જામનગરમાં ટીના પેઢરિયા પર ફાયરિંગ મામલે મોટો ખુલાસો થયો છે. કુખ્યાત જયેશ પટેલના ઈશારે જ ફાયરિંગ કર્યું હોવાની વાત સામે આવી છે.
જામનગરમાં ટીના પેઢરિયા પર ફાયરિંગનો મામલો
કુખ્યાત જયેશ પટેલના ઇશારે જ ફાયરિંગ થયું
ચાર ભાડૂતી શખ્સોએ જયેશ પટેલના ઇશારે કર્યુ ફાયરિંગ
ગુરૂવારની સવારે બાંધકામ સાઇટ પર ટીના પેઢડીયા પર અજાણ્યા શખ્સો દ્વારા ફાયરિંગ કરવામાં આવ્યું હતું. અજાણ્યા શખ્સોએ ટીના પેઢરિયાને ગોળી મારી દીધી હતી. તો હવે આ મામલે મોટો ખુલાસો થયો છે. જામનગરમાં ટીના પેઢરિયા પર ફાયરિંગ મામલે મોટો ખુલાસો થયો છે. કુખ્યાત જયેશ પટેલના ઈશારે જ ફાયરિંગ કર્યું હોવાની વાત સામે આવી છે. ટીના પેઢરિયાના ભાઈ હસુ પેઢરિયાએ FIR નોંધાવી હતી. જે બાદ પોલીસ તપાસમાં ચાર ભાડૂતી શખ્સ વિરુદ્ધ ગુનો નોંધવામાં આવ્યો હતો. સાથે આ શખ્સોએ જયેશ પટેલના ઈશારે જ ફાયરિંગ કર્યું હોવાની વાતનો ખુલાસો થયો છે.
પોલીસ દ્વારા ગુનાની નોંધણી બાદ જામનગરના કુખ્યાત જયેશ પટેલને હાજર થવા કોર્ટનો આદેશ થયો છે. આર્મ્સ એક્ટ, કાવતરા અને ધાક-ધમકીના કેસમાં હાજર થવા ફરમાન થઈ ગયું છે. તો બીજી તરફ જયેશ પટેલ લાંબા સમયથી ફરાર છે. તેની વિરુદ્ધ ગુજસીટોકનો પણ આરોપી છે. જયેશ પટેલ સામે મારામારી, હત્યા, જમીન કૌભાંડ સહિતના 43 જેટલા ગુનાઓ નોંધાયેલા છે.
જામનગરમાં ગુનાખોરીનો આંકડો વધતો જ જાય છે. ત્યારે આજ સવારે ધોળા દિવસે વધુ એક ફાયરિંગની ઘટના સામે આવી છે. જેમાં કુખ્યાત જયેશ પટેલનું નામ સામે આવ્યું છે. ટીનાભાઈ પેઢરિયા પર તેન ઘર ખાતે ઈવાપાર્કમાં ફાયરિંગ થયું હતું. ટીનાભાઈ બંગલાના કામકાજ સાઈડ પર બેઠા હતા. ત્યારે અચાનક આવેલા કેટલાક શખ્સોએ ફાયરિંગ કરતા મોઢાના ભાગે ગોળી ફસાઈ ગઈ હતી.