ગુડ ન્યૂઝ / HDFC Life ના પોલિસીધારકો માટે મોટા ગુડ ન્યૂઝ, કંપનીએ કર્યું જબરદસ્ત બોનસનું એલાન

જીવનનો કોઈ ભરોસો નથી એમ વિચારીને આજકાલ દરેક લોકો પાસે વીમો કરાવેલ જરૂરથી હશે પણ ઘણી વખત એવું બને છે કે લોકો વિચાર નથી શકતા કે કઈ વીમા પોલીસી સૌથી સારી છે અને કઈ વીમા પોલીસીમાં સૌથી વધુ લાભ મળશે. હાલ વીમા કંપની ઓ વચ્ચે કોમ્પીટીશન ઘણું વધી ગયું છે, એવામાં આ ક્ષેત્રની દિગ્ગજ વીમા કંપની એચડીએફસી લાઈફ (HDFC Life)ના વીમા પોલીસી ધારકો માટે ખુબ સારા સમાચાર આવ્યા છે. એચડીએફસી લાઈફ (HDFC Life) તેના કુલ 5.87 પોલીસીધારકો ને બોનસ આપવા જઈ રહી છે. એચડીએફસી લાઈફ (HDFC Life) દ્વારા જે બોનસ આપવમાં આવશે એ અત્યાર સુધીનું સૌથી મોટું બોનસ છે. 

પોલીસીધારકોને મળશે 2465 કરોડનું બોનસ 
એચડીએફસી લાઈફ (HDFC Life) તેના 5.87 પોલીસીધારકો 2465 કરોડ રૂપિયાનું બોનસ આપવા જઈ રહી છે. આ રકમમાં 1,803 કરોડ રૂપિયા આ નાણાકીય વર્ષમાં પોલીસીધારકોને મૈચ્યોર થવાવાળી પોલીસી રૂપે અથવા તો રોકડ બોનસ સ્વરૂપે આપવમાં આવશે. બાકીની રકમ વીમાપોલીસીની મૈચ્યોરીટી પર અથવાતો પોલિસીધારકની અચાનક થયેલ મૃત્યુ કે પોલીસી સરેન્ડર પર આપવામાં આવશે. આ બોનસની ઘોષણા કરતા એચડીએફસી લાઈફ (HDFC Life)ના એમડી-સીએઓ વિભા પડલકરે કહ્યું હતું કે, આ આજ સુધી કંપની દ્વારા આપવમાં આવેલ બધા બોનસ કરતા ઘણું વધારે છે. અમે દર વર્ષે બોનસ આપીએ છીએ અને આ રીતે જ અમે પોલીસીધારકોના ભરોસા પર ખરા ઉતરવાની કોશિશ કરીએ છીએ. 

શેરના ભાવમાં 29 ટકા સુધી ઘટાડો 
તમને જણાવી દઈએ કે ખાનગી ક્ષેત્રમાં અનુમતિ મળ્યા પછી 2000ના વર્ષમાં એચડીએફસી લાઈફ (HDFC Life) એ વીમા ક્ષેત્રમાં પગપેસારો કર્યો હતો. એચડીએફસી લાઈફ (HDFC Life) પ્રોટેક્શન, સેવિંગ, રોકાણ અને હેલ્થ પ્લાન ઓફર કરે છે . એચડીએફસી લાઈફ (HDFC Life) સ્ટોક એક્સચેન્જ પર પણ લીસ્ટેડ છે. હાલ એચડીએફસી લાઈફ (HDFC Life)નો શેર 554 રૂપિયાની આસપાસ ટ્રેન્ડ કરી રહ્યો છે . જો કે એક સમયે આ શેરે 775 રૂપિયાની સપાટી સુધી પંહોચ્યો હતો. હાલ એ સમય કરતા આ શેરનો ભાવ 29 ટકા સુધી ઘટ્યો છે.