સુવિધા / SBIના ગ્રાહકો માટે મોટા સમાચાર, ઓનલાઈન ફ્રોડથી બચવા બેંકે નવું ફીચર લોન્ચ કર્યું, જાણો શું ફાયદો થશે

• SBIના ગ્રાહકો માટે કામના સમાચાર
• ઓનલાઈન ફ્રોડથી બચવા SBIએ લોન્ચ કર્યું નવું ફીચર
• SBIની યોનો એપમાં સુરક્ષિત રીતે કરી શકાશે ટ્રાન્ઝેક્શન

દેશની સૌથી મોટી બેંક ભારતીય સ્ટેટ બેંકએ ઓનલાઇન બેન્કિંગ સેવાને પહેલાં કરતા વધુ સુરક્ષિત બનાવવા માટે સુધારો કર્યો છે. ગ્રાહકોને ઓનલાઈન છેતરપિંડીથી બચાવવા માટે એસબીઆઈએ યોનો લાઈટ એપ બદલી છે. SBIના ચીફ ડિજિટલ ઓફિસર આશુતોષ કુમાર સિંહે કહ્યું કે આ માટે સિમ બાઈન્ડિંગ ફીચર લોન્ચ કરવામાં આવ્યું છે.

માત્ર એક ડિવાઈસથી કરી શકાશે લોગિન

સિંહે જણાવ્યું કે સિમ બાઈન્ડિંગ ફીચર 
એસબીઆઈના પ્લેટફોર્મ યોનો અને યોનો લાઈટ માટે લોન્ચ કરવામાં આવ્યું છે. આ નવી સુવિધા દ્વારા ગ્રાહકોને સુરક્ષિત ઓનલાઇન બેંકિંગનો અનુભવ મળશે. SBI એ કહ્યું કે હવે તેની સાથે ઓનલાઈન બેંકિંગ પહેલાં કરતા વધુ સુરક્ષિત બની ગઈ છે. આ માટે ગ્રાહકોએ લેટેસ્ટ યોનો લાઈટ એપ ડાઉનલોડ કરવી પડશે. સિમ બાઇન્ડિંગ સુવિધા દ્વારા સિંગલ ડિવાઇસ લોગિન રજિસ્ટર્ડ મોબાઇલમાંથી માત્ર એક જ ડિવાઈસપર કરી શકાય છે. આ સાથે ઓનલાઈન બેંકિંગ સેવા પહેલાં કરતા વધુ સુરક્ષિત બની ગઈ છે. એપને અપડેટ કરવાની સાથે ગ્રાહકોએ વન ટાઈમ રજિસ્ટ્રેશન પ્રક્રિયા પણ પૂર્ણ કરવી પડશે.

આ રીતે એસબીઆઈ યોનો લાઈટ એપને એક્ટિવેટ કરો

ગૂગલ પ્લે સ્ટોર પરથી એસબીઆઇ યોનો લાઇટ એપ ડાઉનલોડ કરો અને રજિસ્ટર્ડ મોબાઇલ નંબર પસંદ કરો. આ પછી તમારી સ્ક્રીન પર એક મેસેજ આવશે. આમાં તમારે Proceed પર ક્લિક કરવાનું રહેશે. પછી એક SMS આવશે, જેમાં આપેલો કોડ દાખલ કરો. તે પછી સ્ક્રીન પર તમારું નામ અને પાસવર્ડ એન્ટર કરો. પછી ટર્મ એન્ડ કન્ડીશન સ્વીકાર્યા પછી ઓકે પર ક્લિક કરો. આ પછી તમને એક એક્ટિવેશન કોડ મળશે. આ કોડ 30 મિનિટ માટે સક્રિય રહેશે. એપ્લિકેશનમાં આ કોડ દાખલ કર્યા પછી, એક્ટિવેશન પ્રક્રિયા પૂર્ણ થશે. આ પછી તમે YONO લાઇટ એપનો ઉપયોગ કરી શકશો.