T-20 World Cup 2022 / ક્રિકેટરસિકો માટે મોટા ગુડ ન્યૂઝ: આ ચેનલ પર પણ જોવા મળશે સેમીફાઇનલ-ફાઇનલ, ગામડાઓમાં ફાયદો

• ટી 20 વર્લ્ડ કપની સેમિ-ફાઇનલ મેચો 9 નવેમ્બરથી શરૂ થઈ રહી છે
• ICC T20 વર્લ્ડ કપની મેચો ઘરે બેઠા ફ્રીમાં જોઈ શકાશે 
• સેમી ફાઈનલ અને ફાઈનલ મેચો પણ ડીડી સ્પોર્ટ્સ પર લાઈવ ટેલિકાસ્ટ થશે 

ટી 20 વર્લ્ડ કપ 2022 પૂરો થવાની કાગર પર છે. આપણએ બધા જાણીએ છીએ કે ટી 20 વર્લ્ડ કપની સેમિ-ફાઇનલ મેચો 9 નવેમ્બરથી શરૂ થઈ રહી છે અને દુનિયાભરના ચાહકો આ સેમિ-ફાઇનલ મેચોની આતુરતાથી રાહ જોઈ રહ્યા છે. જણાવો દઈએ કે પાકિસ્તાન અને ન્યુઝીલેન્ડ વચ્ચે 9 નવેમ્બરના રોજ અને ભારત અને ઈંગ્લેન્ડ વચ્ચે 10 નવેમ્બરના રોજ સેમીફાઈનલ મેચ  રમાવા જઈ રહી છે. જો કે આ વખતે વર્લ્ડ કપમાં ટીમ ઈન્ડિયા એ ખૂબ સારું પ્રદર્શન કર્યું છે એ ગર્વની વાત છે. આ સિવાય ભારત માટે વધુ એક સારા સમાચાર એ છે કે T20 વર્લ્ડ કપ 2022 ની સેમી ફાઈનલ અને ફાઈનલ મેચો પણ ડીડી સ્પોર્ટ્સ પર લાઈવ ટેલિકાસ્ટ થવા જઈ રહી છે. 

𝐈𝐧𝐭𝐨 𝐓𝐡𝐞 𝐒𝐞𝐦𝐢𝐬 🙌#TeamIndia | #T20WorldCup pic.twitter.com/4avLw1VgOT

— BCCI (@BCCI) November 6, 2022

મેચ રસિકોને આ નિર્ણય ખુશ કરી જાય એવો છે. જણાવી દઈએ કે ડીડી સ્પોર્ટ્સ પર લાઈવ ટેલિકાસ્ટ થવાને કારણે દૂરના વિસ્તારોમાં જ્યાં કેબલની સુવિધા નથી અથવા જેમના પેકમાં સ્ટાર સ્પોર્ટ્સ નેટવર્ક નથી એ લોકો પણ પણ DD સ્પોર્ટ્સ પર ICC T20 વર્લ્ડ કપની મેચો ઘરે બેઠા ફ્રીમાં જોઈ શકે છે. 

હવામાન વિશે પણ ચિંતા નહીં
હવે T20 વર્લ્ડ કપમાં સેમિફાઇનલની મેચોની જંગ શરૂ થવા જઈ રહી છે અને આ વખતે વરસાદના કારણે કોઈ મેચ રદ્દ થવાની પણ ચિંતા નથી. જણાવી દઈએ કે  ICCએ વરસાદને પહોંચી વળવા માટે કઇંક ખાસ તૈયારી કરી છે જેમાં સેમિ-ફાઇનલ અને ફાઇનલ બંને મેચ માટે એક-એક દિવસ રિઝર્વ રાખવામાં આવ્યો છે. એટલે કે જો વરસાદના કારણે સેમીફાઈનલ કે ફાઈનલના કોઈ પણ મેચનું મેચના દિવસે પરિણામ ન આવે તો બીજા દિવસે એ મેચ પૂરો કરી શકાય છે. આ ઉપરાંત ઓસ્ટ્રેલીયાના હવામાન વિભાગના જણાવ્યા અનુસાર 10 નવેમ્બરે ભારત અને ઈંગ્લેન્ડની મેચ દરમિયાન વરસાદની કોઈ શક્યતા નથી બતાવવામાં આવી પણ આ સાથે એમ કહેવામાં આવ્યું છે કે વાદળછાયું વાતાવરણ રહી શકે છે. 

Semi Finalist of the #T20WorldCup 2022 🏏#NZvPAK | #INDvENG | #Semifinal pic.twitter.com/zTJMCzGkeF

— Doordarshan Sports (@ddsportschannel) November 7, 2022

કેટલા વાગ્યે શરૂ થશે મેચ.. 
જણાવી દઈએ કે 9 નવેમ્બરે પાકિસ્તાન અને ન્યુઝીલેન્ડ વચ્ચે અને 10 નવેમ્બરે ભારત અને ઈંગ્લેન્ડ વચ્ચેની સેમિફાઇનલ મેચ દર્શકો સ્ટાર સ્પોર્ટ્સ સિવાય ડીડી સ્પોર્ટ્સ પર લાઈવ ટેલિકાસ્ટ જોઈ શકે છે. આ બંને મેચ ભારતીય સમય મુજબ બપોરે 1:30 વાગ્યે શરૂ થશે.  જો કોઈ ફોન પર આ મેચ જોવા માંગે છે તો તે ડિઝની પ્લસ હોટસ્ટાર પર જોઈ શકે છે.