બોલીવૂડ / BIG NEWS: અભિનેત્રી નોરા ફતેહીને EDનું તેડું, જેક્લીન સાથે પણ પૂછપરછ, જાણો શું છે સમગ્ર મામલો

• બોલિવૂડ સેલેબ્સ પણ સુકેશ ચંદ્રશેખર મની લોન્ડરિંગ કેસમાં ફસાયેલા જોવા
• નોરા ફતેહી ED ઓફિસ પહોંચી
• પહેલા જેક્લીન સાથે થઈ હતી પૂછપરછ 

નોરા ફતેહી ED ઓફિસ પહોંચી

સુકેશ ચંદ્રશેખર કેસમાં જેક્લીન સિવાય નોરાનું કનેક્શન પણ સામે આવી રહ્યું હોવાના અહેવાલ છે. ઇડી આ સંબંધમાં તેની પૂછપરછ કરવા માંગે છે. અગાઉ જેકલિનને પણ પૂછપરછ માટે બોલાવવામાં આવી છે. એવું કહેવામાં આવ્યું છે કે સુકેશ દ્વારા જેકલીનને પણ ફસાવવાનો પ્રયાસ કરવામાં આવ્યો હતો. આ કારણોસર, અભિનેત્રી પાસેથી પણ સુકેશ વિશે પ્રશ્નો પૂછવામાં આવી રહ્યા છે.

શું છે સમગ્ર મામલો?

દિલ્હીની તિહાડ જેલમા બંધ સુકેશ ચંદ્ર શેખર 200 કરોડની છેતરપિંડીનો આરોપી છે અને આ મામલે આજે નોર ફતેહી સાથે પૂછપરછ કરવામાં આવી રહી છે. નોરાની સાથે સાથે EDએ ફરીથી જેક્લીનને પણ સમન પાઠવ્યું છે. સુકેશ નામક વ્યક્તિએ નોરા ફતેહી અને જેક્લીન સાથે છેતરપિંડી કરી હોવાનો આરોપ છે. 

પહેલા જેક્લીન સાથે થઈ હતી પૂછપરછ 

નોંધનીય છે કે આ જ કેસમાં જેક્લીન સાથે પહેલા પણ પૂછપરછ કરવામાં આવી હતી. પહેલા ED ને આશંકા હતી કે આ કેસમાં જેક્લીન પણ ષડયંત્રમાં સામેલ છે. જોકે બાદમાં સામે આવ્યું કે તે તો આ મામલામાં વિકટીમ છે. સુકેશ નામક આરોપીએ જેક્લીન સાથે પણ છેતરપિંડી કરી હતી. પૂછપરછમાં જેકલીને EDને ઘણી મહત્વપૂર્ણ જાણકારી શેર કરી હતી.