નિર્ણય / GTUની ઓનલાઇન PG એક્ઝામને લઈને મોટા સમાચાર, આ તારીખે લેવાશે પરીક્ષા

GTUમાં PGની ઓનલાઈન પરીક્ષા બે દિવસ મોકૂફ
20 અને 21 મે દરમિયાન યોજાનાર પરીક્ષા મોકૂફ 
મોકૂફ પરીક્ષાઓ 24 થી 27 મે દરમિયાન લેવાશે

ગુજરાત ટેક્નોલોજીકલ યુનિવર્સિટી દ્વારા યુજીની પરીક્ષા બે દિવસ મોકૂફ કરાઈ છે, 20 અને 21 મે એ લેવાનાર પરીક્ષા હવે 24 થી 27 મે દરમિયાન લેવામાં આવશે. રાજ્યમાં વાવાઝોડાને કારણે અનેક શહેરમાં અને ગામડાઓમાં અસર થઈ છે જેને કારણે વીજ કનેક્શન ખોરવાયું તે જોતા GTU દ્વારા બે દિવસ પરીક્ષાઓ મોકૂફ રાખવાનો નિર્ણય કરવામાં આવ્યો છે.

GTUમાં PGની ઓનલાઈન પરીક્ષા બે દિવસ મોકૂફ

કોરોનાને લીધે GTU એ ઓનલાઈન પરીક્ષા લેવાનો નિર્ણય કર્યો છે, પરંતું તૌકતે વાવાઝોડાની અસરને પગલે અનેક શહેરો અને ગામડોઓમાં વીજ પુરવઠો ખોરવાયો જેના કારણે ઓનલાઈન પરીક્ષા આપતા વિદ્યાર્થીઓને મુશ્કેલી પડે નહી તે જોતા બે દિવસ માટે જીટીયુ એ પરીક્ષા મોકૂફ રાખવાનો નિર્ણય કર્યો છે. 

મોકૂફ પરીક્ષાઓ 24 થી 27 મે દરમિયાન લેવાશે

મહત્વનું છે ઓનલાઈન પરીક્ષામાં કોઈ ખામી ન સર્જાઈ તે માટે અગાઉ જ GTU દ્વારા પ્રિ-ચેક ટ્રાયલ ટેસ્ટ કરવામાં આવ્યો હતો..જેમાં 1 કલાક જેટલો સમય આપવામાં આવ્યો.જે સફળ રહેતા જીટીયુ દ્વારા ઓનલાઈન પરીક્ષા યોજવાનું આયોજન કર્યું છે, હવે જીટીયું પીજીની પરીક્ષાઓ આગામી 24થી 27મી મે દરમિયાન યોજાશે. જો કે 22 મે એ યોજાનાર પરીક્ષાઓ રાબેતા મુજબ યોજાશે તેવું જણાવ્યું છે.