છેલ્લા 3-4 મહિનાથી મોટી કંપનીઓ સતત તેમના કર્મચારીઓને કાઢી રહી છે પણ આ બધાની વચ્ચે EPFOનો એક રિપોર્ટ લોકો માટે રાહતના સમાચાર લઈને આવ્યો છે.
વિપ્રો કંપનીએ તેના 800 કર્મચારીઓને છૂટા કર્યા
EPFOનો એક રિપોર્ટ લોકો માટે રાહતના સમાચાર લઈને આવ્યો
સંગઠિત ક્ષેત્રમાં નોકરીઓ વધી છે
મંદીની આશંકાએ સૌથી વધુ રોજગારને અસર કરી છે, અઆપણે બધા જાણીએ છીએ કે છેલ્લા 3-4 મહિનાથી મોટી કંપનીઓ સતત તેમના કર્મચારીઓને કાઢી રહી છે અને કઇંક આવી જ સ્થિતિ ભારતમાં પણ જોવા મળી રહી છે. જણાવી દઈએ કે આજે જ વિપ્રો કંપનીએ તેના 800 કર્મચારીઓને છૂટા કર્યા છે. પણ આ બધાની વચ્ચે EPFOનો એક રિપોર્ટ લોકો માટે રાહતના સમાચાર લઈને આવ્યું છે.
સંગઠિત ક્ષેત્રમાં નોકરીઓ વધી છે
રિપોર્ટ અનુસાર એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ નવેમ્બર 2022 માં શુદ્ધ આધાર પર 16.26 લાખ સભ્યો ઉમેર્યા. આ સાથે જ શ્રમ મંત્રાલયે કહ્યું કે આ આંકડો એક વર્ષ અગાઉના આ જ સમાન મહિના કરતાં 16.5 ટકા વધારે છે અને આ બંને વાતો સૂચવે છે કે સંગઠિત ક્ષેત્રમાં નોકરીઓ વધી છે. નોંધનીય છે કે શુક્રવારે મંત્રાલય દ્વારા EPFOના કામચલાઉ પગારપત્રક એટલે કે નિયમિત પગાર પર રાખવામાં આવેલા લોકોના ડેટા જારી કરવામાં આવ્યા છે અને એ રિપોર્ટમાં જણાવવામાં આવ્યું છે કે EPFOએ નવેમ્બર 2022માં 16.26 લાખ સભ્યો ઉમેર્યા છે.
ઓક્ટોબર 2022 કરતાં 25.67 વધુ
આ સાથે જ શ્રમ મંત્રાલયે તેમના એક નિવેદનમાં કહ્યું હતું કે આ આંકડા ઓક્ટોબર 2022ની સરખામણીમાં 25.67 વધુ છે અને નવેમ્બરમાં ઉમેરાયેલા કુલ 16.26 લાખ સભ્યોમાંથી લગભગ 8.99 લાખ સભ્યો પહેલી વખત EPFOમાં જોડાયા છે. આ આંકડા દર્શાવે છે કે EPFOમાં જોડાનાર નવા સભ્યોની સંખ્યામાં ઓક્ટોબર 2022માં 7.28 લાખની સરખામણીએ 1.71 લાખનો વધારો થયો છે અને 2.77 લાખ નવા સભ્યો 18-21 વર્ષની વય જૂથના છે અને આ પછી 22-25 વર્ષની વય જૂથમાં 2.32 લાખ સભ્યો છે.
18-25 વર્ષની લોકોની સંખ્યા વધુ
રિપોર્ટમાં આપવામાં આવેલ મહૈતી અનુસાર મહિનામાં કુલ નવા સભ્યોમાં 18-25 વર્ષની વય જૂથનો હિસ્સો 56.60 ટકા હતો અને આ દર્શાવે છે કે પહેલી વખત નોકરી શોધનારાઓ દેશના સંગઠિત ક્ષેત્રના કાર્યબળમાં મોટા પાયે જોડાઈ રહ્યા છે. આ સાથે જ રિપોર્ટમાં એમ પણ કહેવામાં આવ્યું છે કે લગભગ 11.21 લાખ સભ્યો EPFOમાં ફરી જોડાયા છે.