અદાણી ગ્રીન અને અદાણી પોર્ટ કંપનીમાં 10 જૂનથી 19 જૂન સુધીમાં 1100 કરોડ રૂપિયાથી વધુનું રોકાણ કર્યું
અદાણી ગ્રીન અને અદાણી પોર્ટમાં આવ્યું 1100 કરોડ રૂપિયાનું રોકાણ
ઇનફિનિટ ટ્રેડ એન્ડ ઇન્વેસ્ટમેન્ટ લિમિટેડ દ્વારા આ રોકાણ કરવામાં આવ્યું
એશિયાના બીજા નંબરના ધનિકની યાદીમાંથી બહાર
અદાણી ગ્રીન અને અદાણી પોર્ટમાં આવ્યું 1100 કરોડ રૂપિયાનું રોકાણ
ગૌતમ અદાણીએ ગયા અઠવાડિયે ઘણું નુકશાન ભોગવ્યું હતું. તેમના ગ્રુપની બધી જ કંપનીઓમાં માર્કેટ કેપમાં જબરદસ્ત ઘટાડો થયો હતો. આ બધા વચ્ચે એક સારા સમાચાર અદાણી ગ્રુપ માટે આવ્યા છે. આ રિપોર્ટ મુજબ ઇનફિનિટ ટ્રેડ એન્ડ ઇન્વેસ્ટમેન્ટ લિમિટેડ દ્વારા 10 દિવસમાં અદાણી ગ્રૂપની બે કંપનીઓમાં 1100 કરોડ રૂપિયાની ખરીદદારી કરી છે. આ બંને કંપનીઓ છે અદાણી ગ્રીન અને અદાણી પોર્ટ.
ઇનફિનિટ ટ્રેડ એન્ડ ઇન્વેસ્ટમેન્ટ લિમિટેડ દ્વારા આ રોકાણ કરવામાં આવ્યું
ગૌતમ અદાણીનું છેલ્લું અઠવાડિયુ કોઈ ભયંકર સપનાથી કઈ ઓછું નથી રહ્યું. ગ્રુપની કંપનીઓના શેરોના ભાવમાં ઘણો ઘટાડો આવ્યો તે આ વાતની સાબિતી છે. તેમની કંપનીના ઘણા બધા શેરના ભાવ રાતોરાત ઓછા થઈ ગયા. જેનો ફાયદો બીજી બધી કંપનીએ ઉઠાવ્યો હતો. આ બધા વચ્ચે ગૌતમ અદાણી માટે રાહતની વાત એ છે કે ઇનફિનિટ ટ્રેડ એન્ડ ઇન્વેસ્ટમેન્ટ લિમિટેડ દ્વારા 10 દિવસમાં અદાણી ગ્રૂપની બે કંપનીઓમાં 1100 કરોડ રૂપિયાની ખરીદદારી કરી છે. રિપોર્ટ અનુસાર આ કંપની દ્વારા અદાણી ગ્રુપની અદાણી ગ્રીન અને અદાણી પોર્ટ કંપનીમાં 10 જૂનથી 19 જૂન સુધીમાં 1100 કરોડ રૂપિયાથી વધુનું રોકાણ કર્યું છે.
ઇનફિનિટ ટ્રેડ એન્ડ ઇન્વેસ્ટમેન્ટ લિમિટેડ દ્વારા 85 લાખ શેરોમાં રોકાણ કરવામાં આવ્યું હતું. જેમાં અદાણી ગ્રીન એનર્જી લિમિટેડમાં 122.51 કરોડ, 182.51 કરોડ, 174.79 કરોડ, 180.01 કરોડ, 179.82 કરોડ અને 169.04 કરોડ રૂપિયાનું રોકાણ કરવામાં આવ્યું હતું, આ સાથે જ 19 જૂનના દિવસે અદાણી પોર્ટ એંડ સ્પેશ્યલ ઈકોનોમિક ઝોનના 19.3 લાખ શેર 126.81 કરોડ રૂપિયામાં ખરીદ્યા હતા. BSEના રિપોર્ટ અનુસાર આ ટ્રાન્ઝેક્શન બજાર ખરીદના માધ્યમ દ્વારા કરવામાં આવ્યા હતા.
એશિયાના બીજા નંબરના ધનિકની યાદીમાંથી બહાર
અદાણી ગ્રૂપના ચેરમેન ગૌતમ અદાણી હાલમાં જ એશિયાના બીજા નંબરના ધનિકની યાદીમાંથી બહાર નીકળી ગયા છે. અદાણી ગ્રુપની બધી જ કંપનીઓના ભાવમાં બુધવારે ઘટાડો થતાં ગૌતમ અદાણીને લગભગ 3.91 અરબ ડોલરનું નુકશાન થયું છે. BLOOMBERG ના રિપોર્ટ અનુસાર અદાણીની કૂલ નેટવર્થ 67.6 અરબ ડોલર થઈ ચૂકી છે. આ સાથે જ તેઓ હવે એશિયાના સૌથી ધનિક યાદીમાં બીજા સ્થાનેથી ત્રીજા સ્થાન પર આવી ગયા છે. સાથે જ દુનિયામાં સૌથી વધુ ધનિક લોકોની યાદીમાં તેમનું સ્થાન 15માં નંબર પર આવી ગયું છે. છેલ્લા ત્રણ દિવસમાં તેમની નેટવર્થમાં 9.4 અરબ ડોલર એટલે કે 69,263 કરોડનો ઘટાડો થયો છે. તમને જણાવી દઈએ કે આ વર્ષે જ તેમની નેટવર્થમાં 33.8 અરબ ડોલરનો વધારો થયો હતો.