બહુચર્ચિત ભાજપના નેતાની હત્યામાં ચોંકાવનારો ખુલાસો થયો છે. ભાજપ કિસાન મોરચાના પ્રદેશ સચિવ મુનેશ ગોદારાની હત્યાકાંડમાં મહિલા નેતાના મોબાઇલ ડિટેઈલ્સ પોલીસ માટે મહત્વના સાબિત થઈ શકે છે. મૃતક મહિલાના બાળકો પાસેથી મળેલી માહિતી મુજબ પોલીસ મહિલા નેતાના મોબાઈલના વોટ્સએપ મેસેજ અને કોલ ડિટેઈલ ફંફોળી રહી છે.
પતિ સુનિલ ગોદારાનો મુનેશ સાથે વિવાદ ચાલી રહ્યો હતો
આ મગજમારીમાં એણે પોતાની પત્નીની હત્યા કરી હતી
હત્યાના વખતે મૃતક મહિલાના સસરા સિવાય તેનો દિકરો પણ ઘરે જ હતો
પોલીસના સુત્રો મુજબ, ઘટના પહેલાં થયેલા નેતાની દરેક વાતચીત, મેસેજ અને તે પહેલાના રેકોર્ડના આધાર પર સંબંધિત લોકોનું લિસ્ટ તૈયાર થશે.
પોલીસની અલગ-અલગ ટીમે આરોપીઓને શોધવા પેટ્રોલિંગ શરૂ કર્યું
બીજી બાજુ મહિલા નેતાના આરોપી પતિની ધરપકડ કરવા માટે પોલીસની પાંચ ટીમ હરિયાણાના કેટલાય જિલ્લાઓમાં પેટ્રોલિંગ કરી રહી છે. ભાજપ નેતાના ભાઈ સુનિલ જાખડે જણાવ્યું કે, જે સમય મુનેશ પર ફાયરિંગ કરવામાં આવ્યું ત્યારે મુનેશ પોતાની નાની બહેન જોડે વાત કરી રહી હતી. એ સમય દરમિયાન તે પોતાની દિકરી સાથે રસોઈ બનાવી રહી હતી.
ઘટનાના મુખ્ય સાક્ષી મુનેશના સસરા ચંદ્રભાને પોતાના નિવેદનમાં મૃતક મહિલાના ભાજપ નેતા બંટી ગુર્જર સાથે કથિત પ્રેમ સંબંધ હોવાના આરોપ લગાવ્યા હતા. સાથે કહ્યું કે બંટી ગુર્જરની પત્ની અનુને પણ આ સંબંધ વિશે જાણ હતી.
મુનેશના ફોન કોલ્સની ડિટેઈલ પરથી પોલીસે તપાસ આદરી
પોલીસને જાણ થઈ ગઈ હતી કે, મુનેશના દિકરાને પણ કથિત પ્રેમ સંબંધોની ખબર હતી. એણે પોતાના પિતાને કોલ રેકોર્ડિંગ સહિત ઘણા મેસેજની જાણકારી આપી હતી. પોલીસે ઘટનાના દિવસે જ મૃતક મુનેશનો ફોન કબ્જે કરી દીધો હતો. મંગળવારે પોલીસ પાસે મૃતક મહિલાના મોબાઈલના વોટ્સએપ મેસેજ અને કોલ ડિટેઈલના બેકઅપ ડેટા પણ આવી ગયા હતાં. જેના આધારે કેટલાય લોકો સામે આવ્યા છે, જેની સાથે મુનેશની વાતો થતી હતી.
મુનેશના પતિની ધરપકડ થઈ શકે?
હજુ પોલીસ આ ઘટનામાં તપાસ કરી રહી છે, પરંતુ આ કેસમાં મોબાઈલ એ મહત્વની કડી છે, એવું સાબિત થશે. મદદનીશ પોલીસ રાજેન્દ્ર સિંહ અને ક્રાઈમ બ્રાંચની ટીમ મળીને તપાસ કરી રહી છે. જોકે આરોપી પતિ સુનિલની ધરપકડ થવાની સંભાવના છે.