દિવાળી પહેલા દેશની સૌથી મોટી બેંક SBI એ પોતાના ગ્રાહકોને ભેટ આપી છે. SBIમાં FD મેળવનારા લોકોને હવે જમા રકમ પર વધુ વ્યાજ મળશે.
દિવાળી પહેલા દેશની સૌથી મોટી બેંકે ગ્રાહકોને ભેટ આપી
SBIમાં FD મેળવનારા લોકોને હવે જમા રકમ પર વધુ વ્યાજ મળશે
SBI એ પોતાના ગ્રાહકોને મોટી ભેટ આપી
દેશની સૌથી મોટી સરકારી બેંક સ્ટેટ બેંક ઓફ ઈન્ડિયા (SBI) એ પોતાના ગ્રાહકોને મોટી ભેટ આપી છે. બેંકે ફિક્સ્ડ ડિપોઝિટ (FD રેટ્સ) પરના વ્યાજ દરમાં વધારો કર્યો છે. હવે SBIમાં ડિપોઝીટ સ્વરૂપે પૈસા રાખવા પર વધુ વ્યાજ મળશે. FD પર વધેલા વ્યાજ દરો 22 ઓક્ટોબર 2022 થી લાગુ થશે. બેંકના આ પગલાથી આવા વધુ ગ્રાહકોને ફાયદો થશે, જેઓ ફિક્સ ડિપોઝીટના રૂપમાં થાપણો પર નિર્ભર છે. તાજેતરમાં બેંકે તેની લોન મોંઘી કરી છે. હવે તેણે ફિક્સ ડિપોઝિટ પર વ્યાજ દર વધારીને ગ્રાહકોને રાહત આપવાનો પ્રયાસ કર્યો છે.
વ્યાજ દરમાં મહત્તમ 80 બેસિસ પોઈન્ટનો વધારો કર્યો
સ્ટેટ બેંકે ફિક્સ્ડ ડિપોઝિટ પરના વ્યાજ દરમાં મહત્તમ 80 બેસિસ પોઈન્ટનો વધારો કર્યો છે. નવા દરો રૂ. 2 કરોડથી ઓછી ડિપોઝીટ પર લાગુ થશે. SBIએ શોર્ટ ટર્મ ડિપોઝીટના વ્યાજ દરમાં 211 દિવસથી એક વર્ષ સુધીનો આ વધારો કર્યો છે. અત્યાર સુધી ગ્રાહકોને FD પર 4.70 ટકાના દરે વ્યાજ મળતું હતું. તે હવે વધીને 5.50 ટકા થશે. આ સિવાય બેંકે અન્ય સમયગાળાની FD પર ઉપલબ્ધ વ્યાજ દરોમાં પણ વધારો કર્યો છે.
FD પરના વ્યાજ દરોમાં 60 બેસિસ પોઈન્ટસનો વધારો થયો
180 થી 210 દિવસના સમયગાળામાં પાકતી FD પરના વ્યાજ દરોમાં 60 બેસિસ પોઈન્ટસનો વધારો થયો છે. બે વર્ષથી ત્રણ વર્ષથી ઓછા સમયગાળા માટે સમાન વધારો કરવામાં આવ્યો છે આ સમયગાળા માટે વ્યાજ દર 5.65 ટકાથી વધારીને 6.25 ટકા કરવામાં આવ્યો છે. 46 દિવસથી 179 દિવસની મુદતવાળી ફિકસ્ટ ડિપોઝીટ વ્યાજદરમાં 50 બેસિસ પોઈન્ટનો વધારો કરવામાં આવ્યો છે અને હવે તે 4.50 ટકા છે.
એક બે વર્ષથી ઓછી મુદ્દતવાળી FD પર વ્યાજ દર 5.60 ટકાથી વધારીની 6.10 ટકા કરવામાં આવ્યો છે. SBI એ સાત દિવસથી 45 દિન સુધીની મુદ્દતવાળી FD પર વ્યાજ દર ત્રણ ટકા રાખ્યો છે. તેમાં કોઈ પણ જાતનો ફેરફાર કરવામાં આવ્યો નથી.
માર્જીનલ કોસ્ટ ઓફ ફંડ્સ આધારિત લેન્ડિંગ રેટમાં વધારો કર્યો
તાજેતરમાં SBI એ તેના માર્જીનલ કોસ્ટ ઓફ ફંડ્સ આધારિત લેન્ડિંગ રેટમાં વધારો કર્યો છે. જેના કારણે તમામ પ્રકાની લોન મોંઘી થઈ ગઈ છે લોકોની ઈએમઆઈ પણ વધી ગઈ છે. ફુગાવાને કાબૂમાં રાખવા માટે રિઝર્વ બેંકે આ વર્ષના મે મહિનાથી અત્યાર સુધીમાં ચાર વખત રેપો રેટ વધાર્યો છે. જેમા કારણે બેંકના વ્યાજદરમાં ફેરફાર થઈ રહ્યો છે.