વજનકાંટામાં છેડછાડ કરી 5 થી 15 કિલો સુધીનું વજન ઘટાડ્યું
ટંકારી ગામમાં કપાસ ખરીદવા આવ્યા હતા વેપારીઓ
આપણે વજનકાંટામાં થતી ગોલમાલની વાતો તો ઘણી સાંભળી હશે અને વાંચી હશે પરંતુ રિમોર્ડ કંન્ટોલથી કાંટામાં વજન ઘટાડી શકાય.. એવું લગભગ નહીં જ સાંભળ્યું હોય. જી હા.. ઘટાડી શકાય. આજે નર્મદા જિલ્લાની એવી ઘટના સામે આવી છે. જ્યાં એક કૌભાંડી વેપારીએ ખેડૂતનો કપાસ ખરીદ્યો હતો અને તેણે વજનકાંટામાં રિમોર્ડ કંન્ટ્રોલ મારફતે કૌભાંડ આચરતો હતો અને જે વેપારીના ખેલનો પર્દાફાર્શ થયો છે.
નર્મદામાં ખેડૂતોને છેતરવાના વેપારીના ખેલનો મોટો પર્દાફાશ
નર્મદા જિલ્લાના ટંકારી ગામમાં કપાસ ખરીદવા આવેલા વેપારીનો છેતરવાના ખેલનો પર્દાફાર્શ થયો છે. જે ખેડૂતોને અજીબ તરકીબ અપનાવી છેતરતો હતો. કૌભાંડી વેપારીએ વજનકાંટામાં છેડછાડ કરી 5 થી 15 કિલો સુધીનું વજન ઘટાડ્યું હતું જે બાબતે ખેડૂતને શંકા જતા વજનકાંટામાં છેડછાડનો પર્દાફાર્શ થયો હતો. ગોલમાલનો ભાંડો ફૂટતા વેપારી ફરાર થયો હતો. તે ઇલેક્ટ્રોનિક વજનકાંટામાં રિમોર્ટ કંટ્રોલથી વજનમાં ઘટાડો કરતો હતો.
ખેડૂત સાથે છેતરપિંડી થતી હોવાનો વીડિયો વાયરલ
ટંકારી ગામમાં કપાસ ખરીદવા આવેલો વેપારી કઈ રીતે છેતરપિંડી કરતો હતો તેનો પર્દાફાર્શ કરતાનો એક વીડિયો વાયરલ થયો છે. ઇલેક્ટ્રોનિક વજનકાંટામાં રિમોર્ટ કંટ્રોલથી વજનમાં ઘટાડો કરાતો જોવા મળી રહ્યો છે. જેમાં જે ખેડૂત વીડિયોમાં ડેમો પણ બતાવી રહ્યો છે તેમજ આ ફોટામાં જોઈ શકો છો કે, આ નાનકડા રિમોર્ડમાં બટન વડે તે રિમોર્ડથી વજનકાંટાને ટચ કર્યો વગર વજન 15 કિલો સુધી ઘટાડે છે.
કૌભાંડીઓથી ખેડૂતો ચેતી જજો
જગતનો તાત ખેડૂત જે કણથી મણ ઉત્પન કરનારો વર્ગ છે અને સાચી મહેનત અને કર્મનો તેમજ સાચા પરસેવાના પૈસા માટે રાત દિવસ મંજૂરી કરે છે. પરંતુ આવા કૌભાંડી વેપારીઓ પૈસા કમાવાના સોર્ટકર્ટ માટે ખેડૂતોને ટાર્ગેટ કરતા હોય છે માટે તમે તમારી ઉપજ વેચો છો ત્યારે જરૂરથી વજનકાંટા ચેક કરો.