બોલીવૂડ અભિનેત્રી શિલ્પા શેટ્ટીના પતિ અને બિઝનેસમેન રાજ કુન્દ્રાને પોર્નોગ્રાફી કેસમાં સુપ્રિમ કોર્ટમાંથી રાહત મળી છે. તેમજ કોર્ટે અન્ય લોકોનાં પણ જામીન મંજુર કર્યા છે.
રાજ કુન્દ્રાની સાથે કોર્ટે અન્ય લોકોનાં પણ આગોતરા જામીન મંજૂર કર્યા
આરોપીઓએ તપાસમાં સહકાર આપવો પડશેઃકોર્ટ
બોલીવૂડ અભિનેત્રી શિલ્પા શેટ્ટીના પતિ અને બિઝનેસમેન રાજ કુન્દ્રાને પોર્નોગ્રાફી કેસમાં સુપ્રિમ કોર્ટમાંથી રાહત મળી છે. રાજ કુન્દ્રાની સાથે સુપ્રિમ કોર્ટે મોડલ શર્લિન ચોપરા, પૂનમ પાંડે અને ઉમેશ કામતને પોર્નગ્રાફી બનાવવા અને એને ઓટીટી પ્લેટફોર્મ પર બતાવવાનાં કેસમાં આગોતરા જામીન મંજૂર કર્યા છે. કોર્ટ દ્વારા કહેવામાં આવ્યું છે કે તમામ આરોપીઓએ તપાસમાં સહકાર આપવો જોઈએ અને જરૂર પડ્યે તપાસમાં સામેલ થવું જોઈએ.
Supreme Court grants anticipatory bail to businessman and Bollywood actor Shilpa Shetty's husband Raj Kundra, models Sherlyn Chopra and Poonam Pandey and one Umesh Kamat in a case relating to creating obscene content and showing it on OTT platforms. pic.twitter.com/1JYOlRcJ7K
ગયા મહિને દાખલ કરાયેલ ચાર્જશીટ
મહારાષ્ટ્ર સાયબર પોલીસે પોર્નોગ્રાફી કેસમાં રાજ કુન્દ્રા, શર્લિન ચોપરા અને પૂનમ પાંડે વિરુદ્ધ ચાર્જશીટ દાખલ કરી હતી. ચાર્જશીટમાં એવો દાવો કરવામાં આવ્યો હતો કે રાજ કુન્દ્રાએ મુંબઈની આસપાસની ફાઈવ સ્ટાર હોટલોમાં પોર્નોગ્રાફિક ફિલ્મો શૂટ કરી હતી અને પછી તેને OTT પ્લેટફોર્મ પર વેચી દીધી હતી. રાજ કુન્દ્રાએ આ ડીલ કરોડોમાં કરી હતી. રાજે આ ફિલ્મો પૂનમ અને શર્લિન સાથે શૂટ કરી હોવાનું કહેવાય છે.