સુરત / નકલી નોટ મામલે આરોપીએ કર્યો મોટો ખુલાસોઃ ગુજરાતમાં અલગ અલગ શહેરોમાંથી ઝડપાઈ 78 કરોડની ડુપ્લીકેટ નોટ

• સુરતમાં નકલી નોટ પકડાવવા મામલે મોટો ખુલાસો
• 78.54 કરોડની કિંમતની નકલી નોટ પોલીસે કબ્જે કરી 
• કાલાવડના વડાળા ગામથી 52.74 કરોડની નકલી નોટ ઝડપાઇ

સુરતમાં નકલી નોટ પકડાવવા મામલે મોટો ખુલાસો થયો છે. જેમાં આરોપીઑ છેતરપિંડી માટે નકલી નોટનો ઉપયોગ કરતા હોવાનું સામે આવ્યું છે. આથી પોલીસે અત્યાર સુધીમાં 78.54 કરોડની કિંમતની નકલી નોટ કબ્જે કરી છે. ઉપરાંત ગુજરાતના અલગ અલગ શહેરોમાંથી નકલી નોટ ઝડપી પાડી છે સાથે જ આરોપી દિનેશ પોશિયા, વિપુલ પટેલ, હિતેશ કોટળીયાની પોલીસે ધરપકડ કરી છે.  ઉપરાંત આ પ્રકરણમાં મુંબઇના વિકાસ જૈન અને દીનાનાથ યાદવને વોન્ટેડ જાહેર કર્યા છે. વધુમાં પોલીસે સમગ્ર મામલે સઘન તપાસ કરતા મોટો ખુલાસા થયા છે અને જામનગરના કાલાવડના વડાળા ગામથી પણ 52.74 કરોડની જાલી નોટ ઝડપાઇ હતી.

શું હતી ઘટના ? 
ગઇકાલે સુરતના કામરેજમાં કારોડો રૂપિયાની નકલી નોટો ઝડપાઇ હતી. દીકરી એજ્યુકેશન એન્ડ ચેરીટેબલ ટ્રસ્ટની એમ્બ્યુલન્સમાંથી 25 કરોડની નોટો ઝડપાઇ હતી. આ દરમિયાન પોલીસ ઝપટે ચડેલા આરોપીઑ આ નોટોનો ફિલ્મના શૂટિંગ માટે ઉપયોગમાં લેવાની હોવાની ખોટી કબૂલાત આપી હતી. ત્યારબાદ રિવર્સ બેન્ક ઓફ ઇન્ડિયા અને આ ઝેરોક્ષ ફોટો કોપી હોવાનું સામે આવતા પોલીસે આકરી પુછપરછ કરી હતી.જેમાં અનેક ધડાકા ભડાકા થયા છે.

જેમાં આરોપીએ જામનગર અને આણંદમાં પણ નક્લી નોટો સંતાડી હોવાની કબૂલાત આપી હતી. આરોપીઑ ટ્રસ્ટ બનાવીને અલગ અલગ કંપનીમાં રોકડા આપી છેતરપિંડી કરતા હતા. ટ્રસ્ટમાં ડોનેશન આપવાના નામે ટ્રસ્ટમાં રોકડા રૂપિયાનું દાન કરીને RTGS માંગતા હતા. આ મામલે પોલસે SBIના અધિકૃત અધિકારી પાસેથી રિપોર્ટ મેળવ્યો હતો અને FSLની પણ મદદ લેવાઈ હતી. મુંબઇથ ટ્રાવેલ્સ મારફતે નોટો સુરત મોકલાઈ હતી. ત્યારબાદ સુરતથી હિતેશ દ્વારા એમ્બ્યુલન્સ મારફતે પહેલા જામનગરના મોટા વડાલા ખાતે લઈ જવાઈ હતી અને ચાર બોક્સ આણંદ ખાતે મોકલાયા હોવાનું પણ સામે આવ્યું હતું.