કોરોનાને કારણે આખી દુનિયામાં હાહાકાર મચી ગયો છે. તેના કારણે લોકો ઘરમાં કેદ થઈ ગયા. ટીવી અને ફિલ્મોની શૂટિંગ રોકાઈ ગઈ. જોકે, હવે ફરી સરકારે મુંબઈમાં શૂટિંગ શરૂ કરવા શરતી મંજૂરી આપી છે. જોકે, સરકારની શરતોને કારણે 78 વર્ષના બિગ બી માટે મોટું સંકટ આવી ગયું છે. પ્રોડ્યુસર્સ ગિલ્ડ ઓફ ઈન્ડિયાની નવી ગાઈડલાઈન્સ પ્રમાણે બિગ બી અને ફિલ્મોના પ્રોડ્યસર્સ સામે નવું સંકટ ઊભું થઈ ગયું છે.
અમિતાભ બચ્ચન માટે નવી મુશ્કેલી ઊભી થઈ
ઉંમર વધુ હોવાને કારણે શૂટિંગ નહીં કરી શકે બિગ બી
થઈ શકે છે કોરોડો રૂપિયાનું નુકસાન
લોકોના દિલ પર રાજ કરનારા સદીના મહાનાયકને દર્શકો પડદા પર જોવા માટે હમેશાં આતુર રહે છે. બિગ બી આટલી ઉંમરે પણ બોલિવૂડના યુવાન એક્ટરોને પાછળ કરી દે છે. રાઈટર્સ તેમને ધ્યાનમાં રાખી સ્ક્રિપ્ટ લખે છે. પણ કોરોનાને કારણે બિગ બીની મુશ્કેલીઓ વધી ગઈ છે. બિગ બીની ઉંમરને કારણે તેઓ શૂટિંગ પર ક્યારે પરત ફરી શકશે તે અંગે સવાલો ઊભા થઈ ગયા છે.
અમિતાભની આગામી ફિલ્મો
બિગ બીની ગુલાબો સિતાબો 12 જૂને ઓનલાઈન રિલીઝ થશે. આ સિવાય તેઓ બ્રહ્માસ્ત્ર, બટરફ્લાઈ, ઝુંડ, હેરા ફેરી 3 અને તમિલ ફિલ્મ ઉયર્નથા મનિથનમાં પણ આ વર્ષે જોવા મળવાના છે. જેમાંથી કેટલીક ફિલ્મોનું શૂટિંગ શરૂ થઈ ગયું હતું, પણ પછી શૂટિંગમાં લોકડાઉનને કારણે બ્રેક લાગી ગયો. જ્યારે કેટલીક ફિલ્મોનું શૂટિંગ શરૂ થયું નથી.
સોની ટીવી પર પ્રસારિત થનારા કેબીસીને બિગ બી હોસ્ટ કરે છે. આ સીઝનનું રજિસ્ટ્રેશન પણ શરૂ થઈ ગયું છે, પરંતુ સવાલ એ છે કે શોની શૂટિંગ કઈ રીતે થશે, રજિસ્ટ્રેશન માટે તો બિગ બીએ ઘરેથી જ શૂટિંગ કર્યું પરંતુ નવી ગાઈડલાઈન્સને કારણે શોના મેકર્સે હોસ્ટ બદલવાની ફરજ પડી શકે છે.
આ છે ગાઈડલાઈન
સેટ પર હાથ ધોવા અને સેનિટાઈઝેશન કરવું ફરજિયાત કરવામાં આવે. ક્રૂના દરેક મેમ્બરને ટ્રીપલ લેયર માસ્ક અને ગ્લોવ્સ આપવામાં આવે, જે તેમને સંપૂર્ણ શૂટ દરમિયાન પહેરવું પડશે. હાથ મિલાવવા, હગ કરવી અને કિસ કરવી નહીં. સેટ / ઓફિસ / સ્ટુડિયોમાં એકબીજાની સિગરેટ શેર કરવી નહીં. સાથીદારો વચ્ચે 2 મીટરનું અંતર જાળવવું. 60 વર્ષથી ઉપરનાં વરિષ્ઠ કલાકારોએ પ્રથમ ત્રણ મહિના સેટ પર ન આવવાની સૂચના આપવામાં આવી છે. સેટને રોજ સેનિટાઈઝ કરવામાં આવશે અને સેનિટાઇઝેશનનું કામ ફક્ત સરકારી એજન્સીઓને આપવામાં આવશે.