રોજગારી / મોટી ખુશખબર : ચાલુ વર્ષે 60,000 મહિલાઓને નોકરી મળશે, આ 3 કંપનીઓએ કરી મોટી જાહેરાત

• HCL 60 ટકા મહિલાઓને નોકરી આપશે
• દેશની સૌથી મોટી આઈટી કંપની TCS 38 થઈ 45 વર્ષની મહિલાઓને નોકરીએ રાખશે
• ઈન્ફોસિસ 2030 સુધી 45 ટકા મહિલાઓને રોજગારી આપશે

આ ત્રણેય કંપનીઓ તેના કુલ કર્મચારીઓમાં મહિલાઓની હિસ્સેદારી વધારવા માગે છે. આ કંપનીઓ ચાલુ વર્ષે એન્ટ્રી લેવલ પર સૌથી વધારે મહિલાઓની ભરતીઓ કરી શકે છે.

ચાલુ વર્ષે કેમ્પસમાંથી એચસીએલની થનારી ભરતીમાં મહિલાઓની હિસ્સેદારી 60 ટકા સુધી હશે. વિપ્રો અને ઈન્ફોસિસ પણ એન્ટ્રી લેવલ પર 50 ટકા મહિલાઓની ભરતી કરવા ઈચ્છુક છે. ટીસીએસ 38 થી 45 ટકા મહિલાઓની ભરતી કરી શકે છે. છેલ્લા ત્રણ વર્ષથી તેમની ભરતીમાં મહિલાઓની હિસ્સેદારી પણ આ સ્તરે રહી છે. 

HCL 22,000 લોકોની ભરતી કરશે 

દિગ્ગજ આઈટી કંપની HCL ચાલુ વર્ષે એન્ટ્રી લેવલ પર 22,000 લોકોની ભરતી કરવાની યોજના બનાવી છે. આ સંખ્યા ઘણી વધારે છે. કંપનીમાં આવનાર વર્ષોમાં કુલ વર્કફોર્સની સંખ્યાની દ્રષ્ટિએ પુરુષ અને મહિલાઓ વચ્ચેનું અંતર ઓછું કરવા માંગે છે. કંપનીના ચીફ ઓફિસ અપ્પારાવ વીવીએ જણાવ્યું કે જો અમે એન્ટ્રી લેવલેથી શરુ કરીને અમારા ટેલેન્ટ પુલ બનાવવા પર ફોક્સ કરીએ તો આવું થઈ શકે છે. 

ટેકનોલોજી કંપનીઓના કુલ વર્ક્ફોર્સમાં મહિલાઓની હિસ્સેદારી 33 ટકા છે

આ ત્રણ કંપનીઓ ધીરે ધીરે મહિલાઓની હિસ્સેદારી વધારવા માંગે છે. હાલાં ટેકનોલોજી કંપનીઓના કુલ વર્ક્ફોર્સમાં મહિલાઓની હિસ્સેદારી 33 ટકા છે. નેસ્કોમના જણાવ્યાનુસાર છેલ્લા થોડા વર્ષોથી  મહિલાઓ કર્મચારીઓની સંખ્યા વધારવા પર ખાસ ભાર મૂકાઈ રહ્યો છે. 

મહિલાઓની સંખ્યા વધારવા પર ભાર 

આઈટી કંપનીઓનું પ્રતિનિધિત્વ કરનાર સંસ્થા નેસ્કોમના સિનિયર વાઈસ પ્રેસિડન્ટ સંગીતા ગુપ્તાએ જણાવ્યું કે ડિઝિટલ ટેલેન્ટની માગ વધવા પર કંપનીઓ વર્કફોર્સમાં મહિલાઓની સંખ્યા વધારવા પર ભાર મૂકી રહી છે. તેને માટે કેમ્પસથી વધારે હાયરિંગ, હાઈબ્રિડ વર્ક મોડલ અને સ્ક્લિંગ જેવા ઉપાયો અપનાવાઈ રહ્યાં છે.