં છે. ખેર્સોન શહેર વ્યૂહાત્મક દ્રષ્ટિએ અત્યંત મહત્વપૂર્ણ છે. ખેર્સોનના મેયર ઇગોર કોલિખેયેવએ કહ્યું હતુ કે રશિયાના સૈનિક અહીં રસ્તા પર ફરી વળ્યાં છે અને બળજબરીપૂર્વક તેમણે સિટી કાઉન્સિલની બિલ્ડિંગમાં જગ્યા બનાવી લીધી છે. તેમણે રશિયાના સૈનિકોને અપીલ પણ કરી કે તેઓ સામાન્ય લોકોને નિશાન ના બનાવે.
આ ખતરનાક ષડયંત્ર રચી રહ્યાં છે પુતિન
અમુક મીડિયા અહેવાલો પરથી પુતિનનો આગામી ખતરનાક કાવતરાનો અંદાજ લગાવાઈ રહ્યો છે. ગયા મહિને એક મીડિયા સંસ્થાએ સૈન્ય સમીક્ષક અને પૂર્વ અધિકારીના કહેવા પ્રમાણે જણાવ્યું હતુ કે રશિયાએ કીવને પોતાના તાબા હેઠળ લેવા માટે હુમલો કર્યો છે. પુતિન પોતાના ખતરનાક ષડયંત્રને અંજામ આપી દેશને બે ભાગમાં વહેંચવા માંગે છે. તેમનો ઈરાદો કાલા સાગરમાં એક લેન્ડ કોરિડોર બનાવવાનો છે. હવે ટેલિગ્રાફે પણ આ દાવો કર્યો છે. એક તાજા રિપોર્ટ મુજબ રશિયાના રાષ્ટ્રપતિ વ્લાદિમીર પુતિન આખા યુક્રેનને બે ભાગમાં વહેંચવા માગે છે અને તેના કારણે તેઓ કીવ પર જેટલુ જલ્દી શક્ય હોય તેટલુ જલ્દી પ્રભુત્વ મેળવવા માંગે છે.
આ છે પ્લાન
રશિયાની યોજના છે કે સેના નાઈપર નદીને પાર કરે અને યુક્રેનને બે ભાગમાં વહેંચી દે. ત્યારબાદ સેના પશ્ચિમ અને ઉત્તર તરફ આગળ વધે અને બીજી બાજુ કીવ પર હુમલો કરે. યુક્રેનનું દક્ષિણ સરહદનુ શહેર મારિયૂપોલ અત્યારે મહત્વનુ થયુ છે. જેને અજોવ સાગર માટે ઈન્ડસ્ટ્રીયલ પોર્ટ પણ કહેવામાં આવે છે. રશિયાની નજર આ બંદર પર છે. જેના પુતિન ઓડેસા શહેરતી એક લેન્ડ રૂટ બનાવવા માંગે છે. મારિયુપોલ રશિયન નેતાઓના કબ્જાવાળા ક્રિમિયા સરહદ લાઇન વચ્ચે આવી રહી છે. રશિયાની સેનાએ આ શહેરને ઘેરી લીધુ છે અને અહીં વિજળી-પાણી પણ નથી.