ખુશખબર / ગુજરાતના ક્રિકેટપ્રેમીઓ માટે મોટા સમાચાર, IPLમાં આગામી સીઝનથી આ શહેરની 9મી ટીમ હોઈ શકે

• અમદાવાદની ટીમ હોઇ શકે IPLનો હિસ્સો
• બીસીસીઆઇના અધ્યક્ષે નથી કરી સ્પષ્ટતા 

રિપોર્ટ અનુસાર પહેલાથી જ બીસીસીઆઇના અધિકારીઓ ફ્રેન્ચાઇઝીના સંપર્કમાં છે. મળતી માહિતી અનુસાર એક મોટી નીલામીની યોજના બનાવવામાં આવી રહી છે, કારણકે આગલી સિઝનમાં એક નવી ટીમની એન્ટ્રી થઇ રહી છે, 14મી સિઝનમાં 8ની જગ્યાએ 9 ટીમ હશે. 

કહેવામાં આવી રહ્યું છે કે કોરોના વાયરસના કારણે આવેલ નાણાકીય નુકસાનને સરભર કરવા માટે 9મી ટીમ લેવામાં આવશે. આ ટીમ અમદાવાદથી જોડાયેલી હશે પરંતુ બીસીસીઆઇના અધ્યક્ષ સૌરવ ગાંગુલીએ 2021 આઅપીએલને લઇને કોઇ સ્પષ્ટતા નથી કરી. 

આઇપીએલ 2020નો ફાઇનલ મુકાબલો ખુબ જ શાનદાર રહ્યો હતો. મુંબઇએ દિલ્હીને 5 વિકેટથી હરાવીને પાંચમી વાર ટ્રોફી પોતાને નામ કરી દીધી હતી. મુંબઇએ 157 રનના લક્ષ્યને આસાનીથી હાસિલ કરી લીધુ હતુ.