ચૂંટણીના મોટા સમાચારઃ જામનગર બેઠક પર હાર્દિક પટેલ ન લડે તો કોંગ્રેસ તરફથી આ નેતા ઉતરશે

જામનગર લોકસભાની ચૂંટણીને લઈ મોટા સમાચાર સામે આવ્યા છે. સૂત્રોના જણાવ્યા અનુસાર, જામનગર બેઠક પરથી પૂર્વ સાંસદ વિક્રમ માડમ ચૂંટણી લડી શકે છે. જો હાર્દિક પટેલ જામનગર બેઠક પરથી નહીં લડે તો વિક્રમ માડમને ટિકિટ અપાઈ શકે છે. હાર્દિક પટેલની કાયદાકીય ગૂંચ જોતા કોંગ્રેસે વ્યૂહ બદલ્યો છે. હાર્દિકનો કેસ કોર્ટમાં હોવાથી કોંગ્રેસે પ્લાન બી અપનાવ્યો છે. ઉલ્લેખનીય છે કે, વિક્રમ માડમ અગાઉ બે વાર જામનગરથી ચૂંટાયા છે.



હાર્દિકે જામનગર બેઠક પરથી લડવાની ઇચ્છા વ્યક્ત કરી હતી

જોકે હાર્દિકે જામનગર બેઠક પરથી ચૂંટણી લડવાની ઈચ્છા વ્યક્ત કરી હતી, પરંતુ હજુ સુધી હાઈકમાન્ડ તરફથી સત્તાવાર રીતે જામનગર બેઠક પરથી હાર્દિકના નામ અંગે જાણ કરાઈ નથી. પરંતુ સ્ટારપ્રચાર તરીકેની યાદીમાં પોતાનુ નામ સમાવેશ પામવાથી હાર્દિક હવે ચૂંટણી પ્રચારમાં જોડાઈ શકે છે.



જામનગર બેઠક માટે 17 દાવેદરોએ ટિકિટ માગ 

જામનગર લોકસભા બેઠક માટે 17 દાવેદારોએ ટિકિટની માગ કરી છે. આ દાવેદારોમાં વિક્રમ માડમનો પણ સમાવેશ થાય છે. જ્યારે ચિરાગ કાલરિયા, મેરામણ ગોરીયાએ પણ ટિકિટ માગી છે. તો જામનગર જિલ્લા કોંગ્રેસ પ્રમુખ જે.ટી.પટેલે પણ ચૂંટણી લડવાની ઇચ્છા વ્યક્ત કરી છે. અગાઉ હાર્દિક પટેલ પણ જામનગરથી ચૂંટણી લડવાનું કહી ચૂક્યો છે. ત્યારે હવે જો હાર્દિક પટેલ જામનગર બેઠક પરથી નહીં લડે તો વિક્રમ માડમને ટિકિટ અપાઇ શકે છે.