પ્રાદેશિક ભાષાઓમાં એન્જિનિયરિંગનો અભ્યાસ શરૂ કર્યા બાદ હવે અંગ્રેજીની સાથે પ્રાદેશિક ભાષાઓમાં પણ મેડિકલ અભ્યાસ પર વિચાર કરવામાં આવી રહ્યો છે.
અંગ્રેજીની સાથે પ્રાદેશિક ભાષાઓમાં પણ મેડિકલ અભ્યાસ પર વિચાર કરવામાં આવી રહ્યો
ક્ષેત્રિય ભાષાઓમાં પણ એન્જિનિયરિંગનો અભ્યાસ થઈ રહ્યો છે.
ગ્રામીણ ક્ષેત્રમાંથી આવતા વિદ્યાર્થીઓને સંપૂર્ણ રીતે અંગ્રેજીમાં શિક્ષણ મેળવવું મુશ્કેલ
નેશનલ મેડિકલ કમિશન (NMC)ની તાજેતરની બેઠકમાં અંગ્રેજીની સાથે પ્રાદેશિક ભાષાઓમાં પણ મેડિકલ અભ્યાસ પર ચર્ચા કરવામાં આવી છે. આ બેઠકમાં તૈયાર કરાયેલ ચર્ચાનો ડ્રાફ્ટ વિવિધ પક્ષોના મંતવ્યો જાણવા માટે બહાર પાડવામાં આવ્યો છે. NMC ની રચના પહેલા MCI અસ્તિત્વમાં હતી. ત્યારે તેણે અટલ બિહારી વાજપેયી યુનિવર્સિટીના હિન્દીમાં મેડિકલ કોર્સ શરૂ કરવાના પ્રસ્તાવને ફગાવી દીધો હતો. જો કે હવે આ મુદ્દે કવાયત નવી રીતે શરૂ થતી જોવા મળી રહી છે.
ડ્રાફ્ટમાં તબીબી શિક્ષણ અંગ્રેજીની સાથે સ્થાનિક ભાષામાં થવું જોઈએ તે અંગે ચર્ચા કરાઈ
સૂત્રોના જણાવ્યા અનુસાર, ડ્રાફ્ટ ચર્ચામાં કહેવામાં આવ્યું છે કે બેઠકમાં મેડિકલ એજ્યુકેશનને બે ભાષાઓમાં શરૂ કરવાનો નવો પ્રસ્તાવ આવ્યો છે. મતલબ કે તબીબી શિક્ષણ અંગ્રેજીની સાથે સ્થાનિક ભાષામાં શરૂ થવું જોઈએ. દેશના જુદા જુદા ભાગોમાં તે અલગ હોઈ શકે છે. ઉદાહરણ તરીકે, ઓડિશામાં અંગ્રેજી સાથે ઓડિયા, ઉત્તર પ્રદેશમાં અંગ્રેજી સાથે હિન્દી અને તમિલનાડુમાં અંગ્રેજી સાથે તમિલ ભાષા હોઈ શકે છે. આનાથી વિદ્યાર્થીઓને રાજ્ય સ્તરે તબીબી શિક્ષણનો અભ્યાસ કરવામાં સરળતા રહેશે, કારણ કે એવું જોવામાં આવ્યું છે કે ગ્રામીણ વાતાવરણમાંથી આવતા વિદ્યાર્થીઓને પ્રારંભિક તબક્કામાં સંપૂર્ણ રીતે અંગ્રેજીમાં તબીબી શિક્ષણ મેળવવું મુશ્કેલ બને છે. આ પગલાથી પ્રાદેશિક ભાષાઓને પણ પ્રોત્સાહન મળશે.
ક્ષેત્રિય ભાષાઓમાં પણ એન્જિનિયરિંગનો અભ્યાસ થઈ રહ્યો છે.
તેમને જણાવી દઈએ કે, થોડા સમય પહેલી AICTEએ હિન્દી સહિત અન્ય પ્રાદેશિક ભાષાઓમાં એન્જિનિયરિંગ અભ્યાસ શરૂ કરવાની જાહેરાત કરી છે. ઘણી એન્જિનિયરિંગ કોલેજોએ પણ આ સત્રથી તેની શરૂઆત કરી છે. NMC બે ભાષાઓમાં તબીબી અભ્યાસ શરૂ કરવાની દરખાસ્ત સાથે આગળ વધવામાં સક્ષમ છે કે કેમ તે પ્રતિસાદ પર ઘણો આધાર રાખે છે.જોકે, આ પ્રસ્તાવનો બહુ વિરોધ થવાની શક્યતા નથી, કારણ કે તેમાં અંગ્રેજી મુખ્ય ભાષા તરીકે હાજર રહેશે.