બોર્ડર વિસ્તારના પેટ્રોલ પંપ પર વહાનોની ભિડ; ગુજરાત અને રાજસ્થાનમાં પેટ્રોલ, ડીઝલમાં મોટો ભાવફેર, અન્ય રાજ્યમાં જતા વહાનો ગુજરાતમાં ઈંધણ ફૂલ કરાવે છે
બોર્ડર વિસ્તારના પેટ્રોલ પંપ પર વહાનોની ભિડ
ગુજરાત અને રાજસ્થાનમાં પેટ્રોલ, ડીઝલમાં મોટો ભાવફેર
અન્ય રાજ્યમાં જતા વહાનો ગુજરાતમાં ઈંધણ ફૂલ કરાવે
પેટ્રોલ ડીઝલના વધતા ભાવોને લઈને પ્રજા તો પરેશાન છે તો બીજી તરફ દેશના વિવિધ રાજ્યમાં પણ ભાવ ફેર છે જેને લઈ બોર્ડર વિસ્તાર ઉપર આવેલા પેટ્રોલ પંપોને પણ મોટી અસરો જોવા મળી રહી છે. ગુજરાત રાજસ્થાન બોર્ડર ઉપર આવેલા પેટ્રોલ પંપ ઉપર ક્યાંક વાહનોની ભીડ જોવા મળી રહી છે, માત્ર બેથી ત્રણ કિલોમીટર વચ્ચેના અંતરમાં આવેલા પેટ્રોલ પંપ પર ટ્રાફિક જોવા મળે છે
બોર્ડર વિસ્તારના પેટ્રોલ પંપ પર વહાનોની ભીડ
ગુજરાતના બોર્ડર વિસ્તારના પેટ્રોલ પંપ ઉપર મોટી સંખ્યામાં વહાનો જોવા મળી રહ્યા છે કેમકે ગુજરાતમાં પેટ્રોલ ડીઝલના ભાવ ઓછા હોવાથી લોકો ગુજરાત બોર્ડર ઉપર આવેલા પેટ્રોલ પંપ ઉપર પેટ્રોલ ડીઝલ ભરાવી રહ્યા છે ટ્રાન્સપોર્ટેશનના જે મોટા વાહનો છે તેમાં વધારે ડીઝલની જરૂરિયાત હોય છે ત્યારે આ મોટા વાહનો ગુજરાતમાં આવીને જ ડીઝલ ભરાવે છે જેનાથી તેમને મોટી બચત પણ થાય છે.
ગુજરાત અને રાજસ્થાનમાં પેટ્રોલ, ડીઝલમાં મોટો ભાવફેર
ગુજરાત કરતા રાજસ્થાનમાં પેટ્રોલ અને ડીઝલના ભાવ વધારે હોવાથી વાહન ચાલકો ગુજરાતમાં આવી પેટ્રોલ, ડીઝલ ભરાવે છે વાત કરવામાં આવે તો રાજસ્થાનમાં ડીઝલનો ભાવ 95 રૂપિયા અને પેટ્રોલનો ભાવ 110 રૂપિયા ભાવ છે જેની સામે ગુજરાતના સરહદી જિલ્લા અરવલ્લી અને બનાસકાંઠા બોર્ડર વિસ્તારમાં પેટ્રોલના 97 રૂપિયા જેટલો અને ડીઝલના 93 રૂપિયાની આજુબાજુ ભાવ છે. જેના કારણે રાજસ્થાન કરતા ગુજરાતમાં પેટ્રોલમાં 13 રૂપિયા લિટરે સસ્તું છે અને ડીઝલ 2 રૂપિયા સસ્તો છે.
અન્ય રાજ્યમાં જતા વહાનો ગુજરાતમાં ઈંધણ ફૂલ કરાવે
મુંબઈ, પંજાબ અને હરિયાણા તરફથી આવતા અને જતા ટ્રક ચાલકો ગુજરાતમાં ટ્રક્નું ડીઝલ ફૂલ કરાવેતો પાનસોથી એક હજાર રૂપિયાનો ફાયદો તેમને થઇ રહ્યો છે. સાથે જ પેટ્રોલ કાર ચાલકોને રાજસ્થાનમાં વેટનાં ભાવ વધારાએ પરેશાન કરી મુક્યા છે. ત્યારે અરવલ્લી જિલ્લાના રતનપુર બોર્ડર વિસ્તારના પેટ્રોલ પંપ પર હવે 75 હજાર લીટર જેટલું દૈનિક ઇંધણ વપરાશ વધ્યો છે. સાથે જ રાજસ્થાનમાં ભાવ વધારાના કારણે પેટ્રોલ અને ડીઝલના ભાવ ફેરના કારણે વેચાણમાં ખુબ મોટો તફાવત જોવા મળી રહ્યો છે જેથી રાજસ્થાનમાં ગુજરાત બોર્ડરના પેટ્રોલ પંપો બંધ થઇ રહ્યાં છે