કોરોનાની 'જંગ' / કોરોના સામેની જંગમાં ભારત માટે મોટા સમાચાર, આ મિત્ર દેશની સફળ વૅક્સિનને અપાઈ ટ્રાયલની મંજૂરી

• રશિયાની SPUTNIK V ને ભારતમાં ટ્રાયલ માટે મળી મંજૂરી 
• ફાર્મા કંપની ડો. રેડ્ડીઝ લેબોરેટરી શરુ કરશે માનવ પરીક્ષણો
• રશિયાની SPUTNIK V દુનિયાની પહેલી રજિસ્ટર્ડ વેક્સિન  

હૈદરાબાદ સ્થિત ફાર્માસ્યુટિકલ કંપનીએ 13 ઓક્ટોબરે ફરીથી એક વાર ડ્રગ્સ કંટ્રોલર જનરલ ઓફ ઈન્ડિયા ( DCGI ) ને અરજી કરી હતી અને દેશમાં રશિયન કોરોના રસી SPUTNIK V ના બીજા અને ત્રીજા તબક્કાના એક સાથે માનવીય પરીક્ષણો માટે મંજૂરી માંગી હતી. 

DCGI એ આપી હતી મંજૂરી 

સૂત્રોના જણાવ્યા અનુસાર, શુક્રવારે કોરોના પરની વિષય નિષ્ણાત સમિતિ એ ખૂબ વિચાર-વિમર્શ કર્યા પછી સંભવિત રસીના બીજા તબક્કાની તપાસ કરવાની મંજૂરી આપવાની ભલામણ કરી છે. બીજા તબક્કાની સલામતી અને પ્રતિરક્ષા સંબંધિત ડેટા રજૂ કર્યા પછી બીજા તબક્કામાં માનવ પરીક્ષણને મંજૂરી મળશે.

 SPUTNIK V ની રસી RDIF અને ગમેલ્યા રાષ્ટ્રીય સંશોધન કેન્દ્ર રોગશાસ્ત્ર અને માઇક્રોબાયોલોજી દ્વારા સંયુક્ત રીતે વિકસાવવામાં આવી છે. રશિયા એ SPUTNIK V ને કોરોના વાયરસની પ્રથમ રસી, વિશ્વભરમાં પ્રથમ કોરોના રસીની મંજૂરી આપી હતી. આ પછી, રશિયાએ 14 ઓક્ટોબરના રોજ બીજી કોરોના રસી એપિવાકકોરોનાને મંજૂરી આપી છે.

ડો. રેડ્ડીઝ લેબોરેટરીઝ  કંપની સાથે થઈ હતી સમજૂતી 

ભારતમાં કોરોના રસી ની ઉત્પાદન ક્ષમતાને જોતાં વિશ્વના ઘણા દેશો ભારત સાથે રસી ઉત્પાદન ક્ષેત્રે સહયોગ વધારવા ધારે છે અને રશિયા પણ તેમ કરવા ઉત્સુક હતું તેથી ભારત સ્થિત ફાર્મા કંપની ડો. રેડ્ડીઝ લેબોરેટરીઝ સાથે તેણે ટાઈઅપ કર્યું હતું અને હવે આજ કંપની ભારત માં તેના ટ્રાયલ્સ કરાવશે અને મંજૂરી મળ્યા બાદ તેનું પ્રોડક્શન અને વિતરણ પણ સંભાળશે.