ભરતી / 11,588 પદ માટે ભરતી જાહેર, કઈ અને ક્યારે થશે ઓનલાઈન અરજી? એક ક્લિકમાં જાણો

લાંબા સમયથી રેલવેની ભરતીની રાહ જોઈ રહેલા ઉમેદવારોની રાહ આખરે પૂરી થઈ છે. RRB NTPC ભરતી માટેની સૂચના બહાર પાડવામાં આવી છે. ભારતીય રેલવેમાં નોકરી મેળવવાની આ એક સુવર્ણ તક છે. જે ઉમેદવારો આ પોસ્ટ્સ માટે અરજી કરવા માંગે છે તેઓ એપ્લિકેશન લિંક ખુલ્યા પછી અરજી કરી શકે છે. અમે અહીં આ ખાલી જગ્યાઓ સંબંધિત મહત્વપૂર્ણ માહિતી શેર કરી રહ્યા છીએ. ઉલ્લેખનીય છે કે હજુ માત્ર નોટિસ બહાર પાડવામાં આવી છે, અરજી માટેની લિંક સક્રિય કરવામાં આવી નથી.

8113 જગ્યાઓ ભરવામાં આવશે

RRB NTPC ભરતી દ્વારા સ્નાતક અને અંડરગ્રેજ્યુએટ પોસ્ટ માટે ખાલી જગ્યા બહાર પાડવામાં આવી છે. ગ્રેજ્યુએટ કેટેગરી હેઠળ કુલ 8113 જગ્યાઓ ભરવામાં આવશે. અંડરગ્રેજ્યુએટ કેટેગરીમાં કુલ 3445 જગ્યાઓ ભરવામાં આવશે. લાયકાત ધરાવતા ઉમેદવારોને કુલ 11588 જગ્યાઓ પર નિયુક્ત કરવામાં આવશે. બંનેની નોંધણીની તારીખો પણ અલગ-અલગ છે.

તમે કઈ પોસ્ટ માટે ક્યારે અરજી કરી શકો છો?

RRB NTPC ગ્રેજ્યુએટ પોસ્ટ્સ માટેની અરજી લિંક 14 સપ્ટેમ્બર 2024ના રોજ ખુલશે અને 13 ઓક્ટોબર 2024 સુધી ખુલ્લી રહેશે. જ્યારે અંડરગ્રેજ્યુએટ એટલે કે 10+2 કેટેગરીની અરજી લિંક 21 સપ્ટેમ્બર 2024ના રોજ ખુલશે અને 20 ઓક્ટોબર 2024 સુધી ખુલ્લી રહેશે. ઉમેદવારોએ આ સમયગાળા દરમિયાન જ અરજી કરી શકશે

કોણ અરજી કરી શકે છે ?

RRB NTPCની સ્નાતકની ખાલી જગ્યા માટે અરજી કરવા માટે, તે જરૂરી છે કે ઉમેદવારે માન્ય યુનિવર્સિટીમાંથી સ્નાતકની ડિગ્રી પ્રાપ્ત કરી હોય. આ સાથે, અંડરગ્રેજ્યુએટ ખાલી જગ્યા માટે તે જરૂરી છે કે ઉમેદવારે માન્ય બોર્ડમાંથી 10 + 2 પરીક્ષા પાસ કરી હોય. સ્નાતકની ખાલી જગ્યા માટે વય મર્યાદા 18 થી 36 વર્ષ છે અને અંડરગ્રેજ્યુએટ ખાલી જગ્યા માટે વય મર્યાદા 18 થી 33 વર્ષ છે.

ફોર્મ ક્યાં ભરવું ?

અરજીઓ માત્ર ઓનલાઈન હશે, આ માટે ઉમેદવારોએ તેમના પ્રદેશની વેબસાઈટની મુલાકાત લેવાની રહેશે. ઉમેદવારો પ્રાદેશિક આરઆરબીની વેબસાઇટની મુલાકાત લઈને અરજી કરી શકે છે. જ્યારે એપ્લિકેશન લિંક ખુલશે ત્યારે આ થશે.

પસંદગી કેવી રીતે થશે?

આ પદો પર પસંદગી અનેક સ્તરની પરીક્ષાઓ પાસ કર્યા બાદ કરવામાં આવશે. આમાં સીબીટી ટેસ્ટ સ્ટેજ 1 પહેલા લેવામાં આવશે. આ પછી CBT સ્ટેજ 2 ટેસ્ટ થશે. આગળનો તબક્કો ટાઈપિંગ સ્કીલ ટેસ્ટ/કોમ્પ્યુટર-આધારિત એપ્ટિટ્યુડ ટેસ્ટ (પોસ્ટ પર આધાર રાખીને) હશે, ત્યારબાદ ડોક્યુમેન્ટ વેરિફિકેશન અને છેલ્લે મેડિકલ એક્ઝામિનેશન. એક સ્ટેજ પાસ કરનાર જ આગળના સ્ટેજ પર જશે અને પસંદગી માટે તમામ સ્ટેજ પાસ કરવા જરૂરી છે.

આ પણ વાંચોઃ 24 કલાકમાં 6 રાશિના જાતકોના 'અચ્છે દિન' શરૂ, 'બુધ' કરાવશે છપ્પરફાડ લાભ

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ