પેટ્રોલની કિંમત 100રૂ.થી પણ ઉપર જતી રહી છે અને આવું પહેલી વાર થયુ છે કે ઇંધણના ભાવ આ રીતે વધ્યા છે.
પેટ્રોલ ડિઝલના ભાવ ઘટશે?
સરકાર લઇ શકે છે મોટો નિર્ણય
નિર્મલા સિતારમણે કહ્યું GST હેઠળ આવશે
નાણામંત્રી નિર્મલા સિતારમણે પેટ્રોલિયમ પ્રોડક્ટને GST હેઠળ લાવવાની વાત કરી છે. રિઝર્વ બેઁકના ગવર્નર શક્તિકાંતા દાસ ટેક્સ ઘટાડવાની સલાહ આપી રહ્યાં છે. તો પેટ્રોલિયમ મંત્રી ધર્મેન્દ્ર પ્રધાન OPEC દેશોથી ક્રુડ સપ્લાયમાં ઘટાડો કરવાની માગ કરી રહ્યાં છે.
સરકાર ઘટાડશે એક્સાઇઝ ડ્યુટી
સુત્રોના જણાવ્યા અનુસાર નાણામંત્રાલય પેટ્રોલ-ડિઝલ દ્વારા વધેલી મોંઘવારીમાં રાહત આપવા માટે હવે એક્સાઇઝ ડ્યુટીમાં ઘટાડો કરવા પર વિચાર કરી રહી છે. સરકારથી જોડાયેલા ત્રણ અધિકારીઓએ આ વાતની જાણકારી આપી છે. ભારત દુનિયાનો ત્રીજા નંબરનો સૌથી મોટો કાચુ તેલ ઇમ્પોર્ટ કરનાર દેશ છે. ગ્લોબલ માર્કેટમાં ગયા 10 મહિનામાં કાચા તેલની કિંમત બેગણી થઇ ગઇ છે. જેનાથી દેશમાં પેટ્રોલ ડિઝલના રિટેલ પ્રાઇસમાં 60 ટકા હિસ્સો ટેક્સ અને ડ્યુટીનો હોય છે જે સરકાર વસુલે છે.
પેટ્રોલ-ડિઝલના ટેક્સ પર રાજ્યોથી કેન્દ્રની ચર્ચા શરૂ
જ્યારે કોરોના વાયરસ મહામારીએ દેશની આર્થિક રફ્તાર પર બ્રેક લગાવી ત્યારે સરકારે ગયા વર્ષે સસ્તા કાચા તેલના ફાયદા લોકોને આપવાની જગ્યાએ પોતાનો ટેક્સ રેવન્યુ વધારવા માટે 12 મહિનાની અંદર જ પેટ્રોલ ડિઝલ એક્સાઇઝ ડ્યુટીમાં બે વાર વધારો કર્યો. સુત્રોના જણાવ્યા અનુસાર હવે નાણા મંત્રાલયે આ વાત પર વિચાર વિમર્શ કરવાનું શરૂ કરી દીધુ છે. એક સુત્રના જણાવ્યા અનુસાર અમે આ વાત પર વિચાર કરી રહ્યાં છીએ કે કેવી રીતે કિંમતોને સ્થિર રાખવામાં આવે. અમે આ મુદ્દે માર્ચના મધ્ય સુધી કોઇ નિર્ણય પર પહોંચવાનો પ્રયત્ન કરીશું.
કિંમત સ્થિર થયા બાદ ટેક્સમાં ઘટાડો
સૂત્રો દ્વારા મળેલી માહિતી અનુસાર ટેક્સમાં ઘટાડા પહેલા સરકાર તેલની કિંમત સ્થિર થવાની રાહ જોઇ રહી છે. કારણકે સરકાર ટેક્સ સ્ટ્રક્ચરને ફરીથી બદલવા માંગતી નથી. નાણા મંત્રી નિર્મલા સિતારમણે કહ્યું કે હું તે વાત પાક્કાપાયે નહી કહી શકુ કે પેટ્રોલના ભાવમાં ઘટાડો ક્યારે થશે પરંતુ કેન્દ્ર અને રાજ્યોમાં ટેક્સ ઘટાડવા પર વાતચીત થશે.
OPEC+ ની બેઠક બાદ નિર્ણય
પેટ્રોલ ડિઝલની કિંમત ઓછી કરવા માટે કેટલાક રાજ્યોએ પોતાના ટેક્સમાં ઘટાડો કર્યો છે. એક બીજા સુત્રએ જણાવ્યું કે ઘટાડાનો નિર્ણય OPEC અને બીજા તેલ ઉત્પાદર દેશોની આગળની બેઠક બાદ થશે. આ બેઠક 4 માર્ચના રોજ થવાની સંભાવના છે.