IPLIN
 

કાર્યવાહી / ધારાસભ્ય જિગ્નેશ મેવાણીને હજુ રાહત નહીંઃ આસામમાં એક કેસમાં કોર્ટથી જામીન મળતા બીજા કેસમાં થઇ ધરપકડ

Team VTV 04:11 PM, 25 Apr 22 | Updated: 04:52 PM, 25 Apr 22
Follow us
Big relief to MLA Jignesh Mewani Assam court grants bail

આસામની કોકરાઝાર કોર્ટે ધારાસભ્ય જીગ્નેશ મેવાણીને આપ્યા જામીન,PM નરેન્દ્ર મોદી પર આપાત્તિજનક ટ્વીટ અંગે જીગ્નેશ મેવાણીની ધરપકડ કરવામાં આવી હતી

  • જિગ્નેશ મેવાણીની બીજા એક કેસમાં જિગ્નેશ મેવાણીની થઇ ધરપકડ
  • કોકરાઝાર કોર્ટથી ધારાસભ્ય જિગ્નેશ મેવાણીને એક કેસમાં મળ્યા જામીન
  • PM નરેન્દ્ર મોદી પર આપાત્તિજનક ટ્વીટ મુદ્દે કરાઈ હતી ધરપકડ 

વડગામના ધારાસભ્ય જિગ્નેશ મેવાણીને હજુ રાહત નહીં. આસામમાં આજે જ અગાઉના એક કેસમાં જામીન મળ્યા હતા. જોકે તેમની બીજા એક કેસમાં આસામમાં જ ધરપકડ કરવામાં આવી છે. બારપેટા પોલીસે ગુજરાતના ધારાસભ્ય જિગ્નેશ મેવાણીની અન્ય એક કેસના સંબંધમાં ફરીથી ધરપકડ કરી છે. જિગ્નેશ મેવાણીના વકીલ અંગશુમન બોરાએ જણાવ્યું કે, તેમના ટ્વીટ સાથે જોડાયેલા કેસમાં તેમને જામીન મળ્યા પછી તરત જ તેમની ધરપકડ કરાઈ છે. 

કોકરાઝાર કોર્ટે ધારાસભ્ય જીગ્નેશ મેવાણીને આપ્યા જામીન

PM નરેન્દ્ર મોદી પર કરવામાં આવેલા ટ્વીટ બદલ ગુજરાતના ધારાસભ્ય જીગ્નેશ મેવાણીને આસામની કોર્ટે જામીન આપ્યા છે. ઉલ્લેખનીય છેક  વડાપ્રધાન વિરુદ્ધ ટ્વિટ કરવા બદલ આસામ પોલીસે બુધવારે ગુજરાતમાંથી મેવાણીની ધરપકડ કરી હતી. ત્યારબાદ આસામના કોકરાઝારની કોર્ટે રવિવારે ગુજરાતના સ્વતંત્ર ધારાસભ્ય જીગ્નેશ મેવાણીને એક દિવસની ન્યાયિક કસ્ટડીમાં મોકલી દીધા હતાં.ત્યાર બાદ આજે જીગ્નેશ મેવાણી પુનઃ કોર્ટ સમક્ષ રજુ કરવામાં આવ્યાં હતાં. જયાં કોર્ટે જીગ્નેશ મેવાણીના જામીન મંજૂર કર્યા છે. 

PM નરેન્દ્ર મોદી પર આપાત્તિજનક ટ્વીટ મુદ્દે કરાઈ હતી ધરપકડ 

ઉલ્લેખનીય છે કે, આ પહેલા બુધવારે રાત્રે મેવાણીની ગુજરાતના પાલનપુર શહેરમાંથી આસામ પોલીસની એક ટીમ દ્વારા તેના PM મોદીને લઈને કરેલા ટ્વિટના કારણે ધરપકડ કરવામાં આવી હતી. આસામ બીજેપી નેતા અરૂપ કુમાર ડે દ્વારા કરવામાં આવેલી ફરિયાદ બાદ તેમની સામે FIR નોંધવામાં આવી હતી. પોલીસે મેવાણી સામે કલમ 120B (ગુનાહિત કાવતરું), 153(a) (બે સમુદાયો વચ્ચે દુશ્મનાવટને પ્રોત્સાહન આપવું), 295(a), 504 (શાંતિ ભંગ કરવા માટે ઇરાદાપૂર્વક અપમાન) અને IT એક્ટની કલમો હેઠળ કેસ નોંધવામાં આવ્યો હતો.   

રાહુલ ગાંધીએ મેવાણીની ધરપકડને ગેરબંધારણીય ગણાવી હતી

 

આસામના કોકરાઝારની કોર્ટે રવિવારે ગુજરાતના સ્વતંત્ર ધારાસભ્ય જીગ્નેશ મેવાણીને એક દિવસની ન્યાયિક કસ્ટડીમાં મોકલી દીધા હતાં. અધિકારીએ કહ્યું હતું કે મેવાણીની જામીન અરજી સહિતના કેસની સુનાવણી સોમવારે થશે. મેવાણીની ત્રણ દિવસની પોલીસ કસ્ટડી પૂરી થતાં રવિવારે મોડી સાંજે તેને કોર્ટમાં રજૂ કરવામાં આવ્યો હતો. આ કેસમાં દલીલો રાત્રે 9.30 વાગ્યા સુધી બે કલાકથી વધુ ચાલી હતી.બીજી બાજુ કોંગ્રેસ નેતા રાહુલ ગાંધીએ ગુરુવારે આસામ પોલીસ દ્વારા જીગ્નેશ મેવાણીની ધરપકડને "અલોકતાંત્રિક" અને "ગેરબંધારણીય" ગણાવી હતી.

જીગ્નેશ મેવાણીની ધરપકડના મામલાને કોંગ્રેસે રાજ્યવ્યાપી ધરણાં કર્યા

ઉલ્લેખનીય છે કે, ધારાસભ્ય જીગ્નેશ મેવાણીની ગત બુધવારે ધરપકડ કરી હતી. જેને લઈને ગુજરાત કોંગ્રેસ દ્વારા રાજ્યવ્યાપી ધરણાં કરવામાં આવ્યાં હતાં. અને લોકશાહી બચાવો, સંવિધાન બચાવો સાથને નારા સાથે તંત્રને આવેદનપત્ર પઠવવામાં આવ્યું હતું. આ સાથે જીગ્નેશ મેવાણીના સમર્થનમાં કોંગ્રેસ દ્વારા મૌન રેલી અને ધરણાં પ્રદર્શનના કાર્યક્રમોનું આયોજન કરવામાં આવ્યું હતું. 

PM modi Assam court jignesh mewani MLA bail પીએમ મોદી આસામ કોર્ટ જીગ્નેશ મેવાણી ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ