રાજનીતિ / પંજાબ કોંગ્રેસને લઈને મોટી ખબર, CM અમરિન્દર સામેના જંગમાં સિદ્ધુએ મારી 'બાજી', હાઈકમાન્ડે આવી રીતે કાઢ્યો 'તોડ'

• પંજાબ કોંગ્રેસ અધ્યક્ષ સુનીલ જાખડને મળ્યાં નવજોત સિંહ સિદ્ધુ
• ગળે લાગ્યા બન્ને નેતાઓ, રાજકારણ ગરમાયું, કેપ્ટન છાવણીમાં હલચલ
• કેપ્ટનની નારાજગી દૂરી કરવા માટે ચંદીગઢ પહોંચ્યા હરીશ રાવત 

બીજી બાજુ સીએમ અમરિન્દરને મનાવવા માટે કોંગ્રેસના સિનિયર નેતા હરીશ રાવત શનિવારે ચંદીગઢ પહોંચ્યા હતા. તેમણે કેપ્ટનને પાર્ટીની ફોર્મ્યુલા પર મનાવવાની કોશિશ કરી. અમરિન્દરના ઘણા નેતાઓએ જણાવ્યું કે પાર્ટીની સ્ટેટ યુનિટમાં બળવો થઈ રહ્યો છે અને જો સિદ્ધુને સ્ટેટ ચીફ બનાવાયા તો વિસ્ફોટ થઈ શકે છે. એક નેતાએ ત્યાં સુધી કહ્યું કે પાર્ટી તૂટી પણ શકે છે. 

કેપ્ટન અમરિન્દર કોંગ્રેસ અધ્યક્ષ સોનિયા ગાંધીનો કોઈ પણ ફેસલો સ્વીકારશે-હરીશ રાવત 

મુલાકાત બાદ હરીશ રાવતે જણાવ્યું કે કેપ્ટન અમરિન્દરે કોંગ્રેસ અધ્યક્ષ સોનિયા ગાંધી તરફથી લેનાર કોઈ પણ ફેંસલાને સ્વીકાર કરવાની વાત કરી છે. રાવતે મીડિયાના સવાલોના જવાબ આપતા જણાવ્યું કે કેપ્ટને ફરી વાર એ વાત કહી છે કે કોંગ્રેસ અધ્યક્ષ તરફથી જે પણ નિર્ણય લેવામાં આવશે, તેનું તેઓ સન્માન કરશે. 

હરીશ રાવતની સાથે સીએમની મુલાકાત સારી રહી- અમરિન્દરના મીડિયા સલાહકાર 

બીજી બાજ પંજાબ સીએમ અમરિન્દરના મીડિયા સલાહકાર રવીન ઠુકરાલે કહ્યું કે હરીશ રાવતની સાથે સીએમની મુલાકાત સારી રહી છે. કોંગ્રેસ અધ્યક્ષ તરફથી લેવામાં આવેલા તમામ નિર્ણયો બધાને માન્ય રહેશે. કેપ્ટને કેટલાક મુદ્દા ઉઠાવ્યાં છે જેને પાર્ટી અધ્યક્ષી સામે રાખવામાં આવશે. પંજાબ કોંગ્રેસ માટે માથાનો દુખાવો બનેલી ચૂકેલા સીએણ અમરિન્દર અને નવજોત સિંહ સિદ્ધુ વિવાદમાં શનિવારે એક નવો વળાંક આવ્યો છે. 

નવજોત સિંહ સિદ્ધુ પંજાબ કોંગ્રેસના અધ્યક્ષ સુનીલ જાખડના ઘેર જઈને મળતા રાજકારણ ગરમાયું
નવજોત સિંહ સિદ્ધુ પંજાબ કોંગ્રેસના અધ્યક્ષ સુનીલ જાખડના ઘેર જઈને મળતા રાજકારણ ગરમાયું છે. એટલું જ નહીં પરંતુ બન્ને નેતાઓ ગળે પણ લાગ્યાાં હતા. સિદ્ધુ અને જાખડના ગળે મળવાની તસવીરો બહાર પડ્યા બાદ કયાસ લાગી રહ્યાં છે કે સિદ્ધુએ કેપ્ટન સામેના જંગમાં બાજી મારી લીધી છે.

છેલ્લા કેટલાક દિવસોથી બન્ને વચ્ચે ચાલતો વિવાદ દૂર કરવા માટે કોંગ્રેસે સિદ્ધુને પ્રદેશ અધ્યક્ષ બનાવવાની ફોર્મ્યુલા રજૂ કરી છે જોકે અમરિન્દરને સિદ્ધુના પ્રદેશ અધ્યક્ષ બનવાની સામે વાંધો છે. ત્યાં સુધી કે તેમના રાજનામાની પણ ચર્ચા ચાલી હતી.