શહેરી વિસ્તારમાં આવતા 35 ધારાસભ્યોની ગ્રાન્ટ 2 કરોડ વધારાઈ, માર્ગ મકાન વિભાગ ફાળવશે રસ્તા અને સમારકામ માટે ગ્રાન્ટ
રોડ રસ્તાના સમારકામ માટે MLA ગ્રાન્ટમાં કરાયો વધારો
શહેરી વિસ્તારમાં આવતા 35 ધારાસભ્યોને ગ્રાન્ટ વધારાઈ
2 કરોડની ગ્રાન્ટમાં માર્ગ મકાન વિભાગમાંથી ફાળવાશે
રોડ રસ્તાઓને લઇ રાજ્ય સરકારે મહત્વનો નિર્ણય કર્યો છે.રોડ રસ્તાના સમારકામ માટે MLA ગ્રાન્ટ મોટો વધારો કરવા આવ્યો છે. શહેરી વિસ્તારમાં આવતા 35 ધારાસભ્યોની ગ્રાન્ટમાં 2 કરોડનો વધારો કરવામાં આવ્યો છે. વર્ષ 2021-22માં MLAને જે પણ ગ્રાન્ટ મળે છે તેનાથી 2 કરોડની ગ્રાન્ટ વધુ ફાળવામાં આવશે. પણ ગ્રાન્ટનો ઉપયોગ રોડ રસ્તા અને સમારકામ માટે વાપરવાનો રહેશે. 35 ધારાસભ્યોને 70 કરોડની ગ્રાન્ટ માર્ગ મકાન વિભાગમાંથી ફાળવવામાં આવશે.
શહેરી MLA દીઠ 2 કરોડની વધુ ગ્રાન્ટ
ગુજરાતના શહેરી મત વિસ્તાર ધરાવતા 35 જેટલા ધારાસભ્યો માટે રાજ્ય સરકારે તિજોરીના દ્વારા ખૂલ્યા છે. માર્ગ મરામત અને વિકાસના કાર્યો હાથ ધરી શકે તે હેતુથી MLA દીઠ 2 કરોડથી વધુ ગ્રાન્ટ ફાળવવા ગુજરાત સરકારના માર્ગ મકાન વિભાગે નિર્ણય લીધો છે. આ ગ્રાન્ટ ફાળવાથી શહેરના રસ્તા ચોમાસામાં ધોવાયા બાદ ફરી ચકાચક થશે. મુખ્યમંત્રી સમક્ષ કરવામાં આવેલી દરખાસ્તનો હકારાત્મક પ્રતિસાદ આપતા આ નિર્ણય લેવામાં આવ્યો છે.
માર્ગ મરામત અભિયાનને કેવો પ્રતિસાદ?
ચોમાસાના અંતમાં ગુજરાત સરકારે શરૂ કરેલા માર્ગ મરામત મહા અભિયાનને બહોળો પ્રતિસાદ મળ્યો હતો. ગુજરાત ભરમાં 1થી 10 ઓક્ટોબર સુધી માર્ગ મરામત મહાઅભિયાન અંતગર્ત ખરાબ રસ્તાને થિગડા મારવા અનેક ફરિયાદો આવી હતી. સરકારી આકડા મુજબ ભારે વરસાદના કારણે અનેક રોડ રસ્તાઓમાં મોટા ખાડા પડ્યાં હતા, જેમાં 30 હજાર ફરિયાદો મળી હતી જ્એ માંથી લભગભ 23000 જેટલા રોડ રસ્તાનું પેચવર્કનું કામ પૂરું કરવામાં આવ્યું છે તો અન્ય બાકી કામો પુરઝડપે થઈ રહ્યા હોવાનો માર્ગ મકાન વિભાગ દાવો કરી રહ્યું છે. મહત્વનું છે અભિયાનના શરૂઆતના દિવસોમાં પ્રત્યેક દિવસે 7000 હજારથી વધુ ફરિયાદ વિભાગને આવતી હતી જેમાં હવે મોટો ઘટાડો થઈ 1400ની આસપાસ ફરિયાદો મળી રહી છે.