સોના ચાંદીનાં વાયદા ભાવમાં શુક્રવારે ઘટાડો જોવા મળ્યો હતો. શુક્રવારે સવારે લગભગ 11 વાગે MCX એક્સચેન્જ પર પાંચ ડીસેમ્બર 2019 માટે સોનાનો વાયદા ભાવ 38045 રૂપિયા પ્રતિ દસ ગ્રામ માટે હતો. આ સિવાય ફેબ્રુઆરી માટે સોનાની વાયદા કિમતમાં ઘટાડો થયો છે. પાંચ ફેબ્રુઆરી 2020 માટે સોનાનો વાયદા ભાવ 0.62 ટકાના ઘટાડા સાથે 38,025 રૂપિયા પ્રતિ 10 ગ્રામ પર ટ્રેન્ડ કરી રહ્યો હતો.
સોના ચાંદીની વાયદા કિંમતમાં ભારે ઘટાડો
પાંચ ડીસેમ્બર માટે ચાંદીની વાયદા કિંમત 44,397 રૂપિયા પ્રતિ કિલોગ્રામ પર નોંધાઈ
ગુરુવારે HDFC સિક્યુરીટીઝ અનુસાર સોનામાં માત્ર 15 રૂપિયાની તેજી નોંધવામાં આવી
સોનામાં જ નહિ ચાંદીમાં પણ ઘટાડો
આ ઘટાડો માત્ર સોનામાં જ નહિ ચાંદીમાં પણ જોવા મળ્યો છે. શુક્રવારે ચાંદીની વાયદા કિંમતમાં ભારે ઘટાડો જોવા મળ્યો. MCX એક્સચેન્જ પર પાંચ ડીસેમ્બર માટે ચાંદીની કિંમતમાં 0.73 ટકા એટલે કે 326 રૂપિયાનો ઘટાડો જોવા મળ્યો છે. પાંચ ડીસેમ્બર માટે ચાંદીની વાયદા કિંમત 44,397 રૂપિયા પ્રતિ કિલોગ્રામ પર નોંધાઈ હતી.
ચાંદીમાં 50 રૂપિયાની તેજી નોંધવામાં આવી
ઉલ્લેખનીય છે કે ગુરુવારે HDFC સિક્યુરીટીઝ અનુસાર સોનામાં માત્ર 15 રૂપિયાની તેજી નોંધવામાં આવી છે. ગુરુવારે સોનાનો ભાવ 38,995 રૂપિયા પ્રતિ 10 ગ્રામ પર બંધ થયો હતો. બીજી તરફ ચાંદીમાં 50 રૂપિયાની તેજી નોંધવામાં આવી. ચાંદીનો ભાવ ગુરુવારે 45,726 રૂપિયા પ્રતિ કિલોગ્રામ પર બંધ થયો હતો.આંતરરાષ્ટ્રીય સ્તરની વાત કરીએ તો બ્લૂમબર્ગ અનુસાર શુક્રવારે સોનાની ચાલુ કિમત 0.35 ટકાના ઘટાડા સાથે 1466.31 ડોલર પ્રતિ ઔંસ પર ટ્રેન્ડ કરી રહી હતી. ચાંદીની ચાલુ કિંમત 0.40નાં ઘટાડા સાથે 16.96 ડોલર પ્રતિ ઔંસ પર ટ્રેન્ડ કરી રહી હતી.
ક્રુડ ઓઈલની વાયદા કિંમત 5 રૂપિયાના ઘટાડા સાથે ટ્રેન્ડ કરી રહી હતી
બીજી તરફ ક્રુડ ઓઈલની વાત કરીએ તો તેના પણ વાયદા ભાવમાં ઘટાડો જોવા મળી રહ્યો છે. MCX એક્સચેન્જ પર શુક્રવારે ક્રુડ ઓઈલની વાયદા કિંમત 5 રૂપિયાના ઘટાડા સાથે ટ્રેન્ડ કરી રહી હતી. આ ઘટાડાના લીધે 19 નવેમ્બર 2019ની ક્રુડ ઓઈલની વાયદા કિંમત 4096 રૂપિયા પ્રતિ બેરલ પર નોંધાઈ હતી.