ટેટ 1 અને ટેટ 2ના ઉમેદવારો માટે મહત્વના સમાચાર; પરીક્ષા માટેના ફોર્મ ભરવાની મુદતમાં કરાયો વધારો, હવે ઉમેદવારો 31 ડિસેમ્બર સુધી કરી શકશે અરજી
ટેટ 1 અને ટેટ 2ના ઉમેદવારો માટે મહત્વના સમાચાર
પરીક્ષા માટેના ફોર્મ ભરવાની મુદતમાં કરાયો વધારો
હવે ઉમેદવારો 31 ડિસેમ્બર સુધી કરી શકશે અરજી
ટેટ 1 અને ટેટ 2ના ઉમેદવારો માટે મહત્વના સમાચાર સામે આવ્યા છે. પરીક્ષા માટેના ફોર્મ ભરવાની મુદતમાં વધારો કરવામાં આવ્યો છે. હવે ઉમેદવારો 31 ડિસેમ્બર સુધી અરજી કરી શકશે તેમને જણાવી દઈએ કે, અગાઉ ફોર્મ ભરવાની આખરી તારીખ 5 ડિસેમ્બર હતી.
અગાઉ ફોર્મ ભરવાની આખરી તારીખ 5 ડિસેમ્બર હતી
અગાઉ શિક્ષણ મંત્રીએ જણાવ્યું હતું કે, મને એવું લાગે છે કે આ વખતે 3.5 લાખથી વધુ ઉમેદવારો આ પરીક્ષા માટે અરજી કરશે. 17 ઓક્ટોબરના રોજ જાહેરનામું પ્રસિદ્ધ કર્યું હતુ. 18 ઓક્ટોબરના રોજ વર્તમાન પત્રોમાં કસોટીની જાહેરાત પ્રસિદ્ધ થઈ હતી. ઉમેદવારો 21 ઓક્ટોબર, 2022થી 5 ડિસેમ્બર, 2022 સુધી ઓનલાઈન ફોર્મ ભરવાની મુદ્દત અપાઈ હતી જે વધારવામાં આવી છે અને હવે 31 ડિસેમ્બર કરવામા આવી છે. ઉમેદવારો નેટ બેકિંગ દ્વારા ઓનલાઈન 31 ડિસેમ્બર સુધી ફી ભરી શકશે. પરીક્ષાની સંભવિત તારીખો પણ આ સમગ્ર પ્રક્રિયા પૂર્ણ થયા બાદ અમે જાહેર કરાશે. આ પરીક્ષા રાજ્ય પરીક્ષા બોર્ડ લેવામાં આવશે.
દિવ્યાંગ વિદ્યાર્થીઓ સાથે જોડાયેલી સંસ્થાઓમા ભરતી પ્રક્રિયા ઝડપી થશે
અત્રે ઉલ્લેખનીય છે કે, શિક્ષક અને શિક્ષણ સહાયકની ભરતીમાં ગુજરાત સરકારે મહત્વનો નિર્ણય કર્યો હતો. જેમાં દિવ્યાંગ વિદ્યાર્થીઓને શિક્ષણમાં સરળતા રહે તે મોટી જાહેરાત કરવામાં આવી હતી. અગાઉ શિક્ષણમંત્રીએ જણાવ્યું હતું કે, તજજ્ઞ સમિતિ દ્વારા સૂચવેલ સુધારા મુજબદિવ્યાંગ વિદ્યાર્થીઓ સાથે જોડાયેલી સંસ્થાઓમા ભરતી પ્રક્રિયા ઝડપી થશે. આપને જણાવી દઈએ કે સરકારના આ નિર્ણયથી દિવ્યાંગને ભણાવવા માટે શિક્ષકને જરૂરિયાત મુજબ તાત્કાલિક ખાલી જગ્યામાં ભરી દેવામાં આવશે. જેનો ફાયદો દિવ્યાંગોને ઝડપી અને સારા શિક્ષણના રૂપમાં થશે. રાજ્યની મા.અને ઉ.મા.શાળાઓમા શિક્ષક/શિક્ષણ સહાયકની ભરતી માટે તજજ્ઞ સમિતિ દ્વારા સૂચવેલ સુધારા કરાયા,જેથી દિવ્યાંગ વિદ્યાર્થીઓ સાથે જોડાયેલ સંસ્થાઓમા શિક્ષકોની ભરતી પ્રક્રિયા ઝડપી થશે,દિવ્યાંગ વિદ્યાર્થીઓને દિવ્યાંગતાની કેટેગરી મુજબ શિક્ષણકાર્ય કરાવે તેવા વિશિષ્ટ શિક્ષકો ઉપલબ્ધ થશે