વોડાફોન આઈડિયાએ તેની નવી બ્રાન્ડ વીઆઈ (Vi) હેઠળ દેશમાં નવો પ્રીપેડ ડેટા પ્લાન લોન્ચ કર્યો છે. નવા પ્રીપેડ પ્લાન હેઠળ ગ્રાહકોને 351 રૂપિયામાં 56 દિવસની વેલિડિટી અને સાથે જ 100 જીબી ડેટા મળશે.
વોડાફોનના ગ્રાહકો માટે જોરદાર પ્લાન
ઓછી કિંમતમાં મેળવો વધુ ડેટા
સાથે જ લાંબી વેલિડિટીની સુવિધા મેળવો
વોડાફોન આઈડિયાના આ પ્લાનમાં ગ્રાહતોને અનલિમિટેડ ડેટા વાપરવાની છૂટ મળશે. કંપની મુજબ આ પ્લાન કોરોનાકાળમાં સ્ટડીઝ ફ્રોમ હોમ કરી રહેલાં સ્ટૂડન્ટ્સ, વર્ક ફ્રોમ હોમ કરી રહેલાં કર્મચારીઓ, મહિલાઓ અને બાળકોના એન્ટરટેનમેન્ટને ધ્યાનમાં રાખી લોન્ચ કરવામમાં આવ્યો છે.
ગ્રાહકોની જરૂરને ધ્યાનમાં રાખી પ્લાન લોન્ચ કર્યો
વોડાફોન આઈડિયાના પ્રવક્તાએ જણાવ્યું કે કંપની ડિજિટલ ગ્રાહકોની જરૂરિયાતો અનુસાર પ્લાન રજૂ કરવા માટે સતત પ્રયાસ કરી રહી છે. લોકડાઉન પછીની દુનિયામાં ઓનલાઇન કાર્ય ઝડપથી આગળ વધી રહ્યું છે. વીડિયો કોલિંગથી લઈને ઓનલાઇન સ્કૂલ, શોઝ, ઓનલાઇન વીડિયો જોવા એ લોકોની પસંદ બની ગયું છે. જ્યારે આઈપીએલની શરૂઆત પછી લોકો કલાકો સુધી ડેટાનો સતત ઉપયોગ કરે છે. કંપની ઈચ્છતી નથી કે તેના ગ્રાહકો આઈપીએલની કોઈ પણ એક્શન મિસ કરે. તેમણે વિશ્વાસ વ્યક્ત કર્યો કે નવા પ્લાનને કારણે ગ્રાહકોને ડેટા ખતમ થવાની ચિંતા રહેશે નહીં.
પહેલાં કરતાં સારી સ્પીડ
નવા ડેટા સાથે વીઆઇએ ગીગાનેટ (GIGAnet) લોન્ચ કરવાની પણ જાહેરાત કરી છે. કંપનીનો દાવો છે કે ભારતનું સૌથી મોટું 4જી નેટવર્ક 5 જી આર્કિટેક્ચરના ઘણાં સિદ્ધાંતો પર વિકસિત છે, જે વધુ સારું નેટવર્ક ઉપલબ્ધ કરવામાં મદદ કરશે. યૂટ્યુબ, નેટફ્લિક્સ, ડિઝની પ્લસ હોટસ્ટાર પર વીડિયો જોતી વખતે અથવા ઝૂમ, ગૂગલ મીટ અથવા અન્ય એપ્લિકેશન્સ પર વીડિયો કોલ્સ કરતી વખતે આની સ્પીડમાં વધારો થવાની અપેક્ષા છે. લંડન સ્થિત નેટવર્ક એનાલિટિક્સ ફર્મ ઓપન સિગ્નલના તાજેતરના અહેવાલ મુજબ, વીઆઈએ અપલોડ સ્ક્રીન એક્સપિરિયન્સ એવોર્ડ 3.5 એમબીપીએસના સ્કોર સાથે જીત્યો છે.