ગાંધીધામ બટાલીયનમાં ફરજ બજાવતા કશ્મીરી સજ્જાદે અન્ય સાથી જવાનના બેંક એકાઉન્ટમાં અત્યાર સુધીમાં પોણા પાંચ લાખ મંગાવ્યા હોવાનો ખુલાસો થયો
કચ્છ સરહદ પર ત્રણ દિવસ પૂર્વે BSFના જવાનની જાસૂસી મામલે ધરપકડ કેસમાં મોટો ખુલાસો થયો છે.સાત વર્ષ પહેલા BSFમાં જોડાયેલો કશ્મીરી યુવક સજજાદ ગાંધીધામ બટાલીયનમાં ફરજયુક્ત હતો. અને સજ્જાદએ અન્ય જવાનના ખાતામાં મોટી એવી રકમ મંગાવી હોવાનો ઘટસ્ફોટ થયો છે.
અન્ય જવાનના ખાતામાં મંગાવ્યા નાણા
ગાંધીધામ બટાલીયનમાં ફરજ બજાવતા કશ્મીરી સજ્જાદે અન્ય સાથી જવાનના બેંક એકાઉન્ટમાં અત્યાર સુધીમાં પોણા પાંચ લાખ મંગાવ્યા હોવાનો ખુલાસો થયો છે.અને આરોપી જાસૂસી માટે જ ભરતી થયો હોવાની પ્રબળ શક્યતા દર્શાવાઈ રહી છે. વધુમાં એવો પણ ખુલાસો થયો છે કે,BSFની ગુપ્ત માહિતી મોબાઇલથી વ્હોટ્સએપથી દુશ્મન દેશમાં મોકતો હતો.અને માહિતી પ્રદાન કરવાના બદલામાં માહિતીના બદલામાં રૂપિયા મેળવીને દેશ વિરોધી પ્રવૃતિ કરતો હતો.સજ્જાદે ગુપ્ત માહિતી બદલે તેના ભાઇ વાજીદ તેમજ નોકરી કરતા મિત્ર ઇકબાન રસીદના ખાતામાં રૂપિયા મેળવ્યા હતા. સજ્જાદ પાસેથી બે મોબાઇલ અને વધારાના બે સીમકાર્ડ મળી આવ્યા છે.જમ્મૂ કશ્મીરના રાજૌરીમાં રહેનારો આ જવાન બે મહિના પહેલા કચ્છ ગાંધીધામમાં આવ્યો હતો
દેશ સાથે 'ગદ્દારી' પણ સાથે 'દોસ્તી'
જાબાઝ ભારતીય સેના એના પરાક્રમથી પાકિસ્તાનને ધૂળ ચટાડી રહી છે. સૌથી આગળ અને આક્રમક રહેતી BSF કશ્મીરથી માડી ગુજરાત સુધીના બોર્ડર પર દિવસ રાત એક કરી સરહદની રક્ષા કરી રહી છે. ત્યારે કચ્છની સરહદ બોર્ડર પરથી પાકિસ્તાન માટે કામ કરતો BSFનો ગદ્દાર જવાન ઝડપાઇ જતાં હડકંપ મચ્યો છે. ગુજરાત ATS એ BSF જવાનને મળેલા ઈનપુટના આધારે પકડી પાડયો છે.
સજ્જાદ 7 વર્ષથી હતો BSFમાં
બોર્ડર સિક્યુરિટી ફોર્સ એટલે BSFની ગાંધીધામ બટાલિયનમાંથી આ પાકિસ્તાન પરસ્ત ગદ્દાર જવાનને ઝડપી પાડવામાં આવ્યો છે.કચ્છમાં સરહદની જાસૂસી કરતો હોવાની બાતમી ઈન્ટેલિજન્સ એજન્સીને મળી હતી. આ પહેલા ઝડપાયેલા નાપાક માટે કામ કરતો કશ્મીરી જવાન ત્રિપુરામાં તૈનાત હતો. ત્યાંથી જ જવાન પર આપાણી હોનહાર એજન્સીઑની સતત દેખરેખ હતી. તે સતત પાકિસ્તાનને માહીતી આપતો હતો. જે બાદ કચ્છ સરહદ પર પોસ્ટિંગ આપી જવાન પર ચાંપતી નજર રાખવામાં આવી રહી હતી. દરમિયાન ગુજરાત ATSને પાક્કી ટિપ્સ મળતા જવાનને રંગેહાથ ઝડપી પાડવામાં આવ્યો હતો. દેશની આન બાન સાન એવી આપણી BSF પણ આ જવાનના કાળા કરતૂતથી કમકમી ઉઠી છે. ગદ્દાર જવાનને ધરદબોચી લઈ પૂછપરછ ચાલી રહી છે.