વિધાનસભાની બેઠક વ્યવસ્થામાં ફેરફાર કરાયો છે. જે મુજબ 120 ધારાસભ્યો ગૃહમાં અને 60 ધારાસભ્યો પ્રેક્ષક ગેલેરીમાં બેસશે.
1 માર્ચે મળશે ગુજરાત વિધાનસભાનું બજેટ સત્ર
વિધાનસભા અધ્યક્ષ રાજેન્દ્ર ત્રિવેદીએ કરી સમીક્ષા
બજેટ સત્ર માટેની તૈયારીઓની કરી સમીક્ષા
1 માર્ચથી ગુજરાત વિધાનસભાના સત્રનો પ્રારંભ થઈ રહ્યો છે. ત્યારે વિધાનસભાના અધ્યક્ષ રાજેન્દ્ર ત્રિવેદીએ બજેટ સત્ર માટેની તૈયારીઓની સમીક્ષા કરી હતી. આપને જણાવી દઈએ કે, કોરોના મહામારીને લઇ વિધાનસભાની બેઠક વ્યવસ્થામાં ફેરફાર કરાયો છે. જે મુજબ 120 ધારાસભ્યો ગૃહમાં અને 60 ધારાસભ્યો પ્રેક્ષક ગેલેરીમાં બેસશે. તો મુલાકાતીઓ માટે વિધાનસભામાં પ્રવેશ પર પ્રતિબંધ મુકવામાં આવ્યો છે.
ચૂંટણી પરિણામને લઈને બજેટ તારીખના ફેરફાર
રાજ્ય સરકારે બજેટની તારીખમાં ફેરફાર કર્યા છે. રાજ્યનું બજેટ 3 માર્ચે રજૂ કરવામાં આવશે. પહેલા 2 માર્ચે બજેટ રજૂ કરવાની જાહેરાત થઈ હતી. 2 માર્ચે જિલ્લા પંચાયત, તાલુકા પંચાયત નગરપાલિકાના પરિણામ છે. ચૂંટણી પરિણામને લઈને બજેટ તારીખના ફેરફાર થયો છે.
નાણામંત્રીનીતિન પટેલ વર્ષ 2021-22નું બજેટ રજૂ કરશે. રાજ્ય સરકાર નારાજ ખેડૂતો, બેરાજગારોથી માંડીને આમ જનતાને રાજી કરવા આ વખતે કરવેરા વિનાનું ફુલગુલાબી બજેટ રજૂ કરવા તૈયારીઓ કરી છે.નાણાંમંત્રીના પટારામાં શું ખૂલશે તેના પર સૌ કોઇની નજર મંડાઇ છે. જોકે, આ વખતે ગુજરાતના બજેટનું કદ બે લાખ કરોડને પાર કરી જશે.