ભારતમાં 5G મોબાઈલ ટેકનોલોજીના પગરણ થઈ ચૂક્યા છે. દેશમાં પહેલી વાર મદ્રાસની IITમાં 5Gનું સફળ ટેસ્ટિંગ કરાયું છે.
ભારતમાં 5Gનું સફળ ટેસ્ટિંગ
IIT મદ્રાસમાં થયું ટેસ્ટિંગ
કેન્દ્રીય મંત્રી અશ્વિની વૈષ્ણવે કર્યો વોઈસ અને વીડિયો કોલ
ભારતમાં સૌથી ઝડપી અને સ્વદેશી 5જી મોબાઈલ સેવાની દિશામાં પગરણ થઈ ચુક્યા છે. 5જી સેવાની દિશામાં ભારતે પહેલું પગથિયું ભરી લીધું છે. ભારતે પહેલી વાર 5G મોબાઈલ સેવાનું સફળ ટેસ્ટિંગ કર્યું છે. મદ્રાસની આઈઆઈટીમાં કેન્દ્રીય સંચાર મંત્રી અશ્વિની વૈષ્ણવે 5જી વોઇસ અને વીડિયો કોલ કર્યો હતો. કેન્દ્રીય મંત્રીએ પોતાના કૂ અને ટ્વિટર એકાઉન્ટ પર 5જી કોલ ટેસ્ટિંગનો વીડિયો પણ શેર કર્યો છે.
#WATCH Union Minister for Electronics & Information Technology Ashwini Vaishnaw today tested 5G call at IIT-Madras.
5G નેટવર્કની તમામ ડિઝાઈન ભારતમાં તૈયાર કરાઈ
અશ્વિની વૈષ્ણવે આ અંગે માહિતી આપતા જણાવ્યું કે નેટવર્કની તમામ ડિઝાઇન ભારતમાં જ વિકસિત કરવામાં આવી છે. ટોટલ 8 ઈન્સ્ટિટ્યૂટ દ્વારા મળીને 5G ટેસ્ટ બેડ તૈયાર કરવામાં આવ્યા છે. આઈઆઈટી મદ્રાસના નેતૃત્વમાં તેનો વિકાસ કરવામાં આવ્યો છે.
We're proud of the IIT-Madras team which has developed the 5G test pad which will provide huge opportunities to the entire 5G development ecosystem and the Hyperloop initiative. Railways Ministry will fully support the Hyperloop initiative: Union Minister Ashwini Vaishnaw pic.twitter.com/ewbBEQMDaR
તાજેતરમાં જ સરકાર તરફથી જાણકારી આપવામાં આવી હતી કે આ પ્રોજેક્ટને ડેવલપ કરવામાં 220 કરોડ રૂપિયાથી વધુનો ખર્ચ થયો છે. આ ટેસ્ટબેડ ભારતીય ઉદ્યોગ અને સ્ટાર્ટઅપ્સ માટે સહાયક ઇકોસિસ્ટમને સક્ષમ કરશે. ટેલિકોમ મિનિસ્ટ્રી તરફથી જણાવવામાં આવ્યું હતું કે આ વર્ષના અંત સુધીમાં 5G ટેક્નોલોજી તૈયાર થઈ જશે.
સપ્ટેમ્બર-ઓક્ટોબર સુધીમાં ભારતમાં 5G સેવા શરુ થઈ જશે
કેન્દ્રીય મંત્રી અશ્વિની વૈષ્ણવે કહ્યું હતું કે ચાલુ વર્ષના સપ્ટેમ્બર-ઓક્ટોબર સુધીમાં ભારતનું પોતાનું 5G માળખું તૈયાર થઈ જશે. ટેલિકોમ રેગ્યુલેટરી ઓથોરિટી ઓફ ઇન્ડિયા (ટ્રાઇ) દ્વારા આયોજિત એક કાર્યક્રમમાં બોલતા વૈષ્ણવે કહ્યું હતું કે ભારતનું સ્વદેશી ટેલિકોમ ઇન્ફ્રાસ્ટ્રક્ચર "મહાન માળખાગત તકનીકી પ્રગતિ" ને પ્રતિબિંબિત કરે છે. કેન્દ્રીય મંત્રીએ વિશ્વના દેશોને ભારતના સ્વદેશી ટેલિકોમ ઇન્ફ્રાસ્ટ્રક્ચરને ખર્ચ અને ગુણવત્તાયુક્ત લાભોની દ્રષ્ટિએ સક્રિયપણે જોવાની વિનંતી પણ કરી હતી. તેમણે એમ પણ કહ્યું હતું કે, જ્યાં ટેકનોલોજી આર્થિક વિકાસમાં મહત્વપૂર્ણ ભૂમિકા ભજવી રહી છે તેવા વિશ્વમાં ડિજિટલ ગેપને દૂર કરવો વધુ મહત્ત્વપૂર્ણ બની ગયો છે. અશ્વિની વૈષ્ણવે કહ્યું કે સરકાર સમાવિષ્ટ વિકાસ સુનિશ્ચિત કરવા માટે તમામ પગલા લઈ રહી છે.
Aatmanirbhar 5G 🇮🇳
Successfully tested 5G call at IIT Madras. Entire end to end network is designed and developed in India. pic.twitter.com/FGdzkD4LN0
— Ashwini Vaishnaw (@AshwiniVaishnaw) May 19, 2022
બે દિવસ પહેલા પીએમ મોદીએ 5G ટેસ્ટબેડ લોન્ચ કર્યું હતું
પીએમ મોદીએ 17 મેના રોજ 5 જી ટેસ્ટબેડની શરૂઆત કરી હતી. 5 જી ટેસ્ટબેડ દેશના ટેલિકોમ ઉદ્યોગ અને સ્ટાર્ટઅપ્સને ટેકો આપશે. આ સિવાય તે પાંચમી પેઢીમાં તેમના ઉત્પાદનો, પ્રોટોટાઇપ્સ અને સોલ્યુશન્સને માન્યતા આપશે. પ્રધાનમંત્રીએ ટેલિકોમ રેગ્યુલેટરી ઓથોરિટી ઓફ ઇન્ડિયા (ટ્રાઇ)ની સિલ્વર જ્યુબિલી ઉજવણીમાં વીડિયો કોન્ફરન્સિંગ મારફતે સ્વદેશી રીતે નિર્મિત ટેસ્ટબેડની શરૂઆત કરી હતી. 5G ટેસ્ટબેડ લોન્ચ કર્યા બાદ નરેન્દ્ર મોદીએ તેને આત્મનિર્ભર ભારતની દિશામાં એક મહત્વપૂર્ણ પગલું ગણાવ્યું હતું. પીએમ મોદીએ કહ્યું હતું કે, આગામી 15 વર્ષમાં 5G નેટવર્ક દેશની અર્થવ્યવસ્થાને 450 અબજ ડોલર સુધીનો ગ્રોથ આપશે. "અમે ગરીબમાં ગરીબ વ્યક્તિના હાથમાં મોબાઈલ પહોંચાડવા પર ભાર મૂક્યો હતો. આ માટે દેશમાં જ મોબાઇલ ફોન બનાવવામાં આવ્યા હતા, આ જ ફોકસ હતું અને તેનું પરિણામ એ આવ્યું કે આજે દેશમાં મોબાઇલ મેન્યુફેક્ચરિંગ યુનિટની સંખ્યા બેથી વધીને આજે 200 થઇ ગઇ છે.