7th Pay Commission / કેન્દ્રીય કર્મચારીઓને મળશે મોટી ભેટ, DA Arrear ને લઈને આવ્યા મોટા સમાચાર

• કેન્દ્રીય કર્મચારીઓ માટે સારા સમાચાર
• ડીએની બાકી રકમનું વન ટાઈમ પેમેન્ટ 
• DA Arrear માં 31%નો વધારો 

કેન્દ્રીય કર્મચારીઓનું મોંઘવારી ભથ્થું વધારીને 31 ટકા કરવામાં આવ્યું છે. તેનો અમલ 1લી જુલાઈથી કરવામાં આવ્યો છે. આનો અર્થ એ થયો કે સરકાર તેના કર્મચારીઓને 4 મહિનાનું DA Arrear પણ આપશે. જોકે, 18 મહિનાથી પેન્ડિંગ રહેલા મોંઘવારી ભથ્થાના એરિયરનો નિર્ણય હજુ લેવામાં આવ્યો નથી. એવું માનવામાં આવે છે કે ક્રિસમસ અને નવા વર્ષ પહેલા ડિસેમ્બર મહિનામાં કેન્દ્રીય કર્મચારીઓના ડીએ એરિયર્સ પર પણ નિર્ણય લેવામાં આવી શકે છે.

 31 ટકા ડીએ ઉપરાંત ઘણા મોટા લાભો

જણાવી દઈએ કે 7મા પગાર પંચ હેઠળ કેન્દ્ર સરકારે કેન્દ્રીય કર્મચારીઓને 31 ટકા ડીએ ઉપરાંત ઘણા મોટા લાભો આપ્યા છે.
જો કે ડીએની બાકી રકમનો મામલો 18 મહિનાથી પેન્ડિંગ છે. નેશનલ કાઉન્સિલ ઓફ જોઈન્ટ કન્સલ્ટેટિવ ​​મશીનરી (JCM) ના સેક્રેટરી શિવ ગોપાલ મિશ્રાએ જણાવ્યું હતું કે કાઉન્સિલે સરકાર સમક્ષ માંગણી કરી છે કે ડીએને પુનઃસ્થાપિત કરતી વખતે 18 મહિનાથી પેન્ડિંગ ડીએની બાકી રકમનું વન ટાઈમ સેટલમેન્ટ પણ કરવામાં આવે. એવી અપેક્ષા રાખવામાં આવે છે કે ડિસેમ્બર મહિનામાં ડીએના બાકીના મુદ્દે કેબિનેટ સચિવ સાથે ચર્ચા થઈ શકે છે.

ડીએની બાકી રકમનું વન ટાઈમ પેમેન્ટ 

ઉલ્લેખનીય છે કે નાણા મંત્રાલય, કર્મચારી અને તાલીમ વિભાગ અને ખર્ચ વિભાગના અધિકારીઓ સાથે જોઈન્ટ કન્સલ્ટેટિવ ​​મશીનરી (JCM)ની બેઠક થશે. આમાં, ડીએની બાકી રકમની એકસાથે ચુકવણીની ચર્ચા થવાની સંભાવના છે. જોકે, થોડા સમય પહેલા પેન્શનરોએ આ મામલે વડાપ્રધાન નરેન્દ્ર મોદીના હસ્તક્ષેપની માંગ કરી હતી. ત્યારે સરકારે વિચાર કરવાની ખાતરી આપી હતી.

કેટલું મળશે DA Arrear?
નેશનલ કાઉન્સિલ ઓફ જોઈન્ટ કન્સલ્ટેટિવ ​​મશીનરી ( JCM ) ના સેક્રેટરી શિવ ગોપાલ મિશ્રાના જણાવ્યા અનુસાર, લેવલ-1ના કર્મચારીઓનું DA એરિયર્સ રૂ. 11,880 થી રૂ. 37 હજારની વચ્ચે હશે. 
સાથે લેવલ-13ના કર્મચારીઓને ડીએ એરિયર્સ તરીકે 1 લાખ 44 હજાર 200 રૂપિયાથી 2 લાખ 18 હજાર 200 રૂપિયા મળશે. સંસદના ચોમાસુ સત્રમાં કેન્દ્ર સરકારે સ્પષ્ટ કર્યું કે મોંઘવારી ભથ્થું (DA) ફરી રજૂ કરવામાં આવી રહ્યું છે.