નિર્ણય / ST બસમાં મુસાફરી કરવાના હોવ તો ટિકિટ લઈ લેજો, 8 કલાક બંધ રહેવાનું છે બુકિંગ; જાણો સમય

• આજે રાત્રે ગુજરાત STનું બુકિંગ રહેશે બંધ 
• આજે રાત્રે 11થી સવારે 7 સુધી બંધ રહેશે
• એપ્લિકેશનના મેન્ટેનન્સ કામના લીધે લેવાયો નિર્ણય 

ST બસને ગુજરાતની જીવાદોરી સમાન ગણવામાં આવે છે. તેમાં દરરોજ હજારો લાખો લોકો મુસાફરી કરતા હોય છે. ત્યારે ગુજરાત એસટી બસમાં મુસાફરી કરવા એડવાન્સ ટિકિટ બુકિંગ કરાવનાર મુસાફરો માટે કામના સમાચાર સામે આવ્યા છે. આજે રાત્રે 11 વાગ્યા બાદ એસ.ટી બસની ઓનલાઈન ટિકિટ બુકિંગ કરાવવા પર મુસાફરને સમસ્યાનો સામનો કરવો પડી શકે છે. 

ટિકિટ બુકિંગ 8 કલાક સુધી બંધ રાખવાનો નિર્ણય 
વાસ્તવમાં વેબસાઈટ એપ્લિકેશનના મેન્ટેનન્સને લઈ આજે ઓનલાઈન ટિકિટ બુકિંગ 8 કલાક સુધી બંધ રાખવાનો નિર્ણય લેવામાં આવ્યો છે. એટલે કે 21 ફેબ્રુઆરીએ રાત્રે 11થી 22 ફેબ્રુઆરી સવારે 7 કલાક સુધી ઓનલાઇન બુકિંગની સુવિધા બંધ રહેશે.

એસટી નિગમે કરી જાહેરાત
એસટી નિગમ દ્વારા જણાવવામાં આવ્યું છે કે, વેબસાઈટ, મોબાઇલ એપ્લિકેશન, ફ્રેન્ચાઇઝી અને સ્ટેશન પરના કાઉન્ટર પર ઓનલાઈન ટિકિટ બુકિંગની સુવિધા બંધ રહેશે. વેબસાઈટ એપ્લિકેશનના મેન્ટેનન્સ કામના કારણે આ નિર્ણય લેવામાં આવ્યો છે. 

એપ્લિકેશનના મેન્ટેનન્સને લઈને લેવાયો નિર્ણય
આજે રાત્રે 11 વાગ્યાથી આવતીકાલે સવારે 7 વાગ્યા સુધી મુસાફરો GSRTCની વેબસાઈટ અથવા એપ્લિકેશન પર ઓનલાઈન ટિકિટ બુકિંગ કરાવી શકશે નહીં. જેથી જે મુસાફરોને  ઓનલાઈન ટિકિટ બુકિંગ કરાવવી હોય તો તેઓ આજે રાત્રે 10 વાગ્યા સુધીમાં ટિકિટ બુક કરાવી શકશે. જે બાદ એડવાન્સ ટિકિટ બુક કરવવા માટે મુસાફરોને તકલીફ પડી શકે છે.