રાજકીય ખેલ / BIG NEWS: ચૂંટણી ટાણે ભાજપનો માસ્ટર સ્ટ્રોક, હાર્દિકના સાથી અને PAASના જૂના આગેવાનો સહિત 1500 કાર્યકરો કરશે કેસરીયા

• ગુજરાત વિધાનસભાની ચૂંટણી ટાણે ભાજપનો મોટો ખેલ 
• PAASના જૂના આગેવાનો પણ હવે ભાજપમાં જોડાશે
• વધતા AAPના પ્રભાવ વચ્ચે ભાજપનો મોટો દાવ

ખેલ પાડવામાં માહિર ભાજપે ચુંટણી ટાણે જબરો ખેલ પાડી દીધી છે. જેમાં PAASના જૂના આગેવાનો પણ હવે ભાજપમાં જોડાશે. હાર્દિક પટેલના અન્ય જૂના સાથીઓ પણ ભગવો ધારણ કરશે જેને લઇને વિરોધીઑમાં સોપો પડી ગયો છે. કન્વિનરો અને ટીમ સહીત 1500 થી વધુ કાર્યકરો આવતીકાલે ભાજપમાં જોડાઇ શકે છે.

કન્વિનરો અને ટીમ સહીત 1500 થી વધુ કાર્યકરો ભાજપમાં જોડાશે
ગુજરાત ચુંટણીને લઇને વધતા AAP ના પ્રભાવ વચ્ચે ભાજપે માસ્ટર સ્ટોક માર્યો છે. જેમાં અમદાવાદ પાસ કન્વિનર જયેશ પટેલ, મધ્ય ગુજરાત પાસ કન્વિનર ઉદય પટેલ સહિતના કન્વીનરો ભાજપમાં જોડાશે. જ્યારે કન્વિનરો અને ટીમ સહીત 1500 થી વધુ કાર્યકરો ભાજપમાં જોડાતા ભાજપની તાકાતમાં વધારો થશે. જેમાં ધર્મેશભાઈ પટેલ, યશ પટેલ, રાધે પટેલ, બ્રિજેશ પટેલ, ભાવેશ પટેલ, મિલન કાવર, હિલ પટેલ, જીતેન્દ્ર પટેલ, ડાહ્યા પટેલ, શૈલીન પટેલ, ક્રિષ્ણા પટેલ, મૌલીક પટેલ, મિત પટેલ, શૈલેષ પટેલ સહિતના PAASના આગેવાનો કેસરીયા કરશે.  આ અંગે આવતીકાલે સત્તાવાર રીતે  PAAS કન્વીનરો ભાજપનો ખેસ ધારણ કરી શકે છે.
 

હાર્દિક પટેલની કેવી રહી છે રાજકીય સફર?

• હાર્દિક પટેલ ગુજરાતના યુવા પાટીદાર નેતા છે
• હાર્દિક પટેલ PAASના સ્થાપક અને સંયોજક છે
• હાર્દિક પટેલ ગુજરાત કોંગ્રેસના કાર્યકારી અધ્યક્ષ હતા
• વીસનગરમાં 2015માં યોજાયેલી રેલીથી હાર્દિક પટેલ લોકપ્રિય થયા
• હાર્દિક પટેલે 25 ઓગસ્ટે 2015ના અમદાવાદના GMDC ગ્રાઉન્ડમાં અનામતની માગણી સાથે જાહેર રેલી યોજી હતી
• અમદાવાદના GMDC ગ્રાઉન્ડની રેલી બાદ હાર્દિકનું નામ દેશભરમાં જાણીતું થયું હતું
• GMDCની રેલી બાદ રાજ્યભરમાં મોટાપાયે તોફાનો થયા હતા
• આ તોફાનોમાં 14 પાટીદાર યુવાનોના મૃત્યુ થયા હતા
• હાર્દિક પટેલ સામે રાજ્યભરમાં 56 FIR નોંધાઇ હતી
• હાર્દિક પટેલ તડીપારીના આદેશને લીધે છ મહિના રાજસ્થાનમાં રહ્યા હતા
• હાર્દિક પટેલ નવ મહિના સુધી રાજદ્રોહના કેસમાં જેલમાં રહ્યા હતા
• હાર્દિક પટેલને રાજદ્રોહના આરોપસર સુરતના લાજપોર જેલમાં મોકલી દેવામાં આવ્યા હતા
• આનંદીબહેન પટેલને ગુજરાતના મુખ્યમંત્રી તરીકે રાજીનામું અપાવવામાં હાર્દિક પટેલે મોટો ભાગ ભજવ્યો હતો
• 2019માં લોકસભાની ચૂંટણી પહેલાં ગાંધીનગરમાં એક રેલી દરમિયાન હાર્દિક પટેલ કોંગ્રેસમાં જોડાયા હતા
• કોંગ્રેસના પૂર્વ અધ્યક્ષ રાહુલ ગાંધીની હાજરીમાં હાર્દિક પટેલ કોંગ્રેસમાં જોડાઈ ગયા હતા
• બાદમાં છેલ્લાં કેટલાંય સમયથી નારાજ ચાલી રહેલા હાર્દિકે 18 મે 2022ના રોજ કોંગ્રેસમાંથી રાજીનામું આપી દીધું હતું.
• 02 જૂન 2022ના રોજ કમલમ ખાતે ભાજપમાં જોડાયા હતા.
• આ વખતે વિરમગામથી વિધાનસભાની ચૂંટણી લડી રહ્યા છે.