ખુલાસો / વડોદરામાં પકડાયેલી બાંગ્લાદેશી યુવતીએ કર્યા મોટા ખુલાસા, બૉર્ડર ક્રોસ કરવાની રીત જાણીને SOG પણ ચોંકી ગયું

• વડોદરામાંથી યુવતીઓ ઝડપાવાનો મામલો
• બાંગ્લાદેશી યુવતીઓનું ઢાકા કનેક્શન ખુલ્યુ
• રેલવે SOGની પૂછપરછમાં થયો ખુલાસો

વડોદરામાંથી શંકાસ્પદ યુવતીઓ ઝડપાવાનો મામલો

વડોદરામાંથી ઝડપાયેલી બાંગ્લાદેશી યુવતીઓની પૂછપરછમાં ચોંકાવનારો ખુલાસો સામે આવ્યો છે. રેલવે SOGની પૂછપરછમાં બાંગ્લાદેશી યુવતીઓનું ઢાકા કનેક્શન સામે આવ્યું છે.બન્ને બાંગ્લાદેશી યુવતીઓને એજન્ટોએ આંખે પાટા બાંધીને બોર્ડર ક્રોસ કરાવાતી હોવાનો ખુલાસો થયો છે.

ત્રણમાંથી બે યુવતીઓ પકડાઈ હજુ એક યુવતી છે ફરાર

યુવતીઓ પોલીસ સમક્ષ ખુલાસો કર્યો હતો કે, બાંગ્લાદેશમાંથી ભારતમાં ઘૂસાડવા 3 થી 4 દિવસનો સમય લાગે છે. ઉલ્લેખનીય છે કે, ગત 11 માર્ચના રોજ હાવડા-અમદાવાદ એક્સપ્રેસ ટ્રેનમાંથી બોગસ આધારકાર્ડ સાથે ઝડપાયેલી બાંગ્લાદેશી યુવતીઓ વડોદરા SOG પોલીસે ત્રણમાંથી બે યુવતીઓ ઝડપી પાડી છે.જ્યારે હજુ પણ એક યુવતી ફરાર છે.ફરાર યુવતીની પોલીસ શોધખોળ કરી રહી છે