કોરોના વાયરસને ફેલાવાથી અટકાવવા માટે ભારત સરકારે 25 માર્ચથી 21 દિવસ સુધી દેશભરમાં લોકડાઉનની જાહેરાત કરી છે. આમ થવાને કારણે મોટાભાગના ધંધા-વેપાર ઠપ્પ થઇ ગયા છે. જો કે, સોનાના બજાર પણ દેશમાં બંધ છે. તો વાયદા બજારમાં સોના-ચાંદીના ભાવમાં આજે તેજી જોવા મળી હતી.
સમગ્ર વિશ્વમાં કોરોનાનો કહેર યથાવત
સોના-ચાંદીના વાયદા બજારમાં આવ્યો ઉછાળો
વાયદા બજારની વાત કરીએ તો એમસીએક્સ એક્સચેંજ પર 5 જૂન, 2020 ની સાંજે સોનાના વાયદાના ભાવ 2.93 ટકા અથવા 1283 ના મજબૂત ઉછાળા સાથે 10 ગ્રામ દીઠ 45,005 રૂપિયા પર ટ્રેન્ડ કરી રહ્યું હતું. આ સિવાય 5 ઓગસ્ટ, 2020 ના સોનાનો વાયદો ભાવ એમસીએક્સ પર મંગળવારે સાંજે 2.87 ટકા અથવા 1261 રૂપિયાની મજબૂતી સાથે રૂ .45,147 પર ટ્રેન્ડ કરી રહ્યો હતો.
ચાંદીના ભાવમાં ઉછાળો
વાયદા બજારમાં ચાંદીની વાત કરીએ તો તેમાં પણ મંગળવારે નોંધપાત્ર વધારો જોવા મળ્યો છે. મંગળવારે સાંજે, એમસીએક્સનો ચાંદીનો વાયદો 5.35 ટકા અથવા 2214 રૂપિયાના વધારા સાથે રૂ. 43,565 પર ટ્રેન્ડ કરી રહ્યો છે. આ સિવાય 5 મેના રોજ એમસીએક્સ પર ચાંદીનો વાયદો ભાવ મંગળવારે સાંજે 5.35 ટકા અથવા રૂ .2202 ના જંગી ઉછાળા સાથે કિલોદીઠ રૂ. 43,425 પર ટ્રેન્ડ કરી રહ્યો હતો.
ક્રૂડ ઓઇલનો વાયદો
આ સાથે, ક્રૂડ ઓઇલના વાયદાના ભાવની વાત કરીએ તો, એમસીએક્સ પર મંગળવારે સાંજે, 20 એપ્રિલ, 2020 ના ક્રૂડ ઓઇલના વાયદાના ભાવ પ્રતિ બેરલ 0.68 ટકા અથવા 14 રૂપિયા વધીને 2062 રૂપિયા ટ્રેન્ડ કરી રહ્યો હતો.