ગુજરાત પબ્લિક સર્વિસ કમિશને 7 પરીક્ષાઓનું કેલેન્ડર જાહેર કર્યું છે. જે મુજબ GPSC વર્ગ-1 અને વર્ગ-2ની પરીક્ષા 8 જાન્યુઆરી 2023ના રોજ યોજાશે.
GPSC દ્વારા પરીક્ષાનું કેલેન્ડર જાહેર
8 જાન્યુઆરી 2023ના રોજ વર્ગ-1 અને 2ની પરીક્ષા
ઇજનેરી સેવાની પરીક્ષા 5 ફેબ્રુઆરીએ લેવાશે
સ્પર્ધાત્મક પરીક્ષાની તૈયારી કરતા ઉમેદવારો માટે મહત્વના સમાચાર સામે આવ્યા છે. ગુજરાત જાહેર સેવા પસંદગી મંડળ દ્વારા આગામી નવા વર્ષ 2023માં યોજાનારી પરીક્ષાઓનું કેલેન્ડર જાહેર કરવામાં આવ્યું છે. ગુજરાત જાહેર સેવા આયોગ દ્વારા 8 જાન્યુઆરીથી પાંચ ફેબ્રુઆરી સુધીમાં વિવિધ જગ્યાઓ માટેની પ્રાથમિક કસોટીઓ લેવામાં આવશે.
જાન્યુઆરી અને ફેબ્રુઆરી મહિનામાં યોજાશે પરીક્ષાઓ
મળતી માહિતી પ્રમાણે, જીપીએસસી દ્વારા આગામી બે મહિનામાં સાત પરીક્ષાની પ્રિલીમનું કેલેન્ડર જાહેર કરવામાં આવ્યું છે. જેમાં કાયદા અધિકારી, ક્યૂરેટર, ગુજરાતી ઇજનેરી સેવા, હિસાબી અધિકારી, આચાર્ય વર્ગ 2ની પરીક્ષા લેવામાં આવશે. આ તમામ સાત પરીક્ષાઓ જાન્યુઆરી અને ફેબ્રુઆરી મહિનામાં યોજાશે.
GPSC દ્વારા પરીક્ષાઓનું કેલેન્ડર જાહેર
GPSCની વર્ગ-1 અને વર્ગ-2ની પરીક્ષા 8 જાન્યુઆરી 2023ના રોજ યોજાશે. જ્યારે કાયદા અધિકારી, ક્યૂરેટરની પરીક્ષા 22 જાન્યુઆરી 2023ના રોજ યોજાશે. તો ગુજરાત ઇજનેરી સેવાની પરીક્ષા પણ 22 જાન્યુઆરીના યોજાશે. હિસાબી અધિકારી, આચાર્ય વર્ગ-2, ઇજનેરી સેવાની પરીક્ષા 5 ફેબ્રુઆરીએ લેવાશે.